影片
更多
2020-06-16
539 瀏覽
呢日喺尖沙咀剪完頭髮後順便喺度食埋晚飯，我哋揀選咗K11入面嘅「祥仔」，皆因朋友話好鍾意食港式西餐嘅口味喎🇭🇰。不過其實我都覺得唔錯，特別係鐵板餐嗰種咋咋聲。餐廳環境十分型格，外面望入去有啲似竹林，而且牆身放滿打側咗嘅立體方塊，部份仲會發光添。另外，座位闊落，我哋坐得好舒服😌。除咗環境外，店員服務亦係相當出色，佢哋全部都好好禮貌，而且會主動關心客人需要。總之服務好，整個用餐體驗都會大大提升👍。我哋要咗兩份主菜、一份小食同一個甜品，全部賣相都唔錯，份量正常。不過價錢方面，就可算稱得上為貴價港式西餐呢！但間唔中食下都OK嘅👌。冬蔭功雞翼Tom Yum Goong Chicken Wings($78)，呢個寫住係星級名廚系列，係由飲食達人余健志創作。🐔八隻酥炸單骨雞翼滲透住冬蔭功香味，再配合青檸汁食非常惹味，留意番雖然係冬蔭功，但唔辣的。雞翼下面仲有好多沙律菜添。爵肉牛柳U.S. Beef Fillet with Pate ($178)，就咁睇個名唔知咩嚟🤔，但餐牌有介紹，呢道菜又名雀肉牛柳，即係用上鴨肝醬搽上牛柳表面，帶出油香。呢個組合我真係第一次食！鐵板牛柳必然為我哋帶嚟視覺效果，店員為
呢日喺尖沙咀剪完頭髮後順便喺度食埋晚飯，我哋揀選咗K11入面嘅「祥仔」，皆因朋友話好鍾意食港式西餐嘅口味喎🇭🇰。不過其實我都覺得唔錯，特別係鐵板餐嗰種咋咋聲。
餐廳環境十分型格，外面望入去有啲似竹林，而且牆身放滿打側咗嘅立體方塊，部份仲會發光添。另外，座位闊落，我哋坐得好舒服😌。
除咗環境外，店員服務亦係相當出色，佢哋全部都好好禮貌，而且會主動關心客人需要。總之服務好，整個用餐體驗都會大大提升👍。
我哋要咗兩份主菜、一份小食同一個甜品，全部賣相都唔錯，份量正常。不過價錢方面，就可算稱得上為貴價港式西餐呢！但間唔中食下都OK嘅👌。
冬蔭功雞翼
$78
12 瀏覽
0 讚好
0 留言
爵肉牛柳U.S. Beef Fillet with Pate ($178)，就咁睇個名唔知咩嚟🤔，但餐牌有介紹，呢道菜又名雀肉牛柳，即係用上鴨肝醬搽上牛柳表面，帶出油香。呢個組合我真係第一次食！
鐵板牛柳必然為我哋帶嚟視覺效果，店員為我哋淋上醬汁時燒到咋咋聲，勁多煙！🥩牛柳比想像中薄身，不過都有兩大件。肉質同肉味都OK，配上鴨肝醬食幾特別。伴碟有唔少雜菜，當中包括粟米🌽同焗薯🥔，兩樣我都鍾意食。
兩日兩夜羅宋湯
$58
12 瀏覽
0 讚好
0 留言
祥仔脆脆豬扒飯Ricky’s Crispy Pork Chop Rice($118)，我哋見呢個係招牌菜喎，隔離枱又食緊，所以就一於試試。炸豬扒同茄醬飯係分開上的，兩樣造型都好吸引🤤。
脆脆豬扒果然好味，麵包糠外皮炸得脆脆的，但唔會太乾或炸燶咗；而豬扒本身仲好正添🐷，肉身夠厚，肉質又夠淋身。至於茄醬飯個汁都唔錯，唔會太酸，又有我最愛嘅蘑菇，但我略嫌飯粒軟咗啲。
酥皮蘋果撻Freshly Baked Apple Tart($58)，食完正餐就梗係要食甜品啦😚。依個蘋果撻酥皮夠脆，而特別之處就係採用咗吉士醬，所以整體比較甜，另外亦有唔少蘋果果肉🍎。但如果加埋肉桂味應該會更正。
總括嚟講，我好耐無食過港式西餐喇，呢晚係久違嘅味道！依餐飯我哋食得好開心，有機會我都想試埋祥仔嘅卡邦尼通粉。晚市價錢貴啲，不過呢度都有做午餐同下午茶餐，價格較便宜，如果經過不妨一試。
張貼
