佢地嘅行政總廚Andrea Spagoni去勻世界各地，有國際餐飲知識，亦對現代飲食風格非常熟悉。因此Beefbar亦直接從唔同生產商採購一系列頂級牛肉，包括由美國、澳洲、日本、歐洲等唔同國家飛過嚟嘅天然牛肉。而且種類亦非常多，例如有美國同澳洲嘅安格斯牛、日本和牛同澳洲安格斯牛和牛混種，唔同品種唔同部位會有唔同嘅風味及質感，全部都要表層香脆美味而入面肉質嫩滑有汁嘅話，真係非常考驗廚師嘅功力。
另外餐廳有用大理石造成嘅Raw吧，令客人可以坐喺度欣賞廚師即席製作新鮮牛肉菜式，包括如生牛肉薄片、香港少有嘅牛仔肉他他配龍蒿，同嚟自蒙地卡羅嘅招牌菜吞拿魚及鱸魚他他伴血橙。
主菜牛肉係世界級，伴菜同甜品亦唔執輸。伴菜方面首推的有多款口味嘅軟滑薯蓉，檸檬青檸、九層塔、辣味等任揀。另外多款精緻甜品當中，必試鬆軟開心果梳乎里，熱辣辣冬天食就啱啦。
Beefbar有雞尾酒酒吧，供應各式各樣嘅雞尾酒，酒窖亦有豐富嘅葡萄酒收藏，為呢個世界級美食之旅，畫上完滿嘅句號。
BEEFBAR Hong Kong
地址：香港中環雪廠街16號Club Lusitano 2樓
電話： (852) 2110 8853
隨時接收最新資訊
讚好OpenRice專頁！
關鍵字
中環
牛肉
和牛
生牛肉薄片
牛仔他他
複製到剪貼簿