影片
更多
2016-03-02
9457 浏览
专程带男朋友由香港黎食个生日午餐不过预约都要提早两星期左右。如果想星期五六日黎就要更早预约定啦！由于香港致电澳门电话要收费所以选择左上新萄京既官网订座。佢地每晚都会有人回覆吾算麻烦。然后要填好一张form再send番比佢要填写信用卡资料。因为如果两日内冇取消booking而又冇出现佢都会系信用卡扣取200-300作为订金。餐厅位于新萄京43楼。要先到39楼走过通道再转lift直达餐厅。一开电梯门已经有服务生问候招待及带位。外面既光线照入餐厅非常舒服。不过我地当日坐既位置吾系好好。望出去只见到大厦既烟通不停喷烟望吾到澳门既全景。有点可惜🙁一坐低服务员会先问你需要咩饮品。由于我地两个都吾饮酒所以只点了两杯暖水。服务员会推牛油车到枱旁再分牛油给每枱客人。一款系有盐另一款系无盐。而面包种类亦颇多。相信好难试得哂咁多只个人比较喜欢当中既芝士包。所以叫作refill左一次..但其实你钟意所有面包都可以不停refill。餐牌比一年前黎既时候大部分菜色都吾同左。我地两个都拣哂头盘同汤。其中一个要左两个主菜。 所有餐都配有开胃菜。依个粟米汤伴棉花球及烟熏鸭胸。粟米味好浓郁。棉花糖入口已经融化只带
餐厅位于新萄京43楼。要先到39楼走过通道再转lift直达餐厅。一开电梯门已经有服务生问候招待及带位。外面既光线照入餐厅非常舒服。不过我地当日坐既位置吾系好好。望出去只见到大厦既烟通不停喷烟望吾到澳门既全景。有点可惜🙁一坐低服务员会先问你需要咩饮品。由于我地两个都吾饮酒所以只点了两杯暖水。
服务员会推牛油车到枱旁再分牛油给每枱客人。一款系有盐另一款系无盐。而面包种类亦颇多。相信好难试得哂咁多只个人比较喜欢当中既芝士包。所以叫作refill左一次..但其实你钟意所有面包都可以不停refill。
餐牌比一年前黎既时候大部分菜色都吾同左。我地两个都拣哂头盘同汤。其中一个要左两个主菜。
所有餐都配有开胃菜。依个粟米汤伴棉花球及烟熏鸭胸。粟米味好浓郁。棉花糖入口已经融化只带有少少甜味。正好同带点咸既烟熏鸭胸有个对比。
我选既头盘系脆炸煮蛋配忌廉菠菜及芝士忌廉汁。一切开蛋黄已经涌哂出黎。 再加上外面脆炸过既蛋粉。口感吾错。钟意食流心蛋既人不防一试。
男朋友点左生油甘鱼薄片伴海胆及香酥松饼。卖相特别。男朋友话佢依个既用料比我既头盘更值钱不过由于我吾食鱼生所以冇试到佢果个
慢慢食完个头盘等左5-10mins左右汤就送上。服务员会先上一只空碗再系你面前张汤倒到碗中。法式海鲜浓汤佐香脆虾。好钟意饮d够热既汤👍🏻仲有新鲜既龙虾肉。不过我男朋友果碗有4-5粒我果碗只有1粒😐除左海鲜味仲带左少少辣既味道。不过吾食得辣既都会接受到
第一个主菜。缅英龙虾意粉拌海鲜风味酱汁（需另外附加$90）。可能因为刚饮完个味道偏浓既海鲜汤，感觉依道菜既味道偏淡。不过净系见到d龙虾肉都明白点解要加$90。
另外一个主菜系日本和牛及香煎鹅肝迷你汉堡伴焦糖烧灯笼椒及薯仔梳孚厘。依道菜亦系需要另加$90。最初会以为汉堡份量太细男朋友会吾够饱。但佢食左一个已经有种饱济感。因为和牛同鹅肝都会令人有种好溜既感觉。所以吾洗担心食完会吾够。我只系试左一小片和牛已经食到好强烈既鹅肝味道。
而我就点左香烤鳕鱼配伊比利风味萝勒蔬菜汤。口感比较清新。不过佢面头果块皮只食到有粉味又吸收吾到蔬菜汤个味道。个人吾太喜欢所以冇再食到。鱼肉好滑份量都岩岩好食得哂。食完个主菜吾经吾觉原来我地都已经食左两个半小时。
服务员准备上甜品前就将生日蛋糕送上先😳大家如果想要写特别既字系只碟度都可以系预约时候讲左先。餐厅就会送番个免费既拿破仑做生日蛋糕。我地好好彩果阵咁岩有琴师演奏紧。所以蛋糕送上既时候仲伴随住现场演奏既生日歌。不过冇人生日都吾紧要。服务员会推架甜品车系你面前比你随意拣。当中亦包括拿破仑。对上一次黎既时候有限定每人拣两款。不过今日又冇。只要你想又认为食得落既都可以点☺️
服务员会将生日蛋糕分好我就拣左个咖啡泡芙同柠檬挞。本身想试埋个苹果挞但实在觉得太饱食吾落😂柠檬挞味道清新又吾会太酸👍🏻咖啡泡芙亦相当好味👍🏻外皮吾会过淋而且咖啡味都好出
男朋友就拣左朱古力挞同opera蛋糕。朱古力挞挞底占得较少朱古力比例较多所以有种溜既感觉。但钟意朱古力既朋友绝对岩食😬除左甜品车既甜品外仲有雪糕可以拣。当中比较特别既系栗子味。我地就分别叫左朱古力味同香草味。香草味睇到成个雪糕都有好多云尼拿籽。食落特别香滑。食完甜品慢慢饮埋杯餐茶。服务员又会推另一架车出黎比客人拣一d小曲奇同朱古力糖果。全餐饭食左3个半小时。亦会有服务员欢送你到电梯口离开。好满足地完结😊
顺带一提。依度既服务员态度好好。保持亲切既笑容。系你用餐既时候又会稍为行得开d。到你有任何需要都会即时行埋黎。要系香港食到d有咁既服务水准既餐厅确系几难🤔下次有机会绝对会再黎👍🏻
张贴
