窩子

營業中

休息中

是日去左新蒲崗區玩劇本殺，玩完之後已經到左晚餐時間啦。 見窩子都有好多好評， 又可以walk in，就入去試下餐廳內裹裝修都幾型格，有d懷舊海報，係對門比較重而難推。 我地獲安排坐係窗邊既4人位。叫左多人推薦既八小時慢煮萬字醬油豬軟骨飯已經燜到好淋好入味醬油配埋個蛋黃連白飯簡直一流，好開胃！慢煮口水雞係加配既，但完全冇諗過佢係點醬食既，幾驚喜！皮脆肉嫩，不過我唔敢食咁多皮野菌松露油忌廉扁意粉中規中矩，扁意掛左好多汁，好野味！慢煮三文魚意大利飯加入檸檬汁後好清新，意大利飯唔係好生果隻；飯裹面既香草好得意，令到整體味道更有層次。 青蘋果金寶法式千層酥配雲呢拿雪糕叫埋個甜品就功德圓滿啦估唔到佢有好多配料，又放到好靚，岩晒鍾意打卡既我

野菌松露油忌廉扁意粉 $88一上枱就見到意粉冒煙 仲有好香既松露味 睇到都覺得正🤤 食落意粉好彈牙 而且非常掛汁 每啖都有濃郁既忌廉香味同松露味 加上野菌磨菇既份量十足 整體來說都算唔錯🤩評分: 8.5/10🌟八小時慢煮萬字醬油豬軟骨飯 $98講真豬軟骨好好食 但整得好食既舖頭真係唔多🥺 今次試下個慢煮豬軟骨 食落非常夠味 而軟骨超級淋 係滿滿既骨膠原😚 肉質方面都算唔錯 都夠淋 不過食完有啲痴牙就扣咗少少分🤧 而白飯上面仲有一個醬油蛋黃 啲蛋汁加埋豬軟骨撈飯食就一流🥰 整體份量都幾大 男士都會夠食🤣評分: 9/10🌟———————————————————————窩子 (新蒲崗)新蒲崗仁愛街36號地下

黃大仙新蒲崗一帶都有唔少高質黃店💛靜靜地嘆下咖啡同窩夫又有私藏推介，窩夫除左甜食，鹹食都一樣好味！🤤————————————————👅八小時慢煮萬字醬油豬軟骨飯（$93）👍🏻大推慢煮豬軟骨，肉質軟爛入味，經過長時間慢煮🔥，連軟骨都可以輕輕一抿化開👍🏻配以蛋黃撈熟騰騰既珍珠飯超滿足🍚，豬軟骨份量多到食兩碗飯都夠 (偷偷加錢請店員加多一碗靚仔).👅慢煮手撕豬腩窩夫三文治（$92）👍🏻 一絲絲豬腩肉完全唔會鞋口✨，調味比豬軟骨淡，熱辣辣食更出味👍🏻 窩夫濃濃蛋香味🥚，口感帶點厚實，又不失鬆軟，鹹食都有驚喜.👅黑糖焙茶鮮奶（$39）👍🏻 焙茶味比黑糖味突出，靚靚拉花打卡一流————————————————🚩總結：以窩夫著名既小品café，大大份既食物足以滿足你空虛的胃同心靈💗，千萬不能錯過豬軟骨飯~————————————————🌟注意：區內人氣café，約6點半後要等等位

    新蒲崗一帶的Café選擇不多，高質的就更少，而窩子可算是少有的一家非常值得光顧的咖啡店，只因食物水準高，價錢相宜，店裏環境舒適，裝潢懷舊，別具特色。先前已光顧過一兩次，留下深刻的印象，以致間中仍想和友人再臨該店用餐，可惜有兩三次都因門外大排長龍，在飢腸轆轆的狀態下，惟有選擇到其他食店「醫肚」。    這次堅定地等候半小時，終於入座了。我們點了：八小時慢煮萬字醬油豬軟骨飯和草莓配雜莓雪葩窩夫。豬軟骨的骨與肉皆鬆軟入味，湯汁濃香，連紅蘿蔔也因吸收了肉汁的精華，顯得特別香甜。至於甜點，窩子的窩夫是必吃的，每次聞到香噴噴的窩夫，都叫人忍不住想吃！窩夫的奶香蛋香牛油香渾然天成，吃起來外脆內軟，即使沒有任何配料，也不覺單調。當然，配上草莓果醬、吉士醬、雪葩等配料，就起了畫龍點睛之效，將整道甜品推高至另一個層次，使其吸引力瞬間急升！

新蒲崗一帶好多小店 今次終於黎到bookmark左好耐既窩子餐廳裝橫懷舊 綠色牆身 黑白階磚 木枱配上木凳 梳化凳 折疊鐵凳 又幾有feel自家製肉醬扁意粉 $81肉醬意粉面層舖左好多芝士 拉絲無難度 仲可以拉到好高自家製肉醬酸甜開胃 感覺唔會太肥肉 份量亦毫不吝嗇 食到最後竟然變左麵唔夠撈肉醬 意粉軟硬適中 整體多汁完全唔會乾爭爭八小時慢煮萬字醬油豬軟骨飯 $93豬軟骨竟然係一鍋上 份量比想像中多 經過八小時嘅慢煮 軟骨位果然入口即融 豬肉軟腍入味 完全唔油膩蛋黃經調味 鹹鹹地撈飯一流旁邊仲有爽口蓮藕同紅蘿蔔作伴碟髒髒意大利芝士忌廉 $52芝士忌廉份量毫不吝嗇 質地較實 口感有啲似雪糕 餅底帶淡淡咖啡香 如果餅底份量多啲就好啦 整體唔會太甜 好鍾意佢側邊有好多脆脆 為Tiramisu增添左唔少口感榛子鮮奶咖啡 $40入口順滑 淡淡榛子味 奶味偏重黑糖焙茶鮮奶 $39主角同樣放在鮮奶上 黑糖和焙茶慢慢淡岀