香港有菠蘿包夾凍牛油，日本就有蜜瓜包夾雪糕！呢間世界第2好味雪糕蜜瓜麵包喺日本就係靠一款新鮮出爐香脆蜜瓜包夾雪糕嘅雪糕蜜瓜包打響名堂，日本店經常都大排長龍。而家開到嚟香港銅鑼灣，雖然開幕初期應該都要排隊，但至少慳咗程飛機吖。
到底呢間店有咩咁厲害，自稱世界第2好味又大受歡迎？一，佢地嘅蜜瓜包堅持每日係舖頭即焗，蜜瓜包嘅外皮特別金黃香脆，而包心亦夠蓬鬆軟綿。
二，除咗蜜瓜包之外，另一位主角雪糕有三款口味：雲呢嗱、綠茶同嘅朱古力任揀，甜度唔高所以配蜜瓜包一齊食唔會過膩，而又有一暖一凍、一脆一滑嘅口感衝擊。
三，日本店偶然會推出期間限定新口味，包括鹹甜唔同餡料選擇。不過香港店就似乎要再等等喇。
香港店材料同配方會跟足日本店，除咗雪糕蜜瓜包，仲有蜜瓜包同蜜瓜脆曲奇單賣。最後順便講多兩句，日本嘅蜜瓜包同香港嘅菠蘿包一樣唔會有蜜瓜餡或者蜜瓜味，同埋佢地嘅創辦人話世界第1好味雪糕蜜瓜麵包係出自佢師傅呀。
開飯編輯推介：
1. 【專訪】「我喜歡堅持 我只得堅持」 新入圍米芝蓮法式泡芙店谷底反彈
3. 10月份好評餐廳十強
熱門文章推介：
3. 精選芋圓甜品舖PK戰
文：Cathy，圖：Kar
隨時接收最新資訊
讚好OpenRice專頁！