影片
更多
2018-08-20
9513 瀏覽
有套經典電影「時光倒流八十年」，詳情就唔講，反正上網搵搵就知。嚟六國酒店，唔多唔少有種時燒倒流嘅感覺，六國查實有超過80年歷史，多年無嚟過，對上一次嚟Le Menu食自助餐已經喺2013年嘅事。佢哋定價向來都大眾化，嗰時嚟收$258（星期一至四，無加一），今趟再訪，只喺收$268（星期一至四，已包加一），你話喺咪有種時光倒流吖。故此，藉暑假做借口，同一班老友嚟嘆番餐。唔止個價有啲「懷舊」，仲有生日優惠，只要8位同行（只計成人），該月生日嘅客人即享免費兼送精美紅酒一支，而且用餐時間由6:30pm去到10:00pm，比一般自助晚餐長多少少。入到餐廳，地方都唔細，樓底都屬於高，兩盞金光閃閃巨型大吊燈，喺有幾分氣派，現場所見，應該都全場爆滿，始終咁嘅價錢食一餐自助晚餐，晌市區都真喺好難搵。不過，種類、款式就無一啲旺區嘅4、5星酒店咁多，之但喺，絕對夠晒選擇。由於一嚟到已好多客人，所以，都唔方便影太多食物相。果汁吧未講食，先講飲，因為一入門口右邊放有4款任斟任飲嘅飲品，包括西柚汁、蜜桃茶、雜果賓治及橙汁，故此，先斟杯西柚汁清爽一下，話晒出面都仲喺33°C、34°C。沙律吧、冷盤近門口嘅第一組食物
唔止個價有啲「懷舊」，仲有生日優惠，只要8位同行（只計成人），該月生日嘅客人即享免費兼送精美紅酒一支，而且用餐時間由6:30pm去到10:00pm，比一般自助晚餐長多少少。
入到餐廳，地方都唔細，樓底都屬於高，兩盞金光閃閃巨型大吊燈，喺有幾分氣派，現場所見，應該都全場爆滿，始終咁嘅價錢食一餐自助晚餐，晌市區都真喺好難搵。不過，種類、款式就無一啲旺區嘅4、5星酒店咁多，之但喺，絕對夠晒選擇。由於一嚟到已好多客人，所以，都唔方便影太多食物相。
果汁吧未講食，先講飲，因為一入門口右邊放有4款任斟任飲嘅飲品，包括西柚汁、蜜桃茶、雜果賓治及橙汁，故此，先斟杯西柚汁清爽一下，話晒出面都仲喺33°C、34°C。
沙律吧、冷盤近門口嘅第一組食物區，放嘅就喺沙律及冷盤，前者有兩款沙律菜、6到7款配料、4款預製沙律及5款醬汁，陣容未算強勁，但要砌出一道開胃沙律就絕無問題。而後者則有挪威煙三文魚、雜錦凍腸及燒牛肉薄片，用嚟拼埋啲沙律作頭盤就最好不過。
小弟就鍾意將沙律及冷盤樣樣材料加啲，喺唔記得加啲生果啫，砌成第一道「前菜」作為序幕。沙律菜新鮮爽脆，啲紅菜頭、南瓜好清甜，當然意大利乾蕃茄喺小弟至愛之一，開開胃醒好清新。
刺身、壽司晌沙律隔離，就喺「和食」檔口，是晚刺身就有立魚、八爪魚、仿鮑片、三文魚、劍魚共5款，在旁就有雜錦壽司、壽司卷，以及一啲和風冷盤小食及冷麵。而且，仲不時推出迷你海鮮丼，的的骰骰。
海鮮知道收二百幾蚊個自助晚餐，海鮮嘅種類就預咗唔會有太多貴嘢，如果有生蠔反而仲驚。單單只有青口、翡翠螺、長蟹腳、凍蝦，陣容就肯定算唔上好吸引，不過，點都執少少嚟試試，睇吓質素喺點。
第二道「菜式」就喺海鮮拼刺身，因為海鮮及刺身種類唔多，就樣樣執啲試勻晒。幾款海鮮中，以長蟹腳最正，厚身大隻，蟹肉拆出嚟一梳梳，啖喺鮮甜蟹肉；翡翠螺嘅質素亦唔差，味道清甜，口感夠爽。刺身就純粹過吓口癮，但質素亦唔太差。
餐湯照大多數自助餐嘅慣例，呢度一樣有提供一中一西嘅餐湯，前者喺 青紅蘿蔔煲豬骨，後者則喺英倫海鮮周打。兩鍋湯嘅後方仲有一大籃麵包，都喺細細個嘅小圓包。
熱盤挨牆嘅一組長餐枱，就擺放咗多款熱盤、麵檔及烤肉。由於地方所限，可擺出嚟嘅熱盤有限，但卻見到不時換款。頭頭尾尾，前前後後，大概出過嘅熱食包括：清蒸海上鮮、遼參蝦膠扒時蔬、三文魚蒸蛋、烤羊扒、南乳粗齋、燒味拼盤、紅酒牛脷、蝦膠釀節瓜、蒜蓉炒菜芯、椒鹽骨、紅燒乳鴿、椒鹽豆腐、烤百3脾、茄汁意粉、生炒牛肉飯……等等。
烤肉烤肉方面，就只得燒西冷一款，旁邊就伴有烤時蔬，除最基本嘅燒汁外，仲有3款芥辣俾客人作調味。
兩道生冷嘢之後，就喺食番啲熱嘢，熱盤再加燒西冷，全碟都喺肉。燒西冷質素做得一啲唔差，內裡粉嫩多汁，肉味夠濃；乳鴿始終唔喺即炸即食，喺會打少少折扣，但仍然食到皮脆肉嫩嘅效果，只喺唔會熱辣辣咁啫；至於其他嘅肉食，都做得唔錯，食完碟熱食，又飽多兩三乘。
即煮粉麵檔如果食咁多嘢都唔飽，整多碗粉麵就一定令你飽到足。3款湯底：喇沙、清湯、豬骨湯，4款粉麵：油麵、粗麵、河粉及米粉，以及十多款材料任客人自選，我都記唔晒咁多，大概喺有啲菇菌、魷魚、牛柏葉、豆卜、芝士腸、鮮蝦、雞肉、鯇魚片、炸魚片、丸類、生菜、菜芯、銀芽……等等。食粉麵怕太飽肚，可以叫淨餸喔。
甜品甜品區就晌一入門口左邊，先見到嘅喺夏日特別推出嘅刨冰及多種配料、中式糖水、布朗尼、芝士餅、芒果慕絲、木糠布甸、法式焦糖燉蛋、牛乳布甸、茉莉花茶凍、咖啡蛋糕仔、朱古力噴泉……等等西式甜點。旁邊仲有幾款新鮮生果作為飯後果添。
不過，講到最得人心，經常見到客人排隊拎嘅，非新用焗製嘅窩夫同Häagen-Dazs雪糕莫屬。前者不停新鮮出爐，香氣四溢，仲配有多款果醬，而後者除6款基本口味外，更有兩款桃味新品，絕對滿足到一眾甜魔。
小弟都喺嗜甜之人，早已留肚嚟一輪甜點絕殺，主要都喺揀啲合心水嘅甜點，整體嚟講，唔可以講喺高水準，但質素唔失禮。而配窩夫嘅雪糕，就揀咁芒果及咖啡，兩款都好好味，窩夫亦脆口富蛋香。
美酒車厘子 $68餐廳最近推出咗啲經典甜品，包括：美酒車厘子（$68）、香蕉船（$78）、士多啤梨新地（$78）及士多啤梨 / 朱古力奶昔（$58），雖然喺額外「自費項目」，唔包入自助餐食物裡面，不過，個自助餐咁平，夾份叫一款試試都無妨，最合心水就喺「美酒車厘子」，車厘子預先以冧酒浸咗一晚，有單時再煮至徹熱，然後加上一大球雲呢嗱雪糕，車厘子帶有微微酒香，配雪糕一齊食，有種奶滑嘅感覺。
即磨咖啡食甜點又點可以無人杯咖啡嚟襯吓，就晌餐廳一角，設置咗咖啡機，仲有紅茶、檸檬片，自由取用。
事隔多年，再嚟Le Menu，環境無乜點變，食物嘅數量亦無乜點變，但難得連價錢都無乜點變。服務亦值得一讚，收碟斟茶遞水勤快，食物補充算足，唔使$300位，要食到有質有量嘅自助晚餐，城中無幾架。
張貼
