奇香冰室 (已易手) 新餐廳

今日下午我們去咗何文田勝利道嘅「奇香冰室」食下午茶！我們叫咗公司燴意粉、三寶湯通粉、公司三文治、脆脆花生豬同脆脆奶油豬！公司燴意粉嘅意粉都幾煙韌彈牙，好乾身，唔會好油膩，味道酸酸甜甜，好開胃，材料份量相當豐富！三寶湯通粉嘅通粉唔算好彈牙，但材料都算多！公司三文治烘得微微金黃，但都幾香脆，蕃茄都幾新鮮，鷄肉亦幾嫩滑！脆脆花生豬同脆脆奶油豬嘅豬仔包烤得好香脆鬆軟，加埋香甜嘅醬料，真係好惹味！