【國際新食力】麥當勞任食VIP卡並唔係傳說！

平時無錢開飯就只能夠食老麥的22蚊餐維生，可惜小編長期財赤，所以都只能長期食個三個悶到嘔既22蚊餐⋯⋯有時都好想試下豪華版老麥！咩話？有一張任食老麥既VIP金卡係真既？

係呀，真的假不了，據說手持此卡，就可以免費任食麥當勞，食咩都得，食幾多都得！美國男星Rob Lowe就係其中一名被選中既人，其實佢唔係被選中，係因為Rob既朋友既爸爸係煙肉蛋漢堡既發明者，所以連帶關係令佢獲得一張金卡，可以由2015年至2016年期間，於加州聖芭芭拉或戈利塔既任何一間麥當勞任食！

原來金卡都有地域限制，小編會唔會有機會成為香港代表呢？不過暫時到目前為止，只有一個人可以係香港任食老麥，而果個人就係微軟創辦人Bill Gates，因為佢個張金卡係全球通用，而且無期限限定添呀！

唉，熱氣既野，大家都係量力而為，唔好食到爆曬瘡呀！我決定轉戰7-11食撈麵算！

文︰Gareth
資料來源︰松崎煎餅(http://matsuzaki-senbei.com/archives/4925)

隨時接收最新資訊
讚好OpenRice專頁！