「立食」——呢個源自日本嘅文化，相信大家都唔會陌生，就係只提供企位，講求「快」嘅餐廳形式。香港人本身就講求「快」，加上而家疫情問題，就更加想快快脆脆食完走！開下開下，原來香港都開咗唔少立食餐廳呢~ 由平平地嘅車仔麵到高級壽司店都有！
多款新鮮日料 鮨樂
圖﹕ki918
呢間位於中環嘅兩層立食壽司店，裝修勁有日本feel，而食材更加係由日本豐州市場每日直送，保證新鮮！除咗壽司，呢度仲有唔同刺身丼、一品料理、甜品等，選擇多多！喺二樓立食，仲可以望埋出面個中環街景添~
築地直送食材 立鮨
圖﹕求「快」之餘，當然都要求「質」啦！呢間壽司店採用嘅食材由築地每日直送，夠晒新鮮。就連啲飯都好講究，加入咗赤醋，食落香醇。吸睛系有海膽特盛同三文魚子壽司，前者用咗三大板海膽，後者直情多到瀉！
街頭泰式串燒 Grill
圖：泰式街頭串燒店，提供多款肉類、海鮮、蔬菜等，全部都係用火爐即叫即燒，行過聞到啲香氣好易就被吸引住。特別推介要食燒豬頸肉啦、燒菠蘿啦，同埋燒泰式魚餅，特別係泰式魚餅呀，配埋homemade嘅醬汁就perfect池。
快食車仔麵 車仔麵之家
圖﹕車仔麵都有得企喺度食！灣仔呢間出晒名啦~ 佢哋提供20款配料，例牌嘅雞翼尖、魚蛋、牛腩都有。咖哩魷魚同酸齋就最受歡迎，前者生炒完再煮，特別爽口；後者酸酸甜甜，特別開胃！
6款足料熱狗 齊柏林熱狗店
圖﹕呢間熱狗店推出6款口味嘅熱狗，好似美國洋蔥圈熱狗、澳式風情熱狗等，最特別就莫過於「火炙芝士辣肉醬熱狗」！熱狗上面鋪滿慢煮咗4個鐘嘅辣肉醬，配方務求啱返香港人口味，所以香口得嚟，又唔會太辣~
文﹕Kiko
編：Kar
