蛋糕櫃裡面有5款小甜圈，5款卷蛋糕，3款candy roll，2款布甸同1款雙層芝士撻，仲有年輪蛋糕呀！
先講卷蛋糕，分別有抹茶味、朱古力味、特濃朱古力味、吉士布甸味同埋最新出嘅士多啤梨牛奶味。蛋味較重，士多啤梨味較輕，但都可以食得到清新嘅果甜，而且中間厚厚嘅生cream係混咗啲果肉落去㗎，加埋面頭嘅紐紋花花同成卷迷人的粉色，係好輕易就攻陷到囡囡心！
但如果怕太多cream但又好想食，細細件嘅小甜圈就應該幾啱你。大約一個拳頭咁大，疏乎厘蛋糕包身好軟，中間同樣都係夾住3.7牛乳生cream，但就相對少好多喇。日本賣緊嘅最新期間限定味：丹波黑豆同熱帶水果都有得賣，前者甜甜地，後者甜中略帶酸。另外有隻牛油紅豆味都幾特別，當其他味係凍食嘅時候，呢隻味可以叮熱微溫咁食㗎建議返，咁就會食到溶溶地嘅牛油喇。
而家仲有埋抹茶、楓糖、朱古力味嘅年輪蛋糕賣添呀！
唔知下一間登陸香港嘅日本蛋糕店又會係邊間呢？
文：Kar
隨時接收最新資訊
讚好OpenRice專頁！