杏桃鬆餅屋
Photos by 曼曼ღ食、遊
(Photo by 嵐嵐*/FaFaLin 發發零)
杏桃鬆餅屋最出名係日本創始人為台灣店設計獨一無二，單片厚度達4 cm嘅梳乎厘厚鬆餅。鬆餅嘅製作過程複雜，要經過先煎再烤嘅手法，先可以呈現出蓬鬆感。因為佢嘅鬆餅喺水蒸式煎檯現作，所以食落比一般鬆餅更柔軟更有彈性。外層薄薄酥脆，口感似雞蛋糕，散發濃濃蛋香。如果嫌太dry，可以淋上楓糖漿，溫熱嘅鬆餅配糖漿，真係好邪惡啊！
斯巴達咖啡
Photos by 嵐嵐呢個鬆餅厚度十足，口感扎實，配埋芒果、奇異果、蘋果、雪糕都只係台幣160蚊。而且水果都好新鮮，甜度同鬆餅幾夾。雪糕同cream就滋潤咗鬆餅，令食落冇咁乾。
粉雪北海道 Style Café
Photos by ★Ally愛玩樂★呢度嘅鬆餅分鹹味同甜味，鹹嘅有海鮮同印度肉未咖哩味，甜嘅就有朱古力同士多啤梨味。而最出名嘅就係士多啤梨味，首先呢個淋上鮮紅果醬，堆砌著原粒士多啤梨嘅鬆餅就好吸晴，側邊仲要擺埋粉紅色嘅雪糕，少女味十足。而鬆餅口感厚實綿密，夾層內都有士多啤梨，味道酸酸甜甜，搭配上充滿蛋香嘅微甜鬆餅，咁樣嘅甜度啱啱好。
Eilleen's coffee X SQUAD
Photos by 大食女 in Wonderland
(Photo by 大食女 in Wonderland/跟著Livia享受人生)
講甜品點少得甜品界大佬抹茶呢？呢個抹茶鬆餅以抹茶粉製成，所以帶股淡淡嘅茶香，而配搭嘅抹茶醬係店家特製，帶點苦味，冇咗平時嘅甜膩感，令茶味更加突出。而鬆餅就既有雪芳蛋糕嘅蓬鬆柔軟，又有天使蛋糕嘅軟綿細嫩。如果唔鐘意食微苦抹茶嘅，可以配搭埋側邊嘅紅豆同抹茶雪糕一齊食，令鬆餅更香甜。
隨時接收最新資訊
讚好OpenRice專頁！