坐忘

營業中

休息中

一向好鐘意食豬軟骨飯嘅我，終於搵到機會嚟食大獲好評嘅坐忘豬軟骨😍😍果然，真係好正呀😍😍價錢又不高，絕對推薦給同樣鐘意食豬軟骨嘅你！🙆🏻‍♀️同行朋友一食就話：「點解冇舊骨嘅？😱」事關經過七小時慢煮嘅豬軟骨，軟骨已經變哂啫喱😏呢到嘅豬軟骨煮到又入味又腍，食落完全係啖啖骨膠原😆😆已煮到變成啫喱texture嘅軟骨係近乎入口即融，真係世界級豬軟骨😋食完之後抹嘴時發現嘴邊黏黏的🤤係滿滿膠質嘅證據🤤豬軟骨定食同豬軟骨丼嘅分別就係前者係有兩件豬軟骨，後者有一件豬軟骨。我就梗係食兩件㗎啦😈

今日同同事喺砲台山附近搵野食，同事話砲台山附近有間日式小店 ，主打係七小時慢煮豬軟骨同埋強調冇味精的健康食店，難得今日見佢門口唔係好多人排隊，所以就同同事決定食呢間。門外等位期間亦見到張貼了將幾間報張的訪問。好彩等了幾分鐘就有人走，好快入得去，一入到發覺佢裝修裝修好特別 ，好似日本一啲民宿嘅餐廳咁，感覺好warm好cozy。 坐喺度食嘢都可以透過一個透明玻璃見到廚房入面嘅廚師整野食，夠曬特別。由於人多關係我哋未入舖頭之前，已經點定餸，一入到去嘅時候我哋嘅所點嘅嘢已經係可以上枱，由於佢呢度最出名係慢煮7小時嘅豬軟骨，所以我哋幾個同事都係掂咗呢一個餸。佢個豬軟骨定食，佢個豬軟骨有兩大舊，旁邊伴碟呢會有一啲沙律菜喇， 仲有1個冇味精嘅湯， 佢嘅豬軟骨真係名不虛傳，又大舊又好食。基本上佢嘅豬軟骨的骨呢已經係慢煮到係一個骨膠原嘅狀態，食入口非常軟滑，好似食啫喱咁 ，入口即溶，仲會黏住d牙， 肉又唔會好鞋 ，醬汁又唔會好肥膩， 撈埋少少沙律菜一齊去食 感覺好清新健康，雖然價錢收緊$65蚊，但係佢有兩大嚿嘅豬軟骨畀返你，一個男士食完都感覺得非常之滿足同埋飽，都非常抵食，而且無味精，都食得健康啲。

今日同同事一齊去附近食飯，同事話想再去“坐忘“一間日式健康食店食午餐，平時我哋週不時都會食呢間，但每次都太多人。咁啱今次唔係太多人，咁我哋就入去再食， 我哋首先有4個人,4個入度去坐低後再有同事後加，我哋想幫未來到嘅同事再叫多個set ，佢竟然話未嚟唔俾叫，佢竟然話正常人未齊係唔可以入去，我地話我地會叫5個餐，店員都話唔可以，好彩同事及時趕到，如果啊係加位都唔得。心諗今時今日竟然仲有咁嘅服務態度,真係.....入正題佢最出名嘅係七小時豬軟骨定食， 我當然唔例外，我對上一次去都係食個豬軟骨定食。呢個定食有一個冇味精嘅湯，此外豬軟骨飯旁邊仲有七彩繽紛嘅蔬菜， 份豬軟骨好大件，總共有2件嘅。喺呢度要不得不讚佢個豬軟骨，因為佢話佢嘅豬軟骨係慢煮7小時去整，佢嘅軟骨已經呈現啫喱狀，入口好淋，好黏，感覺食咗好多骨膠原落肚，非常健康，而且佢所有嘅食物呢都係聲稱無味精，呢樣我都信係真嘅因為食完唔會太口渴。感想我明白商業社會，樣樣講求高效率高回報，每間食肆都想做喺午飯時間做兩至三轉生意，但係我哋作為消費者，除咗食之外，都渴望得到有多少服務，唔明點解呢間鋪好似唔休做咁，成日想食客食快快食完快快走，咁d野食