小飛象葡國餐廳

营业中

休息中

来到澳门，见旅游书推介小飞象，所以就一场来到试一试。一去到人都几多，但等左15分钟就有位。点餐无几耐就上餐包，个包热辣辣，硬包同软包都有。马介休炒饭好香，每啖都有马介休香味。烧咸猪手，块皮好脆，D肉又唔会太干。烧牛肋骨，由于有小朋友同行的关系，所以选择7成熟，同埋要求切埋，但仍然肉汁丰富。猪耳沙律有少少辣，加埋洋葱同青瓜畀人一个清新的感觉。焗海鲜饭，海鲜种类多，个汁都好好味。葡国鸡，叫左半只，葡汁D味入晒落薯仔到。烧风鳝，D肉本身已经好够味，但加埋柠檬汁就更好！总括而言，食物质素高，服务都唔差，上菜速度都几快，因此值得推介。