最近打開Facebook或者Instagram，發現全部朋友同事都去哂日本睇櫻花覺得好妒忌好「葡萄」？唔洗心酸住喎，香港搵唔到櫻花，但搵到日式櫻花抹茶甜品呀！因為香港city’super連同cha-no-wa，sweets house Cha Cha同Patisserie Yamakawa三間甜品店，一齊推出4月限定嘅櫻花甜品！
 

櫻花抹茶布丁杯（左），櫻花抹茶卷蛋（右）

櫻花已經係唔少少女嘅Fantasy，加埋抹茶呢個組合真係無得輸！櫻花抹茶布丁杯用咗京都產金天閣抹茶粉，回甘悠長，上面再加金箔同櫻花點綴。而櫻花抹茶卷蛋就加入日本產鹽漬櫻花搭配京都抹茶粉，口感軟熟。

供應點：全線cha-no-wa
 

櫻花蓉北海道牛奶軟雪糕

招牌抹茶軟雪糕上面加上日本直送櫻餅同櫻花白豆蓉，賣相呃Like又有春日氣息。軟雪糕可以揀抹茶、牛奶或者扭紋口味。

供應點：全線sweets house Cha Cha
 

櫻花吉士大判燒（左），櫻花泡芙（右）

唔可以食凍嘢嘅朋友仔亦有選擇，大判燒同泡芙都用咗日本櫻花白豆蓉再配上柔滑嘅原味吉士，而且泡芙上面仲特別加上食用櫻花點綴，睇到都覺得心花放！

供應點：全線sweets house Cha Cha
 

櫻花牛奶布丁杯（左），櫻花芝士蛋糕（右）

兩款甜品都有櫻花粉嫩賣相，上層配以清新嘅紅莓啫喱。布甸細細杯最啱自私食，而櫻花芝士蛋糕用日本櫻花汁混入芝士當中。最後頂層見到金箔同食用櫻花裝飾，恍如櫻花飛舞。

供應點：全線Patisserie Yamakawa
 

供應日期：即日起至2017年4月30日

文：Cathy