開飯喇陪伴咗大家原來已經20年啦！為慶祝20週年來臨，OpenRice開始舉行一連串20週年慶祝活動。繼上次同煤氣烹飪中心合作舉辦嘅「滋味20年工作坊」非常成功後，今次OpenRice聯同信記避風塘海鮮美食合作舉辦避風塘之夜，挑選咗四組幸運嘅會員同我哋一齊於艇仔上食海鮮，感受傳統香港風味。
避風塘美食喺香港所淨無幾，信記負責人Candy話於避風塘船上用餐於六十年代興起，八十至九十年代因為香港經濟起飛，係避風塘美食最興旺嘅時期。而餐廳就於2011年重開，吸引唔少遊客特意朝聖㗎。
當中嘅招牌菜一定係呢味避風塘炒蟹，味道同普通酒樓食到嘅係唔同㗎，加入大量炸蒜及大蔥大火翻炒，寧舍香及有鑊氣！Candy仲有個小貼士畀大家，記得連埋炸蒜撈埋炒麵一齊食！
其中一組幸運兒Cathy同Edith就話，雖然一向都知有呢類型餐廳，但親身體驗都係第一次，覺得好新穎！佢哋覺得避風塘炒蟹同炒麵係最好味，如果下次有機會，都會自己再嚟食咁話。
地址: 銅鑼灣銅鑼灣避風塘賣水站碼頭
OpenRice 20週年慶祝活動陸續有嚟，想參與的話記得緊貼OpenRice Facebook以及網站：
https://www.openrice.com/info/or-20/special-experience/index.html
