一杯鐵板燒居酒屋

營業中

休息中

同屋企人係觀塘食飯慶祝生日。因為爸爸鐘意食飯飲小小酒。有朋友仔就介紹咗一間係APM 4樓既日式居酒屋食。間居酒屋叫做一杯鐵板燒居酒屋。首先叫咗個海鮮沙律無諗過咁大盤，入面好多魚肉四個人由頭食㺯落尾先食得哂好開胃😆叫咗支梅酒白蘭地，甜甜非常易入口，女仔都讚好🍷胡麻火炙三文魚，燒香咗三文魚係面，飯入面包咗d紫菜同入咗味既植物！好味道🤗串燒叫咗好多😂鹽燒活鰻勁爆汁，外脆內軟無野講😳豚肉燒蘆筍，有d植物係內面解一解個油膩，食得好舒服🤗極上四品拖羅，估唔到居酒屋都有咁出色既刺身！全部都勁鮮甜😆大牛油蜆石頭鍋，粒粒都勁大隻，鮮甜無沙，鐘意食蜆既必叫👍白身魚石鍋鯛魚湯，濃濃既魚湯已經無得彈，重有勁多魚肉😜一杯關西燒，估唔到個招牌最尾先上。入面有勁多，勁大舊既牛舌，同埋牛根，個口感同層次增加咗勁多👍估唔到apm入面既居酒居都咁有驚喜👍聚會gathering 值得推介😁

今天一個人來觀塘遊玩，到了APM 買野，見到人山人海，呢間餐廳好多人排隊，所以想試一下。排左約半個鐘先有位，自己一個人食不了太多，只點了關西燒及魷魚。等了一陣，兩個菜都上齊。關西燒大大份，好足料，入面有好多蔬菜，好多饀料，外面嘅皮都整得好好，又熱辣辣，真係好食都唔停得口 😋  另外魷魚就好彈牙，好爽口，醬汁調得不錯，很有風味。話咁快就吃完了，下次真係要同朋友一齊黎，可以叫多幾樣野，試多啲不同嘅菜。

星期五放工唔知食乜好，結果行行下就去左呢間居酒屋排隊等位，呢間都幾出名，真係人山人海，等左一個鐘之後，終於到我地啦~ 內裏係好地道嘅居酒屋裝修，有卡位，有吧枱位，幾寬敞，最後我地坐左係卡座，都坐得舒服。我地揀左一杯關西燒，海膽吞拿魚壽司，壽司盛。關西燒好足餡，勁多椰菜，個味幾濃，正!海膽吞拿魚壽司嘅海膽好鮮美，配合吞拿魚一齊食都幾唔錯。壽司盛都各有特色，算唔錯。大致上唔錯，係服務人員態度差一D，要叫多幾次先得閒回應，但食物同境都滿意!

觀塘·有氣氛居酒屋一杯鐵板燒居酒屋 📍觀塘觀塘道418號創紀之城五期(apm)4樓20-21號舖➰依間屋酒屋都幫襯過幾次，一直係apm開業咗好耐，今日收工就嚟再試試佢。✥一杯關西燒⭐️4.1/5⭐️上枱賣相吸引，沙律醬同燒汁都好多，味道好滋味，餡料亦充足，可以一試。.✥壽司盛合 ⭐️3.9/5⭐️有6件壽司，正常水準發揮，不過不失，唔試無損失。. ✥滑蛋牛肉豆腐鐵窩煮 ⭐️4.1/5⭐️原窩上枱，材料幾豐富，牛肉撈埋蛋一齊食好味。.➿➿➿#一杯鐵板燒居酒屋 #觀塘美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#BaseStarMartini #MyGirlfriendsFavourite#烤鴨酥皮紙卷 #芝士菠菜意大利雲吞.➿世上偶遇也是重遇，祝大家拼命無恙🫶🏻賣吓廣告先，一個90後偽文青鐘意食好西聽好歌去旅行😋🎵✈️有興趣睇更多好西好歌好玩推介，或者大家有好嘢Share嘅🥳請大家Follow下我IG，比D支持，多

太耐冇去日本🇯🇵，突然想食日本料理，慢慢坐、慢慢傾偈。黃昏6:45去到APM一杯居酒屋門前拎飛，等候人數唔多，大約等咗5分鐘就有位，但係被問坐吧枱介唔介意，我哋都唔介意嘅，原來係安排到近門口嘅壽司吧枱坐，不過唔緊要啦，都入咗嚟啦，環境係有啲嘈。如果坐吧枱，我建議坐鐵板燒吧枱，因為唔近門口，亦都可以睇住廚師整鐵板燒，一路聞住鐵板燒嘅香味，惹味嘅氣味一路刺激食慾會比較好風味！另外想一提嘅就係：櫈下面冇位置放袋，所以帶咗大袋嘅人，只可放地下，因為張枱好細。前菜方面叫咗 海鮮沙律🥗咁啱見到前面嘅廚師準備緊…海鮮沙律原來都好大碟、份量十足，而且入面嘅刺身都幾多幾大方，係成個刺身丼飯嘅份量，全部都係厚切一粒粒，入面有三文魚、吞拿魚、油甘魚、同埋兩隻甜蝦，刺身幾新鮮、好味，沙律菜混合左透明好似冰絲咁嘅東西，唔知咩嚟，但食落好爽脆，撈埋一齊食口感好好，而且配合埋沙律汁都好開胃。雖然$98都幾貴，但好彩食物對得起呢個價錢！海膽吞拿魚壽司🍣好期待呢個壽司，因為一幻想，舌頭已經大概有一陣鮮甜濃郁海膽味出現，吞拿魚應該會好嫩滑，好期待呢款壽司！但我食落去略為失望，海膽唔係鮮甜！比較偏淡！仲以為會食到好濃味鮮甜

老闆請食生日飯，觀塘APM 四樓的一杯居酒屋， 2個唔飲酒只食熟食的女人，都有好西食。服務員唔知係咪好多係日本人， 溝通唔到。環境枱與枱之間只有膠板相隔， 在疫情下， 實屬少見。而且講話都給別人聽清楚了。海大蝦一串（$68）雖然覺得超級貴，但海大蝦跟我的臉一樣長，蝦肉彈牙爽口， 蝦頭無咩肉汁， 粗大粒海鹽好鬼咸。一杯關西燒（$86）這款主要係牛肉做餡料，煎得香，重中之重的麵糊，先由高湯做起，把昆布、木魚煲滾，令其出味，翌日用前再滾起，加入手磨的長芋泥、細滑的日本薄力粉，發酵一整晚才能用。先將麵糊煎至乾身，但需保留少許空氣，吃時才更香脆，隨後加入芝士、本地京椰菜。選用京椰菜，比大椰菜鮮甜，不會有苦澀味。椰菜份量要特別多，才能稱得上為大阪燒，師傅係切絲唔係條。羊架仲有血水，唔太羶，無咩味，難咬。炒雜菜又係椰菜多， 仲有香菇，芽菜，露筍等等 ，調味醬香甜。

「 一杯鐵板燒居酒屋 」喺觀塘apm都開咗好一段時間，不過一直無去試，次次路過都見到好多人喺度等位。今次我哋星期三夜晚7點咁上下去到，都等咗幾張枱先有得入座，不過有少少奇怪嘅係店內其實都有唔少吉枱，直至到我哋用完餐都無人坐，但都係要等位。餐廳係好地道嘅居酒屋裝修，環境寬闊，有食鐵板燒嘅吧枱位、有卡座、都有普通枱。枱與枱之間相隔較開，同朋友傾計唔會俾隔離枱聽到，私隱度高。menu做得幾有心思，雖然文字嘅排版有啲唔易睇，不過樣樣菜都有配圖！嘢食方面我覺得唔錯，一杯關西燒有芝士同牛筋，好多醬同好足餡，超多椰菜，好好食！蟹肉牛油果卷好fresh，細細件容易入口！鹽燒三文魚茶漬飯帶有淡淡嘅茶香同三文魚嘅香味，美味又飽肚！道湖淺蜊啲蜆好大隻，不過有兩三隻有沙！

一杯鐵板燒在apm開業將近10年，一直都好想試，但每次見到多人等位就懶得等啊！今次看完電影後，來碰碰運氣星期五晚接近10pm的時間，還有三數位客人在等位，和朋友決定就等一等吧，反正我還未試過這店呢～～～為了令朋友感到飽肚，就點了牛肉石頭燒飯 個人就對關西燒有興趣，關西燒可自選配料，或是選預設款式的也可再追加配料～～從中就選擇了未知有什麼餡料的「一杯關西燒」啊！另外，點了杯柚子燒酌，淺淺嚐酒牛肉石頭燒飯，熱騰騰的上桌，店員即時幫忙拌勻牛肉質感軟嫩，唯牛味不太濃郁，而且份量不多醬汁調味恰好，但算不上十分惹味，水準不過不失！一杯關西燒，外貌漲卜卜的，沒有凹陷扁塌見到已切開的關西燒的內餡有大量椰菜～～再澆上醬汁﹑沙律醬﹑木魚絲及海苔粉關西燒也是熱呼呼的，質感香口軟熟再配上香濃而不過鹹的醬汁，好滋味！！餡料方面，幾有驚喜，原來裡面的不是肉或海鮮，而是牛筋﹑蒟蒻和芝士～～牛筋和蒟蒻都是口感煙韌的食材，增添了關西燒的口感豐富度加入了芝士，使味道香而不膩，好味！！柚子燒酌，柚子的味道不會過甜與燒酌的份量剛好相配合，從中嚐到淡淡的柚子香吃一口關西燒，淺嚐一下燒酌，與朋友閒聊幾句...難得的在不多人的居酒

朋友生日，去一杯食飯。貪佢唔駛等位...叫左 蕎麥麵 .. 麵普通，但個醬油好失色，因為太淡啦！雞肉明太子.. 呢個普通燒露筍同車厘茄.. 反而覺得呢個唔錯，出面既肉唔會好柴，入面既蔬果夠juice泡菜牛肉飯..上菜熱辣辣（哥哥太快手幫我地拌均左，就無影啦）一杯關西燒.. 我覺得最好食係呢個，個沙律醬好好味最後加杯水果茶（十級伏）味道太假，似兒童咳藥水。茶木都好飲過佢....................因為有朋友仔大肚，唔可以食生冷野，唯有下一次再黎過啦

係大阪返黎香港之後，一直都好想食大阪燒關西燒 ，但係實在無咩地方好食。雖然有另一間連鎖店好出名，不過又要DIY，都係啱少女多啲，我都係需要被服侍多啲😂係朋友介紹下知道左呢間係APM嘅居酒屋。價位中等，環境又靚，又係主要食關西燒，唔係唔試啊嘛～關西燒有好多選擇，揀preset嘅又得，自選嘅又得～由於太想食燒餅嘅關係，揀左兩個招牌嘅。第一個係豚平燒，面頭嘅燒到好香好脆嘅腩肉。中間有粉漿，最下面係蛋。第二個係一杯關西燒，呢個配搭如果係自選應該唔會揀到，不過係意外地合拍啊～ 同平豚燒唔同，呢個入面有牛筋，芝士同大量椰菜。唔好比芝士呢兩個字嚇親，配埋椰菜其實一啲都唔會膩。今次冇食串燒，反而仲叫左個牛肉石頭鍋飯。嗯，有啲失色，泡菜唔夠，所以無乜味。好在鍋夠熱，好快就有飯焦。不過真係無乜需要要點呢一個飯，加上兩個燒餅都係飽肚，可能點啲小食串燒都夠嚕～

今日想食餐好既，所以放工去了apm。6:30pm到了，見到唔洗排隊，所以去買少少野先返轉頭。點知⋯7:00pm前返來已經要排十幾張枱啦。。。等左半個鐘入得，店員安排我坐鐵板位，對住鐵板關西燒個爐，都幾熱架⋯食之前做左功課，知道一杯關西燒係推介，所以點了。的確唔錯醬汁夠多，而且都幾多牛肉，$62價錢合理，值得一試。另一推介係雞肉京蔥串。雞肉夠嫩，有燒烤既味道。而京蔥夠脆口同入味，可以encore。牛舌都好味，但$48一串太貴了⋯冷烏冬無特別，味道又淡，我自己煮可能仲好味。。其他燒物味道都係一般般。

上一次食已經係大半年前。今次再訪，本身想食番上次食唔到既魷魚炒面。但今次再黎，都係與佢無緣唯有點佢個frd,豚肉炒面。不愧係一杯，完全冇令人失望。食起黎完全唔覺得油膩或者太salty,除左豬炒得林同入味之外，炒左d菜係中間令到成碟野有多一d既口感味道比賣相更好。除左炒面，仲食左佢既其中一個招牌菜，一杯關西燒佢入面有 多款不同既配料，加上佢既醬汁，真係食完可以再食最後講下鋪面，佢都算多位，今日唔係好多人。一去到就有位。餐廳好整潔，坐吧枱有少少逼。咁多燒物既餐廳，冇咩油煙，但味道都係有既。算好唔錯啦！

本人第二次寫食評，開💗share。一杯關西燒，好好食，少少McDonald's味(貶低了這間日本店)，一食就愛上。好食過豚肉關西燒(但都!)Waiter用日文交流，有種去了日本的感覺。

第二次幫襯一杯，記得上次等咗一個鐘香港地想食好野都要等等等可能閒日~晚上六點三左右到，bar檯唔需要等位。被安排坐鐵板燒bar檯位，我地兩個人坐係最邊邊位置，所以唔覺位置太熱。用餐九十分鐘，六點半入要八點交檯兩個人點咗三樣野加杯菠蘿杏子酒，埋單228~唔食海鮮同壽司，都算抵

觀塘有間出名既關西燒, 於是我地就抱住一試既心態去試試.可能因為真係好出名同好好食,一去到見到人山人海. 最後等左半個鐘先入得入到去睇到有一份專係for關西燒既menu因為未試過,所以叫左一杯(姐係一個餸)黎到啦因為我地坐係bar枱,所以可以睇住佢點整,一開始佢會麵粉醬,之後會落菜同餸,最後係底到加隻蛋.再加上特別既燒汁同沙拉醬.一食落去, 嘩!真係好好食,麵粉醬加上煎蛋既味道,配合埋生菜,醬汁味道濃郁之如,又唔會覺得'留',而且真係好足料,又唔係貴,真係物有所值!之後章魚炒面.比起關西燒係有D遜色既,,但係同樣味道濃郁,又足料,有超多章魚食!~雖然等左半個鐘,但係我覺得係值得等既.真係值得大家一試~~