火山石石鍋手打烏冬專門店 (已結業)

食客甲︰「唔該要鴨胸烏冬。」店員︰「今日無鴨胸。」食客甲︰「咁要豬手烏冬呀。」店員︰「今日無豬手。」食客乙︰「一個炒雜菜呀。」店員︰「要夜晚先有。」食客乙︰「要一杯凍咖啡呀。」店員︰「無咖啡喎。」於是，在非常肚餓又懶得行的情況下，燶面食客甲和食客乙，無奈地叫了︰麻胡吉列豬扒手打烏冬 - 開心大發現。豬扒炸得香脆，麻胡香而不辣。烏冬我覺得彈牙好吃，但在日本住過的友人卻只說比香港一般的舖頭好，還遠不如日本小店。 海鮮湯手打烏冬 - 一般的海鮮烏冬。料不特別差，也不特別好。七味雞翼 - 調味做得幾好。不過隻雞翼完全無雞翼味...雞，係唔一定有雞味@@ 不過，$15三隻，我又能要求甚麼.......本來對侍應毫無好感。但不知是巧合還是他們聽到我祝友人生日快樂，過了一會，便聽到餐廳播放古巨基的「年年有今日」。友人顯得相當高興，我們之前的怒氣也一掃而空

見到個個都話D湯底有幾正有幾濃幾好吃~就一心黎試下。7點半拿了飛~服務員話有位會打比我地~行左一個鐘到﹐見唔對路﹐就去問下﹐一番到去﹐個服務員問幾號飛~之後她就話有檯了。我地見到同叫緊個號碼都差10張~ 奉勸各位其實都唔好行甘耐~看她都係邊個系門口又有飛就會入得去快D。然後坐底就同我地講只可以吃一小時。本來想試下大家都讚好的海鮮濃湯手打烏冬﹐不過沒有了。叫了﹕豚骨湯芝麻豬扒烏冬﹕一黎到﹐即刻試左個湯先﹐失望。根本唔係好濃﹐都係得60%濃度。烏冬都合格喇。個豬扒無咩芝麻味。唔香﹐唔脆﹐唔硬﹐唔太淋辛辣湯大蜆蠔烏冬﹕個湯毫無特色。唔辣。個蜆同蠔就同我地打邊爐整熟左沒有分別七味雞翼﹕呢個雞翼如果唔係因為個汁打救﹐真係無味道~個汁甜甜地﹐而入面D肉係完全無味~餃子﹕普通的餃子﹐不知可以點講了呢間野係普通﹐普通同埋普通~只怪自己期望太大~一心打算有個好濃的豬骨湯......錯晒

最近呢間嘢好出名呀~終於揾新鮮嘢食既我,又點會唔試下呢~一行四人~ 7:15左右己經拿位~ 等到8:30 有得入座~ (呢間嘢都幾好service~ 你拿咗飛,當佢吔有位時就會call 你吔架)8:30 入座, 打開menu , 有三個人己經話要食海鮮濃湯烏冬呀, 當落單時waiter 才話我吔知有限既, 結果得番一個咋, 我好朋友同佢男友都讓咗比我食呀~之後佢吔分別叫咗厚豚肉烏冬(豚骨湯), 吉列豬扒烏冬(豚骨湯), 黑胡麻豬扒(豚骨湯)我既烏冬來第一個來先既~ 濃湯似龍蝦湯味, 好好飲, 好好味, 海鮮又大件都新鮮呀~ 我最後成碗食晒仲飲埋d湯添~ 烏冬都幾好但不夠煙 um 呀男友既黑胡麻豬扒都特別呀~ 有些似花生糖既感覺, 但佢覺得一般咋, 佢覺得d烏冬一般, 不是真係特別好食呀~我既朋友同佢男友都話ok , 但就覺得 不是真係好特別呀~ 但都好味既~ 同埋大家都覺得佢貴囉~我吔叫咗個小食係七味雞翼,我無食到呀~ 佢吔話辣辣地幾好味~加6-8元就有一杯飲品, 呢餐都幾好呀~