影片
更多
2016-10-01
363 浏览
有澳门朋友住喺筷子基，今次过澳门一落船就过左去揾佢～～佢带左我去附近既海擎天食呢间新开既「新麻蒲韩国烧肉店」～～店员好好客，有问必答，仲介绍佢地餐厅系韩国no.1 烧肉店，全球喺第501分店～喺韩国有400间分店，香港有3间，但香港分店会比较系港人口味，而澳门分店分店就完全由韩国直接管理，食物系跟足100%韩国口味！要食当然食正宗架啦！餐厅有两层，感觉好新净舒适，座位宽大而且完全唔大油烟～我地今次坐下层。我地2个人好多心～样样都想食～店员就介绍左个2人份量既 《Beef Combo $698》比我地！如果有3-4人的话其实叫$888个set都好抵！食韩烧，酱油同前菜都必有架啦～酱油有3款：豆瓣酱、盐、韩国豉油（加左洋葱&辣椒），点肉食一流～而前菜分量唔细（而且仲可以refill!)：有菜沙律 （配特别既酱汁，用左玉米同秘方汁！）、青葱丝配kimchi酱、菜丝配沙律酱、泡菜、腌菜！炉边蛋拌入泡菜令蛋味更有层次及口感～烧又香滑且外层带微脆，不能看少既拌菜之一！ 《Beef Combo $698》有晒我地大部分想食既野：首先嚟「牛胸肉大酱汤」! 以微辣既泡菜汤底加牛胸肉煮成，汤既材料仲有蔬菜
有澳门朋友住喺筷子基，今次过澳门一落船就过左去揾佢～～佢带左我去附近既海擎天食呢间新开既「新麻蒲韩国烧肉店」～～店员好好客，有问必答，仲介绍佢地餐厅系韩国no.1 烧肉店，全球喺第501分店～喺韩国有400间分店，香港有3间，但香港分店会比较系港人口味，而澳门分店分店就完全由韩国直接管理，食物系跟足100%韩国口味！要食当然食正宗架啦！
餐厅有两层，感觉好新净舒适，座位宽大而且完全唔大油烟～我地今次坐下层。我地2个人好多心～样样都想食～店员就介绍左个2人份量既 《Beef Combo $698》比我地！如果有3-4人的话其实叫$888个set都好抵！
食韩烧，酱油同前菜都必有架啦～
酱油有3款：豆瓣酱、盐、韩国豉油（加左洋葱&辣椒），点肉食一流～
而前菜分量唔细（而且仲可以refill!)：有菜沙律 （配特别既酱汁，用左玉米同秘方汁！）、青葱丝配kimchi酱、菜丝配沙律酱、泡菜、腌菜！炉边蛋拌入泡菜令蛋味更有层次及口感～烧又香滑且外层带微脆，不能看少既拌菜之一！
《Beef Combo $698》有晒我地大部分想食既野：
首先嚟「牛胸肉大酱汤」! 以微辣既泡菜汤底加牛胸肉煮成，汤既材料仲有蔬菜同豆腐～汤带肉味令整体味道更佳，惹味！即刻想叫碗饭做汤饭,哈哈！
食3层肉架之前先上「无骨牛小腓寿司」-- 韩藉店员会喺我地面前用火枪烧熟无骨牛小腓～烧既时候会见到牛既肉汁sum出，烧完完全唔会变得干身。店员再加上酱汁后，整旧寿司都满有味道，一口一旧入口香滑牛味，只有4旧实在唔够喉，哈哈！
顶层：2款原味既牛肉 - 第一款「香滑薄牛腩」～呢个set其实几贴心，可以比客人试晒有调味同原味牛肉既分别～通常食开一旧旧既牛腩，薄切既系第一次食～虽然呢款薄牛腩无调味，但牛味浓！完全唔需要点酱汁食，同个名一样好香滑～第二款「特上无骨牛小腓」 -- 餐厅用上接近美国最顶级 Prime 级别既牛小腓！ 脂肪纹好靓好平均，肉质鲜嫩入口即溶，肉汁多且牛味浓，回味无穷！
中层：「牛护心肉」--呢款肉好特别，好少地方可以食到，今次实在满足到我既小好奇～护心肉 有牛/猪，我今次食既系牛～呢款肉位于心脏附近，每只牛都只有大约200g左右既份量，十分珍贵。烧过后入口弹牙易咀嚼，外层烧得香浓味道有小小似叉烧，每下咀嚼都有肉汁实在好味！
**另加《秘制特上牛肋骨 $198》放埋喺中层-- 店员会剪走骨位然后剪开肋肉帮我地烧～所以唔使怕要咬骨。牛肋骨用秘制酱汁腌过，味道甜甜地；呢度既牛肉毫无疑问品质几好，肉质一定鲜嫩可口，脂肪唔多但唔会韧，不消一会又已经被我地清碟！
底层：什锦烧烤-- 有菠萝、鸡肶菇粒、大虾～ 食完肉类食菠萝清清味蕾～大虾肉厚烧完仍然弹牙，新鲜唔梅够虾味～隔油烧架：一般韩烧都无呢个设计，最怕烧完油腻既感觉！但呢度就用返韩国正宗烧肉架步，烧炉附有呢个网用于隔油，十分细心！而且店员会帮你烧，亦会主动换新网，好享受呀～～
食烧肉我喜欢配酒，所以叫左支《韩国梅花酒 $88》-- 虽然10%酒精，但甜甜梅花味令人易入口～朋友就叫韩国《梨汁 $20》～饮到有梨肉好清甜～
今晚一边烧肉一边同朋友谈天说地，好满足～而且餐厅开到零晨3点，实在岩晒d夜鬼～哈哈！
张贴
