影片
更多
2011-05-19
442 浏览
3月19日, 澳门疯狂大食团正式展开! 喺出发前就已经做晒research整咗个eat list~第一站就拣咗嚟喜莲试佢嘅牛尾汤通同埋咖哩角! ::: 咖哩吞拿鱼角 :::果然系名物~ 首先馅料咖哩配吞拿鱼已经够特别! 其次就系佢个size~ 根本就系三文治嘅size! 劲大份! 呢个非一般咖哩角亦唔系用普通嘅炸皮做, 而系用薄薄一块嘅白面包, 包上混入洋葱嘅咖哩吞拿鱼馅, 然后成件炸成金黄色! 一咬开脆卜卜嘅面包角, 澎湃嘅馅料争相爆出~ 咖哩吞拿鱼味道微辣, 但又有洋葱嘅香甜, 十分惹味! 嚟呢度必试!:::芝士猪扒夹饼 :::佢地嘅夹饼其实即系香港嘅飞碟~ 因为唔想食猪扒包住所以就叫咗个芝扒治试下! 同样都系面包夹馅料, 但呢个夹饼就无咖哩角咁脆, 虽然都有烘底, 但就咁睇都见到佢唔系烘得好均匀… 入面块猪扒薄薄地, 腌得几入味~ 加埋半溶嘅芝士, 基本上都好难唔好味~::: 鲜牛尾汤通粉 :::个样其实都有d似罗宋汤通粉~ 用嘅系坑纹通粉, 唔会煮得过淋, 所以都有d咬口. 鲜橙色嘅牛尾汤底味道唔算浓, 微微酸甜番茄味中渗出淡淡牛肉味~ 牛肉粒唔系话无味… 不过就真系太碎湿湿…
::: 咖哩吞拿鱼角 :::
果然系名物~ 首先馅料咖哩配吞拿鱼已经够特别! 其次就系佢个size~ 根本就系三文治嘅size! 劲大份! 呢个非一般咖哩角亦唔系用普通嘅炸皮做, 而系用薄薄一块嘅白面包, 包上混入洋葱嘅咖哩吞拿鱼馅, 然后成件炸成金黄色! 一咬开脆卜卜嘅面包角, 澎湃嘅馅料争相爆出~ 咖哩吞拿鱼味道微辣, 但又有洋葱嘅香甜, 十分惹味! 嚟呢度必试!
:::芝士猪扒夹饼 :::佢地嘅夹饼其实即系香港嘅飞碟~ 因为唔想食猪扒包住所以就叫咗个芝扒治试下! 同样都系面包夹馅料, 但呢个夹饼就无咖哩角咁脆, 虽然都有烘底, 但就咁睇都见到佢唔系烘得好均匀… 入面块猪扒薄薄地, 腌得几入味~ 加埋半溶嘅芝士, 基本上都好难唔好味~
::: 鲜牛尾汤通粉 :::个样其实都有d似罗宋汤通粉~ 用嘅系坑纹通粉, 唔会煮得过淋, 所以都有d咬口. 鲜橙色嘅牛尾汤底味道唔算浓, 微微酸甜番茄味中渗出淡淡牛肉味~ 牛肉粒唔系话无味… 不过就真系太碎湿湿… 整体都几好味~ 但又唔觉得真系好特别啰…
::: 咖哩牛脷饭 :::咖哩系十分澳门地道风味的~ 唔似港式咖哩咁沟椰奶加辣油, 又唔系日式甜咖哩咁杰挞挞… 呢个咖哩酱汁明显较稀, 味道辛香带辣劲! 牛脷份量都颇多~ 兼且块块都大大条, 有牛味得嚟又煮得香软淋身, 好好味! 不过就真系几辣…
::: 云吞拼水饺 :::食过番寻味, 于是就问下呀姐仲有咩推介食物, 佢就话系云吞同水饺~ 结果又叫咗十只双拼试试! 其实云吞同水饺个皮都系用云吞皮包, 只有个馅有少少唔同~ 个皮好嫩滑, 馅料亦新鲜, 都唔错!
::: 红豆冰 :::呢度d红豆冰都几多花款, 除咗普通嘅红豆冰, 仲有d沟奶茶咖啡嘅变奏版! 不过我地都系叫番最正宗嘅嚟试下先~ d奶落得好多, 味道颇甜. 可幸红豆都煲到起晒沙, 咬落香甜粉糯, 力保红豆冰最重要嘅一环!
::: 热朱古力 :::呢杯系友人叫嘅~ 望落都唔错! 朱古力粉都多, 味道自己浓郁~
以茶餐厅嚟讲呢度都几干净, 食物款式亦多~ 食客类别由游客至本地人都有~ 佢仲有d沙丹猪扒饭呀猪手呀一d特别菜名都好想试! 下次有机会再嚟食过~张贴
