坐忘 (已搬遷) 新店位置

今日同同事喺砲台山附近搵野食，同事話砲台山附近有間日式小店 ，主打係七小時慢煮豬軟骨同埋強調冇味精的健康食店，難得今日見佢門口唔係好多人排隊，所以就同同事決定食呢間。門外等位期間亦見到張貼了將幾間報張的訪問。好彩等了幾分鐘就有人走，好快入得去，一入到發覺佢裝修裝修好特別 ，好似日本一啲民宿嘅餐廳咁，感覺好warm好cozy。 坐喺度食嘢都可以透過一個透明玻璃見到廚房入面嘅廚師整野食，夠曬特別。由於人多關係我哋未入舖頭之前，已經點定餸，一入到去嘅時候我哋嘅所點嘅嘢已經係可以上枱，由於佢呢度最出名係慢煮7小時嘅豬軟骨，所以我哋幾個同事都係掂咗呢一個餸。佢個豬軟骨定食，佢個豬軟骨有兩大舊，旁邊伴碟呢會有一啲沙律菜喇， 仲有1個冇味精嘅湯， 佢嘅豬軟骨真係名不虛傳，又大舊又好食。基本上佢嘅豬軟骨的骨呢已經係慢煮到係一個骨膠原嘅狀態，食入口非常軟滑，好似食啫喱咁 ，入口即溶，仲會黏住d牙， 肉又唔會好鞋 ，醬汁又唔會好肥膩， 撈埋少少沙律菜一齊去食 感覺好清新健康，雖然價錢收緊$65蚊，但係佢有兩大嚿嘅豬軟骨畀返你，一個男士食完都感覺得非常之滿足同埋飽，都非常抵食，而且無味精，都食得健康啲。