泰斗 (中達大廈)

營業中

休息中

- 尖沙咀｜泰斗 -▪️串燒🍢叫咗沙嗲豬🐷、沙嗲牛🐮、沙嗲雞🐔、鹽燒牛舌芯🐮👅各兩串，全部都燒得啱啱好，食落唔會柴同韌▪️馬莎文咖哩牛坑腩配薄餅🥘🐮🫓咖哩味道香濃，而且唔辣，啱晒配薄餅一齊食。牛坑腩份量都唔少，唔算好多脂肪，帶少少嚼勁▪️鹹肉炒芥蘭🐷🥬芥蘭炒得好爽脆，充滿蒜味，而鹹肉就少少肥，增添油香，幾惹味▪️泰式蝦肉炒金邊粉🦐🍝炒得夠鑊氣🔥，金邊粉幾乾身。面頭有幾隻蝦，搣晒殼，好方便。配料有蛋絲🥚、豆乾、芽菜等，側邊仲有啲花生碎🥜，口感豐富▪️芒果沙冰🥭▪️椰汁沙冰🥥超級大杯，而且味道濃郁，飲得出好足料泰斗📍尖沙咀海防道38-40號中達大廈4樓📍將軍澳坑口常寧路2號TKO Gateway西翼1樓W114號舖📍元朗大樹下東路633號大旗嶺村地舖

好耐冇黎過泰斗食飯 😆今次朋友指名話要黎，咁我地緊係支持啦😄今次3個人都叫左唔少野食🤤樣樣都好好味😍😍🔸金銀蛋🔸鹽燒烏頭▪️好好味🔸唔記得係咩雞🔸鐵板蠔仔蛋▪️一上枱超香，好多蠔仔，呢個卡幫妮最愛🔸串燒🔸炒雜菜🔸芒果糯米飯其實仲叫左個生菜包但唔記得左影😂😂😂整體黎講樣樣都好味，性價比高，仲好食過上次黎😍😍😍正呀！waiter 態度熱情，手腳都好快，下次會再帶朋友黎食！

喺尖沙咀返工嘅朋友話最近試咗一間環境唔錯又好食嘅泰國菜，所以今日就同老公嚟試吓呢間泰斗。嚟得食泰國菜基本上一定要叫炸蝦餅，而呢個金銀蛋就係一個錦上添花嘅皮蛋蝦餅，佢係用蝦膠包住整個原隻皮蛋再炸，然後切開上碟，淨係賣相都已經夠吸睛，而佢選用嘅皮蛋都係靚貨，所以味道真係好夾好好食。另外當然唔少得嘅就係叫返幾串串燒，呢個鹽燒牛舌所配嘅並唔係沙嗲醬，而係泰式辣汁，牛舌厚身得嚟夠爽口，係3款串燒中最好食嘅！另外仲點咗串燒豬肉同串燒雞肉，呢2款就配以沙嗲醬，個人認為豬肉整體較好味。店員推介我哋試咖喱火焰老虎蝦，老虎蝦上枱之後，店員就會淋上燃燒中嘅拔蘭地，不但令味道提升，更加係視覺上嘅享受。爽口嘅虎蝦肉配上香而帶微辣嘅咖喱汁，簡直係絕配。為咗唔想浪費咁美味嘅咖喱汁，我哋就點咗一客蒜蓉包，上面有粒粒蒜蓉，牛油亦搽得均勻，就咁食都已經好好味。另外又試埋烤薄餅，個人認為味道較簡單嘅烤薄餅點咖喱汁，味道更夾更突出。原本想點泰式椰菜苗，可惜店員話冇貨，唯有要蝦醬炒通菜，味道都唔錯，而且份量都相當多相當抵食。見到隔離枱嘅沙冰超大杯，所以我哋都叫咗一杯菠蘿沙冰，賣相超靚，味道又唔太甜，呢個份量share飲已經足夠

一開始都係俾佢個環境吸引，又有戶外環境，但係諗住夏天一定好熱，個係佢有透明帳幕，所以都會有冷氣，即刻感覺十分良好！點菜之前已經有位侍應同我哋講過有冇興趣食燒魚，果時冇乜留意，以為都係，烏頭鯽魚等，我朋友都有興趣想食燒魚，個侍應十分用心，細心介紹各種魚嘅特色，仲推介咗條燒馬友俾我哋，真心好有驚喜，魚質好滑，有十分豐富魚油，油而不膩，好香，佢係餐牌冇㗎，最好就預先留起，或者早啲去食先有，平時果啲燒魚$188，呢個就$238。烏頭比較實肉，同馬友好唔同，大家可以試吓其他食物都比想像中大碟，以為係尖沙咀實冇咁大碟😅

經過海防道的時候經常見到有射燈的餐廳-泰斗。今日終於有機會和同事一齊試一下。*鴨肉生菜包($128)豬肉生菜包就吃得多了，第一次食鴨肉生菜包；鴨肉比起豬肉感覺乾身一點，不會太肥；生菜很新鮮，而且感覺洗得很乾淨。*蒜香軟殼蟹($108)炸得超透的軟殼蟹；脆到好似薯片一樣。*泰式炒椰菜苗($118)點了不少的肉，當然要點一個菜中和一下；椰菜苗新鮮，雖然有少少辣椒，但一點都不辣。*馬莎文咖喱牛坑腩配薄餅($168)偏甜的一款咖喱，有咖喱的香，但一點都不辣；牛坑腩很淋，薄餅尚算酥脆。*泰式香辣蝦膏海鮮炒河($118)這個炒河真的很辣，辣到不太接受到；炒河偏濕一點，海鮮配料比想像中多。*串燒($38*3)串燒點了三款，有豬牛雞。雞串燒是最好食的，不會太乾。豬肉醃得很入味。牛肉比較差，非常UN。

係尖沙咀做野咁耐都唔知有依間泰國菜原來海防道有間咁高質既餐廳平日既晚上7點幾都幾乎full晒好彩有先訂位，我地被安排坐係室外大露台個邊位置食物方面選擇都幾多我地就要左個細既小食拼盤、泰式鳳爪、串燒、炒金邊粉、炒椰菜苗同飲品每樣都好大份！而價錢都只係100元左右，覺得真係超抵食！✨泰式鳳爪$68酸酸辣辣咁作為前菜好適合👍🏻比想像中稍辣一點，食唔到太辣既人要小心~✨小食拼盤(細)$128心大心細唔知揀邊款小食好，拼盤有齊香葉雞中翼、蝦餅、魚餅、素春卷，啱晒選擇困難症雞翼係單骨雞翼！好貼心呀✨串燒沙嗲雞and豬 $38/2串串燒燒得好香，外面少少脆而入面仲保有肉汁，本身都應該有調過味，加埋沙嗲醬好出色✨泰式蝦肉炒金邊粉$108金邊粉味道酸甜，又炒得唔會過濕或者痴埋一齊，撈埋花生碎同加d檸檬汁，仲有大大粒蝦肉，好正~

呢間泰式餐廳個feel 好正。一行入門口就見到佢有個戶外area 同室內area. 而家天氣熱，所以戶外area 有開篷，可以開冷氣 😁 ，個感覺好chill，唔怪得平日黎到都咁多人啦串燒 - 豬，牛舌，雞 📍$38/ 2串呢個價錢又幾抵食喎 😁 牛舌好厚好有嚼口，雞肉好淋仲好有胡椒味，不過一定要提提個豬。好突出👏 食到炭燒味之餘又勁入味，唔點沙嗲醬都得 (不過因為炭燒，所以比較耐。 建議大家叫其他嘢食住等)小食拼盤 (細) 📍$128有齊香葉雞中翼，魚餅，蝦餅，素春卷，一次過可以試哂咁多樣嘢 。每樣仲有4件 😱 份量好大方。 魚餅好重香草味，蝦餅蝦醬炒通菜 📍$88蝦醬同蒜蓉都落足料，炒得好惹味泰式蝦肉炒金邊粉 📍$108份量超多 🙈 好香茄汁味，加埋啲花生碎同青檸汁，好開胃。簡單嘅金邊粉最考功架，要煮得唔糊又唔 乾身，一啲都唔容易芒果糯米飯📍$68原來糯米飯即叫即做，上枱仲冒煙架 😋 椰漿甜度適中，襯埋個新鮮芒果，完美嘅一餐

泰國菜是今晚10月壽星目前最想食的，所以朋友推薦來這裡，雖然環境不算太寬敞，但服務很不錯，而且還有露天座位呢（雖然當晚因天氣太熱，所以也沒有露天座啦）·我們首先點了 柚子沙律$98味道還不錯但就是有一點點辣，食不了辣的朋友要注意喔～炸蝦餅超好味～炸至金黃色這點賣相已滿分！串燒（牛肉、豬肉、雞肉）個人比較推薦牛肉和豬肉，雞肉反而有點'鞋'食泰國料理一定要食的泰式炒金邊粉和菠蘿炒飯！泰式炒金邊粉味道不錯，就是茄汁味重了點但還可以接受，而唯一缺點應該是粉炒得有點碎，要是能改善這點就完美了！菠蘿炒飯 份糧可以說是很大，而且是真的有放菠蘿粒炒的喔！飲品我們全部都點了沙冰 $58/杯整體來說味道都不會是下了很多糖水的那種甜！算是淡淡的甜味，而當中我覺得最好飲的是茫果沙冰！·茫果沙冰士多啤梨沙冰奇異果沙冰留待最後才說的一定是泰式生蝦因為剛好做優惠...只要惠顧滿$300就可以用$1叫到一碟原價$118的泰式生蝦囉！一碟有大約7隻、而且每隻都大隻又爽口！最貼心的是他們會用保鮮紙包住舊冰，這樣就不怕冰塊融化後會破壞生蝦的味道

最近成日係尖沙咀覓食，試左間環境唔錯的泰國菜~~無辣不歡的男友，點了香茅辣伴蝦沙律~ 調味辣得過癮~~ 唔係單一的辣味~ 而係多種香料混合的酸辣感~~ 建議將蝦放上匙羹，每樣配菜放少少係蝦面~再一啖過放入口，細味每種味道~有香茅、檸檬葉的香，亦有乾蒜粒的口感~神奇之處係最後蝦的鮮味會重現~ 雖然索價HKD 148，但蝦的數量亦唔欺場~~足足10隻~~ 亦算物有所值~~每次食泰菜，都會點串燒~今次餐廳以3串作計算單位~~HKD 48一客~~ 價錢唔算好親民呢~~ 但制作認真，即點即燒~~豬肉唔會乾柴~ 配上帶有甜味的沙嗲醬~~ 更加滋味無窮~~ 皮蛋蝦餅~~顧名思義就係將蝦膠包住皮蛋去炸~~個人認為要流心皮蛋先算上品~~所以上台有d小失望~~不過入口都唔太差~~ 新鮮炸起就上台~~先咬到蝦餅香脆外皮，然後一層彈牙蝦餅~ 再到皮蛋的果凍般口感~ 只需要配上泰式辣醬~ 已經係下酒佳品~~不得不提今晚的飲品~~係餐廳獨創的清新特飲~入口以檸檬味為主導~~ 初時酸到眼濛，但過2秒就覺得有甜味~ 最後竟然帶有少少回甘~ 原來小店用原個檸檬去打汁~~亦加入部份