祥仔 (K11購物藝術館)

營業中

休息中

Family gathering 節目係睇戲，諗住一齊食個 lunch 先睇，家姐揀咗呢間打住電視煮食節目嘅廚師（我實在唔會形容為名廚）開嘅港式茶餐廳。其實之前有諗過想試佢嘅四川菜，但一直都未有機會，跟住原來已經摺晒～本身想叫招牌 No.1 鴛鴦叉燒煎蛋飯，點知下晝1點已經賣晒，莫非要11點嚟先有得食？😂🍴脆脆豬扒飯（$138）其實唔係好想食炸嘢，不過叫唔到個叉燒飯，跟住已經唔知叫咩好，就叫呢個。個豬扒幾大塊又真係有1吋厚嘅，炸得好脆，唔夠 juicy 但未算好乾，有一片燒過嘅菠蘿，個醬汁都 okay 不過份量比較少，令到食成個飯嘅時候都乾乾哋～🍴牛柳粒意粉 • 黑椒汁（$158）呢個係用咗美國安格斯牛柳粒，幾入味，個黑椒汁okay 未感受到太特別，整體上正常。🍴重量級全日套餐（$148）呢個 all day breakfast 可以揀豬扒、雞扒或吉列魚柳，因為唔想再吉列又唔想揀雞扒，唯有又係揀豬扒。嚟到 presentation 係靚嘅，不過塊豬扒比茶餐廳更流，少少硬又少少嚡😅炒蛋唔太滑，水耕沙律菜都幾新鮮，司華力腸、大啡菇、牛油果、多士都唔會錯得去邊，整體上係一般。🍴兩日兩夜羅宋湯

昨晚同老公諗住帶從加拿大回來的奶奶去試試唯一僅存於尖沙咀K11的祥仔，我們滿載期望的去出發!我們分別order了招牌羅宋湯，牛油果雜莱沙律，鮮茄吉列豬扒飯，咖哩炸魚柳滑蛋飯，一杯凍奶茶，兩杯熱奶茶。**兩日兩夜羅宋湯：味道偏咸，而且濃度稀，唔覺得餚左兩日兩夜囉! **魔法神秘花園(牛油果雜菜沙律)：蔬果材料係好新鮮的，但係好似沒有落dressing咁，無乜味!**滑蛋仔與吉列魚柳之星際冒險記(咖哩炸魚柳滑蛋飯)：啲咖哩汁傑撻撻而且極少，明顯唔夠汁撈；炸魚柳尚可以，牛乳滑蛋就好一般，沒有什麼特別!**爆脆豬扒傳説(鮮茄吉列豬扒飯)： 蕃茄汁無蕃茄味，塊炸豬外表望落OK, 但咬落去就淋曬，而且完全無醃過，無味!**凍奶茶 & 熱奶茶：茶底很濃澀，水吧落左好少奶，本人因為飲開多奶，所以order前已經叫左多奶，但杯奶茶來到仲係好深色!唯一一樣我覺得OK, 就係個side dish 炸薯條!總括而言，祥仔令我們好失望，希望有關人仕可以正視下啦! Good luck! 🙏🏻🙏🏻

2023.6.18 星期日 6:30pm 以前試過廚師推薦的鮮茄焗豬扒飯，不太合我們口味。今次想吃點簡單的港式餐，路經就再試一次。 •••••••••••••••••••• | 祥仔小食拼盤 | $128- 秘製瑞士汁雞翼, 零油感蝦多士, 煙三文魚酥盒, 薯仔蛋沙律 - 賣相一般，瑞士汁雞翼大隻，夠入味夠滑。不過我不太喜歡雞全翼，始終進食時不方便。 蝦多士真的不會有油感，蝦的大小剛好，上面有辣粉，整體都算香脆。 煙三文魚酥盒，三文魚味道口感不錯，酥盒是正常的脆度。 薯仔蛋沙律比較驚喜，薯蓉幼滑，充滿香濃蛋味。 | 滑雞球 • 鮮粟米汁 | $108多汁，粟米粒飽滿又甜，雞球夠滑，味道不會太濃，中規中矩。 | 兩日兩夜羅宋湯 | 餐湯升級+$3蔬菜足料，味道偏酸有香料味，都幾開胃。 凍飲 +$4 服務費 10%•••••••••••••••••••• 這裡可以舒服地吃個港式西餐，不過侍應態度有待改善。可能不同侍應負責不同位置，所以另一區的侍應見到我們在舉手，都當我們透明，完全不理，又不會提醒負責的侍應。結果等了很久才有侍應來。 

本身就好鍾意睇Ricky煮餸當然要試吓佢嘅餐廳啦祥仔脆脆豬扒飯 $138咁厚嘅豬扒竟然可以炸完都仲咁Juicy，完全鎖到肉汁，肉質非常鮮嫩👍🏻 呢塊炸豬扒都真係好高質😋飯同豬係分開嘅～因為豬扒脆卜卜，淋咗汁咪淋哂🤔所以要將佢地分開～好似愛情咁😂保持距離是世上最美的事😅😅那怕是Perfect Match兩日兩夜羅宋湯 （套餐加配）好濃郁，比平時茶記真係好飲好多！！ 酸酸地唔辣嘅，好香嘅香料味😋好飲👍🏻冬陰功雞翼 $78食到好濃冬陰味👍🏻炸得好香脆單骨雞翼😋😋—————————————————祥仔 (K11購物藝術館) (尖沙咀)尖沙咀河內道18號K11購物藝術館B2樓B233A號舖

Ricky Cheung, 香港其中一位薄有名氣的西餐廚師，對意大利菜及法國菜都有相當認識；再加上近幾年頻頻亮相及主持不同電視台的飲食節目，可說是香港的名人廚師。近兩三年轉型唔再做西餐，竟然搞四川菜及半港式茶餐廳，典型 1960、70年代出世的那一輩香港仔性格，憑着自身經驗及信心，敢摶敢做。Ricky 用自己名字「祥仔」作為餐廳名，好似老土；但其實懷舊，而且親切，亦間接反映了Ricky的成長年代。六七十年代的家長唔流行幫小朋友改英文名，「X 仔」正是那些年的成年人對小朋友的典型稱謂。餐廳名老土懷舊，又係茶餐廳，但唔代表平民。選址K11 Art Mall，定位當然唔會係普通港式茶餐廳，而係高級版，睇裝修就已經知道係是什麼回事。半開放式設計，室內裝修一目了然；簡潔明亮，尤其係採用一個個小金屬三角錐體作為設計元素的特色牆身，明顯由室內設計師精心策劃。座位空間佈置也明顯較普通茶餐廳寛敞，用餐環境更舒適。非一般茶餐廳當然有非一般餐牌，分三級制；午餐、下午茶及晚餐，唔可以互通、亦唔可以叫另一個時段的餐牌菜式，就算午餐想食豪氣一點，揀晚市餐牌菜式也不可以。午市餐牌內的各款粉麵飯也不是一般茶餐廳貨色，

祥仔脆脆豬扒飯 $138 🙆🏿‍♀️蕃茄仔完全無留手都成10粒有多茄汁味道反而無想像中咁重 正常發揮 豬扒都幾大塊 重點係佢好厚切但咁厚肉都唔榎而且個皮炸得唔錯 幾鬆脆之後我哋懷住冒險嘅精神🧐試食咗上面啲草 都真係幾草青味齋食唔會想食 撈飯食就5050啦我黑豚肉粒飯 · 鮮粟米汁 $118 🙆🏿‍♀️粟米汁好稠 好濃 好好味食到最後直頭有啲漏(唔知同嗰日食咗tea有無關係)而個黑豚肉粒好不得了😍😍😍超重肉味不特只(我覺得個黑豚肉粒直頭好味過脆脆豬扒😂)size係一啖入口size呢個粟米肉粒飯絕對無頹飯/ 麻甩飯feel(都正常嘅 望吓個價就知🤪)小妹就好like💚加套餐 $28 兩日兩夜羅宋湯 💁🏿‍♀️蕃茄酸味較重 變咗成個湯稍酸有少許失望 明明為咗羅宋湯嚟食淨係以味道嚟計係好ok嘅非黃店都真心推嘅不過價錢就….可能好多人會覺得食呢啲唔值咁貴我都同意🤣 深深感受到真係一分錢一分貨食完都肉赤赤呀大佬💸💸💸

服務很有改善空間-話限時一個小時，茶餐廳都無啦！當然佢地好似整定部分野的安排，吾走都無野做啦。-入口同檯面無火酒-大部分waiter都無禮貌小食拼盤（$118）4分-靈油感蝦多士（切開兩件） 又真系好似無油喔，吾知道系眯用氣炸鍋哩，蝦比較無蝦味，多士比較厚但幾鬆。-煙三文魚酥皮盒一件 煙三文魚好好味，酥皮盒更系酥到一切就散，可惜只有一件，一個拼盤兩個人share比較奇怪，尤其是其他都是兩件-瑞士雞全翼兩隻 吾系好似其他餐廳帶死鹹味，雞翼好滑兩日兩夜羅宋湯（套餐+28）3分-系好多料但飲落又吾夠味，仲有太細蝶。經典芝士長通粉拌溫泉蛋（$138）3分- 如果只食哩個做晚餐應該吾夠飽，仲有通分應該差一點未熟比較硬，絕對吾系吾Al dente的問題；可取是芝士味吾錯，尤其是果兩塊脆芝士真系摟翻吾小分，至於溫泉蛋就吾特別。祥仔脆脆豬扒飯（$138）2分-叫左好似吾夠兩分鐘就到，食落覺得吾系新鮮整嘍，或者佢炸完滴油滴得太耐啦！雖然表面仲系鬆脆，豬扒系幾厚但無肉味，飯的番茄汁亦吾夠味。

朋友極力推介K11祥仔餐廳,所以呢日同佢一試。正值午飯時間都唔系太多人，但要等位都等左15分鐘左右呢度lunch都唔平由88至138起，難得來得就叫左個祥仔脆脆豬扒飯$128（包經典熱飲，凍飲+$2），見到下面尾尾寫住套餐可以優惠價$18（原價$48）既兩日兩夜羅宋湯就叫埋黎試下。先來兩日兩夜羅宋湯，料好足，但飲落去同平時大x樂／大x活會比較好飲，佢得過酸字冇辣味，佢加左種好特別既香料，我淨系飲到個個味，因實在太強烈完全遮蓋了湯本身的味道。飲淨大半😶向飲湯期間祥仔脆脆豬扒飯到左，豬扒好大塊佔左一個圓碟，另一碟就系充滿茄汁加唔同顏色蕃茄仔；賣相都幾吸引。豬扒好鬆脆可以切到六件左右，厚度有成大概3cm厚，齋食豬扒好食既；到個飯又點呢？！蕃茄汁好酸好杰，完全接受不了～本身以為蕃茄汁可以好開胃🙂點知😑...我只系食晒啲蕃茄仔同幾啖飯已經放低左，豬扒好膩，食幾件已經飽晒～問我會唔會再黎呢間食，都可以既，試下其他款囉，但呢個飯食一次就夠，可能share食會好些少

呢間餐廳近排好似好多人食咁😝我哋上次經過K11終於有機會試啦🤗我哋一開頭就叫咗個兩日兩夜羅宋湯😚😚呢個湯嘅特別之處就係佢係裝喺個膠袋入面嘅😙😙要剪開個膠袋先可以飲😆雖然佢嘅賣相幾特別🤔不過我哋就覺得味道同普通茶餐廳嘅羅宋湯差唔多🧐🧐不過個湯都加咗幾多海鮮落去😋算係幾足料嘅🤗🤗🤗另外我哋仲叫咗呢間餐廳好出名嘅祥仔脆脆豬扒飯🤤🤤呢個豬扒飯真係做得幾出色😍雖然佢個飯嘅賣相唔係太好🤔但係佢嘅蕃茄醬味好濃🤩而塊豬扒就切得非常之厚同埋炸得好脆😍😍😍真係幾好食😋😋😋我哋最後仲叫咗佢同出前一丁嘅聯乘系列入面嘅芝士煙肉一丁伴溫泉蛋😚男小編覺得用類似西式嘅煮法整出前一丁好似幾特別😝所以就俾佢吸引咗🤤🤤呢個出前一丁食落就真係幾好食嘅😋感覺上好似食緊某間茶餐廳嘅芝士公仔麵咁😆😆加埋隻溫泉蛋真係好夾🥰不過呢間餐廳嘅衛生就真係唔係咁好😵我哋一坐低嘅時候職員遞咗兩杯水俾我哋🤔其中一杯水入面竟然有隻超大嘅烏蠅喺度浮下浮下🤢🤢但係職員由斟完杯水至到拎出嚟比我哋😱相隔左咁長嘅時間都竟然發現唔到呢隻烏蠅 真係有啲恐怖🥴🥴所以服務同衛生都要扣分😣😋 好味：7.52/10🤑 價錢：7.25/10🤗 服務：3.59/10😝 環境

聽日端午節，終於都可以休息一天。所以，今晚放工之後約了朋友去尖沙咀食個飯，順便陪朋友逛逛K11。說起K11，朋友話想食一間餐廳很久，經常聽她提起「祥仔」「祥仔」，我起初以為她認識了一個叫「祥仔」的男孩，還跟這位「祥仔」有戀情。怎料到一出K11 的出口後，轉個灣就見到這個「祥仔」。原來「他」是一間港式西餐廳。「祥仔」標榜着將香港經典菜式重新演繹。表面上一些平平無奇，平時經常食到的普通港式食品，「祥仔」都會將它重新包裝。朋友像是期待了很久，說日日晚市都非常多人，今晚都不例外。我們看看餐牌的推薦，很快就作好選擇。⤲ 1. 零油感蝦多士零油感是尤其重要，旨因在外食到的都是油淰淰，食後滿口油炸感。「祥仔」寫明是零油感，果然如此。多士焗至金黃後再將其多餘油份吸乾，配上新鮮中蝦及蝦膠慕絲，蝦多士味道鮮甜而爽脆，絕對有別一般貨色。⤲ 2. 祥仔脆脆豬扒飯我相信這道菜式是最受歡迎之一，因為差不多每枱都會看得到。意大利蕃茄作為基調的米飯，脆豬扒另上的方式，可以令豬扒保持乾爽。厚切豬扒既不堅韌，反而是非常軟稔，食得出酥脆香味。⤲ 3. 經典芝士煙肉長通粉伴溫泉蛋芝士煙肉長通粉可謂是西餐的最基本。在這裡可以食

同屋企人慶祝生日，用open rice Book左7點鐘檯，大約6點40分就可以入座，迎賓職員好親切同有耐性 同好清晰，我地人數有更改 有蛋糕 佢好快手就更改完成，再提醒我地切餅費同離座時間。入場落單 菜色10分鐘就上檯 最出色係脆脆豬扒飯 真正平民菜色 煮到出神入化 價錢當然比一般豬扒飯貴 但豬扒爽脆 唔痴牙 入口香而不油膩 簡單一句評語「連近70歲 帶假牙 的老人家都食到 同好味」其次餐湯唔轉酥皮龍蝦湯散叫要78蚊 超貴 但上菜後 我覺得78蚊係超值 香濃蝦味加上酥皮浸上湯汁 每一淡都係享受 湯底有蝦肉 味道勁夾 簡單一句「下次 我都係會再散叫」其他牛扒都好食 但羅宋湯同雞翼都算係一般但要值得一提 餐廳係勁多人的狀態下 員工由上蛋糕 到幫手影相 食唔晒拎走 好多小細節都做得好貼心最後埋單連加一 6xx ， 我同一家人都食得好滿足 我係為左門口位女職員 送上檯蛋糕位男職員而打食評 好窩心 好服務

一直都知K11有間港式西餐質素好高！但每次嚟都要排隊等位，但發現openrice有得訂位之後緊係即刻訂位試下！嚟到都見到坐滿人！表示有訂位之後就好快有同事帶入座，座位之間都有膠版間隔，入去又會有人量體溫，做齊防疫工作🙌🏻落單之後好快上嘅 #兩日兩夜羅宋湯 跟餐+$28就可以升級，同湯名一樣同兩日兩夜嚟煲，將食材嘅味道煲晒出嚟，味道特別好香濃！跟著就到我睇menu 已經心動嘅 #零油感蝦多士 $88 一式兩件，真係有條蝦係多士上面！咬落香脆+真·零油感，食完都唔覺得好肥膩👍🏻👍🏻👍🏻另外同男友各嗌咗一份主食套餐 #蒜香特醇橄欖油辣椒意粉 $98 同埋 #爵肉牛柳鐵板 $178。 就咁睇碟意粉好似好簡單，蒜香味加埋少少辣，香得嚟好好食！對於減緊肥嘅豬太郎，絕對係一個誘惑。另外牛柳雖然係鐵板餐，但啲肉唔會硬晒，啖啖香腍軟肉，仲有焗薯同粟米，絕對夠飽！我哋仲嗌咗 #新鮮菠蘿冰 跟餐再+$20 真係有菠蘿喺入面，無花無假！唔好太甜，夏天飲夠晒清爽！

呢日喺尖沙咀剪完頭髮後順便喺度食埋晚飯，我哋揀選咗K11入面嘅「祥仔」，皆因朋友話好鍾意食港式西餐嘅口味喎🇭🇰。不過其實我都覺得唔錯，特別係鐵板餐嗰種咋咋聲。餐廳環境十分型格，外面望入去有啲似竹林，而且牆身放滿打側咗嘅立體方塊，部份仲會發光添。另外，座位闊落，我哋坐得好舒服😌。除咗環境外，店員服務亦係相當出色，佢哋全部都好好禮貌，而且會主動關心客人需要。總之服務好，整個用餐體驗都會大大提升👍。我哋要咗兩份主菜、一份小食同一個甜品，全部賣相都唔錯，份量正常。不過價錢方面，就可算稱得上為貴價港式西餐呢！但間唔中食下都OK嘅👌。冬蔭功雞翼Tom Yum Goong Chicken Wings($78)，呢個寫住係星級名廚系列，係由飲食達人余健志創作。🐔八隻酥炸單骨雞翼滲透住冬蔭功香味，再配合青檸汁食非常惹味，留意番雖然係冬蔭功，但唔辣的。雞翼下面仲有好多沙律菜添。爵肉牛柳U.S. Beef Fillet with Pate ($178)，就咁睇個名唔知咩嚟🤔，但餐牌有介紹，呢道菜又名雀肉牛柳，即係用上鴨肝醬搽上牛柳表面，帶出油香。呢個組合我真係第一次食！鐵板牛柳必然為我哋帶嚟視覺效果，店員為

WFH日子已完結，放工後又不想煮飯，這晚就來到尖沙咀K-11的祥仔吃一頓懷舊港式西餐。店內面積寬敞，裝修新潮，特色牆以巧妙傾斜的方塊磚琳瑯拼砌，甚有破格玩味。祥仔由香港名廚Ricky Cheung 主理，如果經常看ViuTV的應該不會對他陌生，將港式西餐經典菜式重新演繹。凡惠顧鐵板、意粉或飯，加$28就可升級至套餐，附送兩日兩夜羅宋湯及餐飲。兩日兩夜的意思就是指經過兩次煲煮，總共兩日兩晚的沉澱，工序繁複且費時，卻令湯頭變得濃稠厚身，肉味和雜菜完美融和，酸中帶甜，讓胃口即時一醒。祥仔脆脆豬扒飯 $118這道菜猶如是港式豬扒飯和日式吉列豬扒的混血兒，將經典的豬扒飯變得不平凡，厚切豬扒size 超巨型，份量十足。炸成金黃的麵包糠外層針針豎起，酥脆無比，脆脆豬扒以慢煮調理，煮至約九成熟，中心位仍是微微粉紅色，留有豐滿肉汁，發出陣陣油香，肉質纖細易嚼，不會炸得過火而變得乾硬過韌。番茄汁真材實料，以新鮮番茄煮成，酸酸甜甜特別好下飯。鐵板香滑燒春雞 $158上菜時，鐵板熱氣逼人，倒下醬汁時，接觸到鐵板的一剎那，滋滋咋咋，煙霧瀰漫，即時香氣四溢，拼湊出年少時的回憶。燒春雞夠大隻厚肉，肉質嫩滑不鞋口，而

Ricky Cheung給我的印象是一個不安於comfort zone、敢於跳出框框的人。三十多歲便已貴為萬麗海景酒店Scala餐廳總廚；在他的專訪中得知他離任的原因是為了「有得煮」，與某些廚師不同，他是個真正熱愛煮食的人；即使不用開工的日子，他依然樂此不疲、享受烹飪的樂趣。然擔任了總廚後便意味著將從事以管理及行政等工作為主；離「煮」卻越來越遠，偏離了他的初心，因此便拋開了高薪厚職，另闖天地，轉為擔任法國私房餐廳Le Mieux Bistro 的主廚。曾分別到訪過柴灣及灣仔的Le Mieux Bistro，均留下相當美好的用餐經驗！「祥仔」第一間設於長沙灣的店已於開幕初期光顧，這家位於尖沙咀K11 購物藝術館的分店對於我們這些上班族來說就更friendly了，皆因晚市及星期日也能光顧。晚市的鐵板、意粉及飯，只需加$28便可升級至套餐，包羅宋湯及咖啡/茶；如想轉為祥仔特飲，另加$20便可。兩日兩夜羅宋湯～相信無人不同意，這款湯的精華一定不會是新鮮滾熱辣的當下，待到隔天再喝；滋味一定更好！這兒的羅宋湯據説要煲「兩個九十分鐘」，分兩天處理，經第一天的首個九十分鐘後、待涼後冷藏；第二天再來