三星台菜食堂 (新城市廣場一期) (已結業)

睇完節目上黎試一試，的確湯頭係好飲，牛味好重好濃，相信重口味既朋友係好適合黎呢到，麵正常有咬口，牛肉好食好軟夠入味，牛展最出色，麵上有炒過既酸菜，學杜生話，呢碗麵酸菜確實好重要，但佢唔係另上，只係有數條放在麵上，略厭不足，如果可以任食酸菜就真係世界級喇哈哈！餐廳係底層，open area想要私隱既聚會未必適合呢到，另外有試鹽酥雞，味道似台灣夜市相當不俗，夠香口，而魯肉飯味道正常，夠味好食，飯用珍珠米，但會比較推薦牛肉麵。

一向對於台式牛肉麵都有種情意結，而“三星台菜食堂”更是由藝人所開，久久都未有機會拜訪銅鑼灣總店，唯獨今次同友人路經沙田先終於可以一試。沙田分店的餐牌比較簡單，只有數款麵食及少量小食，兩人點了限定的花雕牛肉麵﹑三星牛肉麵﹑炸大腸及鹽酥雞。三星牛肉麵既配料有牛筋、牛𦟌及牛肚，牛肉好淋、大件又入味，再配上濃郁既牛骨湯，一啖湯頭一啖麵；另外，更可任意添加店鋪自家炒製既酸菜，好香口，用來配牛肉特別夾，非常不錯呢！重頭戲-花雕牛肉麵既配料就同三星牛肉麵一樣，但選用了台灣埔里名產花雕同紹興酒製成既湯底清香而不俗，不會過火又不會互相搶味，好出色！不過，小食鹽酥雞就比較重口味，味粉量多，只係空口吃有點兒過鹹；炸大腸都炸得乾身香脆不油膩，好邪惡，友人食過不停。

沙田近來開左好多新餐廳 繼nara之後又黎一間台灣菜，見其餘兩間分店既評價都唔錯，紅日夜晚得閒 就黎試試。又係用手機app拎左飛，大概等左45mins先有位坐底點好菜 唔洗五分鐘 d野食就送上三星麵有牛肚 牛筋 同兩舊牛展湯帶好濃既牛顫味 仲食到有d麻辣 唔錯牛筋同牛展都炆得夠淋 不過食多兩啖就開始覺得湯底有d油 燙青菜 淋左d蠔油 菜新鮮唔老 幾好澎湖炸花枝丸 五粒佢將每粒一分為二 然後炸香 用左椒鹽調味 食到內裏有一粒粒花枝幾有口感 真的好蝦卷配上橙色既甜酸醬 味道唔錯不過食唔出蝦既味道 個人較推薦花枝丸開在沙田市中心租金一定唔平 所以 價格貴dd都可以接受 食物雖然冇令人非常驚喜，但味道都唔錯見到隔離枱既牛肉麵個湯清澈d 好似冇甘油膩下次有機會再黎試下先