三星台菜食堂 (新城市廣場一期) (已結業)

一向對於台式牛肉麵都有種情意結，而“三星台菜食堂”更是由藝人所開，久久都未有機會拜訪銅鑼灣總店，唯獨今次同友人路經沙田先終於可以一試。沙田分店的餐牌比較簡單，只有數款麵食及少量小食，兩人點了限定的花雕牛肉麵﹑三星牛肉麵﹑炸大腸及鹽酥雞。三星牛肉麵既配料有牛筋、牛𦟌及牛肚，牛肉好淋、大件又入味，再配上濃郁既牛骨湯，一啖湯頭一啖麵；另外，更可任意添加店鋪自家炒製既酸菜，好香口，用來配牛肉特別夾，非常不錯呢！重頭戲-花雕牛肉麵既配料就同三星牛肉麵一樣，但選用了台灣埔里名產花雕同紹興酒製成既湯底清香而不俗，不會過火又不會互相搶味，好出色！不過，小食鹽酥雞就比較重口味，味粉量多，只係空口吃有點兒過鹹；炸大腸都炸得乾身香脆不油膩，好邪惡，友人食過不停。