葡景軒

营业中

休息中

基本上每次去澳门都一定要食葡国餐，喺澳门都真系食过好多间，但系我自己最钟意返嚟嘅，就一定系呢间葡景轩，钟意呢度坐得好阔落，加埋装修都几靓，食嘢嘅时候都会觉得舒适同开心。今日约埋朋友一齐嚟呢间餐厅食饭，朋友都赞不绝口！食物方面有几样嘢系我每次都一定会叫嘅，首先就系佢哋个汤，呢度个葡式传统薯蓉青菜汤清清甜甜，用嚟暖胃一流，而且因为佢够清，唔会饮完之后就食唔落其他嘢。炙烧葡式香肠都系另外一样，我觉得好好味嘅小食，香肠香脆有嚼口，烧完都可以保持到好多汁。葡式白酒炒花蛤都系另外一样会食上瘾嘅嘢，因为呢度嘅花甲特别肥美，用埋白酒炒过之后就带晒啲甜味出嚟。朋友今次自己话想食葡式小食拼盘，呢样嘢都系我第一次食，炸嘅嘢都炸得酥脆，冇油益味。炙烤马介休烤葡式鳕鱼系我第一次食，超厚肉，食物真系好过瘾，但系真系冇谂过原来重点系啲薯仔度，总觉得吸咗一啲鱼油嘅香味！葡式什锦海鲜扁面都好出色，两个人分一碟就刚刚好，咁样就可以食多啲嘢。最后就到甜品，我哋叫咗一个朱古力慕斯，好smooth好正！