奇香冰室 (已易手) 新餐廳

今日下午我們去咗何文田勝利道嘅「奇香冰室」食下午茶！我們叫咗公司燴意粉、三寶湯通粉、公司三文治、脆脆花生豬同脆脆奶油豬！公司燴意粉嘅意粉都幾煙韌彈牙，好乾身，唔會好油膩，味道酸酸甜甜，好開胃，材料份量相當豐富！三寶湯通粉嘅通粉唔算好彈牙，但材料都算多！公司三文治烘得微微金黃，但都幾香脆，蕃茄都幾新鮮，鷄肉亦幾嫩滑！脆脆花生豬同脆脆奶油豬嘅豬仔包烤得好香脆鬆軟，加埋香甜嘅醬料，真係好惹味！

今日下午我們去咗何文田嘅「奇香冰室」食下午茶！我們叫咗三寶湯通粉、牛肉湯通粉同公司三文治！三寶湯通粉同牛肉湯通粉嘅通粉完全唔爽口彈牙，係好腍身嗰種！因我們比較鍾意食煙韌彈牙嘅通粉，所以有啲失望！三寶係鷄絲、蛋絲同火腿，鷄絲無乜肉味，蛋絲煎得好薄身，有啲過火，所以小小老，火腿絲無咩特別！牛肉嘅味道普普通通，不過不失！公司三文治嘅包身烘得金黃香脆，蕃茄都幾新鮮，鷄蛋好嫩滑！係今日呢餐本人比較滿意嘅食物！