鍋心八鮮蒸鍋 (已結業)

曾經幫襯過鍋心粥底火鍋兩次，都有一個唔錯既體驗，覺得d海鮮都好新鮮又鮮甜。見到鍋心開左蒸鍋既分line，決定試一試蒸既海鮮味道又係如何。 去食海鮮當日係星期五。早幾日打電話book左位晚上8點，去到餐廳樓下已經人頭洶湧，原來大家都等上一場落場，8點鐘入去食。如果想食龍蝦，記得要book位個時講聲，我個日去到就得番肉蟹。海鮮方面，長話短說。揀左肉蟹(清蒸)，白蜆(泰式醬)、鮑魚(古法豆醬)、海蝦（泰式醬)、多寶魚(剁椒)、魷魚腸粉(沙嗲醬)、象拔蚌仔(金銀蒜)，仲有蟶子(豉汁)。事不宜遲，立即去圖。成個食蒸海鮮既過程其實節奏好快，留意到有其他枱既食客會示意員工可以慢番少少因為有d食唔切既感覺。(我都有少許認同)話咁快食晒海鮮，就到食八寶飯既時候。配料揀左: 蝦醬豬腩肉，雞軟骨肉餅、銀魚仔、芋頭、豉汁排骨、咸酸菜同埋節瓜。面頭既花生可以選擇落或者唔落。因為無聽清楚侍應講咩，亂咁點頭，結果落晒d花生食個時又要挑番出黎，唔過癮味道唔錯，正常發揮。最後，食埋糖水就完左呢個豐富既晚餐。總結，我覺得都係一個唔錯又新奇既體驗。食材新鮮有保證。不過如果粥底同蒸鍋黎講，我會喜歡粥底版既鍋心多d，因為可以飲

鍋心的粥底火鍋好出名，不過一直都未有機會去試今次跟朋友聚會，就選擇了旗下的蒸鍋店，對這個品牌都有點信心～店舖位於裕民中心附近，觀塘分店新開張幾個月，今次去光顧，都見全場爆滿！幸好朋友有預先訂位～～晚市分成三個時段，我們選擇的第二時段由8:30pm開始不過都要先等店舖清場，等了不夠10分鐘就獲安排座位啊！每位$278的蒸鍋海鮮套餐包括燉湯﹑8款海鮮﹑八寶蒸飯及甜品每款海鮮可選擇烹調方式，兩款海鮮是指定的，另外六款就是8選6的形式至於蒸飯，就從30款配料中選8款！選擇夠多樣化！！喜歡素或肉，濃或淡，都一應俱全入座後先送上每人一盅燉湯用料好足，有雞腳﹑蟲草花及螺頭，火喉足的老火燉湯，味道香濃又甜！！有朋友稍遲來到，店員就主動用蒸鍋溫著那一盅湯，服務值得一讚！指定的兩款海鮮是龍蝦及白蜆，我們選擇了清蒸的方式想原汁原味的享用～龍蝦的size不算特別大隻，但好多膏蒸的時間剛剛好，肉質爽口軟嫩不粗糙！味道亦好鮮甜～～～白蜆清甜無沙！豉汁蒸蟶子，蟶子大隻又爽口彈牙～～只是豉汁略鹹了一點點，不過都尚能接受！鮑魚選用果皮蒸，令鮑魚可以吸點果皮香氣～另加上一點薑絲，鮑魚的味道不會那麼單調鮑魚爽口彈牙，都幾新