影片
港鐵灣仔站 C 出口
繼續閱讀
電話號碼
28663808
開飯介紹
此酒店餐廳設計採用維多利亞風格，並糅合現代與古典元素，簡潔優雅。主打的西式自助晚餐包括多款高質食材，如冰鎮海鮮、特級牛扒、即場手握壽司、湯品等中西美饌和甜品。
繼續閱讀
附加資料
- 美式自助早餐 （07:00-10:30）
- 半自助午餐 （12:00-14:30）
- 下午茶 （15:00-17:00）
- 自助晚餐 （第一段17:45 -19:45； 第二段20:15-22:15；全時段17:45-22:15）
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
有關獎賞計劃
優惠
相關文章
快到中秋節🎑今晚同朋友去到六國酒店Le Menu西餐廳品嚐全新推出「華麗盛宴自助晚餐」當中更有龍蝦🦞，鴨肝同佛跳牆😍。自助餐選擇極其豐富，有多款高級食材，包括有冰鎮海鮮、特級牛扒、佛跳牆 、原件鴨肝、鐵板燒、片皮鵝、雜錦刺身、即場手握壽司、沙律及凍盤、多款中西熱葷美饌、精美甜品和Häagen-Dazs雪糕等等…每晚18:45/19:15 更有精彩表演，廚師即席表演👨🏻🍳葡式燒乳豬、鹽焗三文魚、西班牙海鮮飯和蜜桃梅爾芭。葡式燒乳豬🐖廚師即場用碟不用刀切，以示乳豬燒得外脆內軟，用鈍的碟邊也能破邊而過，輕易切開。重點記得食酥炸生蠔同芝士蘑菇焗蟹蓋，平時食自助餐真的好少見‼️酥炸生蠔粒粒肥美，新鮮炸起特別酥脆。芝士蘑菇焗蟹蓋每一口都品嚐到蟹肉，令人齒頰留香。每位有一客佛跳牆，記得拎住個牌仔去鐵板燒區取🤗入面有原隻鮑魚、瑤柱等，湯頭鮮甜，勁足料‼️仲有多款以龍蝦做主題菜式，俄羅斯龍蝦沙律、牛油果龍蝦沙律、龍蝦海鮮茶碗蒸、法式龍蝦湯、龍蝦蘑菇意大利飯。多款鮮味海鮮包括波士頓龍蝦、加拿大雪花蟹腳、青口、翡翠螺、麵包蟹；肉味濃郁且口感鬆軟的特級有骨肉眼；更有視覺至味覺雙重享受的鐵板燒，廚師即席烹調虎蝦、原件鴨肝、牛脷、豬頸肉、雞軟骨及多春魚等；鹹蛋黃金蝦、金不換辣酒煮青口、蒜蓉粉絲蒸扇貝、蠔皇扣海螺片、椒鹽魔鬼魚翼；和風系列中有鮮甜爽口赤貝刺身、雜錦角切魚生丼、即場手握壽司；自家製片皮鵝外皮酥脆鬆化且肉質嫩滑，必定大飽口福。 甜品區同樣相當吸引🤩有泡芙塔、士多啤梨西瓜蛋糕、巴斯克芝士蛋糕、朱古力慕絲蛋糕、綠茶歌劇蛋糕、意大利芝士布甸、牛油麵包布甸、檸檬撻、紅櫻桃撻、蒙布朗、葡式蛋撻、椰汁西米糕、焦糖燉蛋等，仲有即製香脆窩夫配上Häagen-Dazs雪糕，甜品控不要錯過‼️
繼續閱讀
在特別日子例如節日前夕、生日都會同屋企人及朋友食buffet慶祝，今次見到六國酒店的Le Menu餐廳自助晚餐做緊優惠，又適逢友人生日，一於就去試下🥰 Le Menu西餐廳以維多利亞風格設計，簡潔優雅，環境開揚，樓底高，擁落地大玻璃窗，空間感強❤️而且座位寛趟，坐得好舒服呢。 「3️⃣小時」華麗盛宴・自助晚餐 震撼價 $499另額外贈送無限暢飲汽水及凍果汁🥤✨️餐廳還設有小酒吧，可以享受美酒🍾 ‼️自助晚餐重點推介🔥餐廳每晚都安排「即席烹調表演」包括有扣原隻鮑魚及鴨掌 (每位一份)、富貴雞🐔及火焰雪山🍰。 🔹️即席烹調菜式👨🍳原隻鮑魚及鴨掌鮑汁鴨掌扣原隻鮑魚，鮑魚口感煙韌，吸盡鮑汁精華，肉質鮮美👍🏻富貴雞以荷葉及帶有酒香的麵團包裹焗製，雞的精華牢牢鎖住，雞肉嫩滑無比，廚師更邀請了現場顧客敲碎外殼，氣氛十足😊火焰雪山一種覆蓋蛋白霜、蛋糕加雪糕的甜品，廚師面前即席將酒加熱，再淋在表面上，在蛋白霜上燃起藍色火焰，非常打卡able，入口外暖內凍，帶來獨特口感🤗 🔹️龍蝦 🦞龍蝦的菜式有龍蝦鮮雜果沙律、韓式龍蝦肉碎粉絲、龍蝦海鮮茶碗蒸、避風塘炒龍蝦鉗、法式龍蝦湯及龍蝦蘑菇意粉等，每一款都不能錯過呢😍 🔹️冰鎮海鮮多款精選海鮮包括波士頓龍蝦、加拿大雪花蟹腳、麵包蟹、青口、翡翠螺及熟蝦，海鮮補充得好快👍。🔹️刺身即點即切的刺身有三文魚、吞拿魚、鯛魚、甜蝦、北寄貝及八爪魚，另外更供應雜錦角切魚生丼，好特別😍 🔹️爐端燒廚師即席即燒❗️包括原件鴨肝🦆、虎蝦🦐、燒雞翼🐔、雞軟骨串、紫蘇雞肉丸串、多春魚及菠蘿🍍等，火喉控制得剛剛好。 🔹️燒肉有美國特級肉眼扒🇺🇸🥩及片皮鵝🦢肉眼扒即點即切，肉嫩多汁，肉味濃郁；片皮鵝外皮酥脆鬆化且肉質嫩滑。 🔹️熱葷多達20+款的熱葷，海鮮款式有酥炸生蠔、鹹蛋黃金蝦、金不換辣酒煮翡翠螺、蒜蓉粉絲蒸扇貝、蠔皇扣海螺片、芝士蘑菇焗蟹蓋等，款式豐富。另外還有燒春雞、蜜餞金沙骨、紅燒獅子頭、印度咖哩配薄餅等熟食。 🔹️湯品中湯有竹絲雞螺頭燉豬湯，好足料且味道鮮甜，而西湯有法式龍蝦湯。🔹️甜品有多款精美一口蛋糕、焦糖燉蛋、葡式蛋撻、椰汁西米糕等，仲有即製香脆窩夫配上Häagen-Dazs雪糕🍨，甜品控不要錯過❗️總結，今晚食足3個鐘，相當滿足😝自助餐食物種類眾多，新鮮又好味🤩餐廳毫不吝嗇，好快補上食物，性價比好高👍🏻而且還有即席烹調表演，令整體更有氣氛。
繼續閱讀
🍴放工約左個朋友食飯，順便幫佢慶祝生日，因為佢鍾意食自助餐，所以今次就揀左六國酒店既Le Menu，地方唔算好大，但提供既食物應有盡有🥰✨每日指定時間仲有表演睇🔹6:45pm 堂弄扣鮑魚、富貴雞表演🔹7:15pm 火焰雪山表演🔸凍海鮮種類都有幾款：🦞龍蝦、蟹腳、麵包蟹🦀、青口、翡翠螺同熟蝦，整體海鮮都幾新鮮🔸刺身及壽司區 刺身每日提供6款，仲有即叫即做壽司🍣同雜錦角切魚生丼🔸熱盤類種類好多，睇到樣樣都想試，岩哂鍾意食熟食既人😆特別推介幾款我幾鍾意既俾大家，富貴雞🐔，雞肉嫩滑，入面包住瑤柱、花膠，冬菇等配料，芝士蘑菇焗蟹蓋，蟹肉份量非常多，避風塘炒龍蝦鉗、鹹蛋黃金蝦同酥炸生蠔🦪🔸爐端燒除左有🦆鴨肝，仲有師傅即場燒既串燒🔸肉車區平時食既都係片皮鴨，依到係片皮鵝🪿，仲有美國特級有骨牛同燒香草肉眼扒🔸湯類有兩款，一中一西 ：竹絲雞螺頭燉豬展、法式龍蝦🔸甜品區有多款自家製甜品，整體甜品唔會好甜，而且每件都細細件，可以試多幾款😋 仲有Häagen-Dazs雪糕任食，四種味可以揀依家用指定優惠碼 「imfoodieb」經網上預訂，就可以用💥震撼價$499預訂3小時華麗盛宴‧自助晚餐 - 扣鮑魚‧龍蝦‧爐端燒，另額外贈送無限暢飲汽水及凍果汁。
繼續閱讀
從來冇諗過嚮一間4星酒店既餐廳會有d咁"難忘"既經歷。當日一行12人大大細細諗住食好西，我地係食第二輪既自助晚餐，準時8點15分入坐。坐好冇耐侍應就幫我地安排一人一客既鵝掌鮑魚，而"難忘"既經歷亦係由鵝掌鮑魚開始。熱菜唔熱!!鵝掌鮑魚一上果下已經只係微微微微微暖，以熱菜來講可以話一d溫度都冇，味道口感就更加令我驚訝，味道超淡，隻鵝掌d肉仲係黐住d骨既，到底有冇炆過??我真係估唔到可以嚮一間4星酒店食到既水準既鵝掌鮑魚。其他食物方面，龍蝦麵包蟹長腳蟹果d我係預咗純過下口癮，真係冇乜要求，但就算係水煮都加番d鹽丫!真係可以完全冇味....熱菜味道一般，冇乜好講，唯一係果個蟹蓋見人吹到話必食，我食左兩啖就叫人收走。甜品控既其中幾人，最後佢地all in haagen dazs杯裝雪榚。成個用餐過程，食物已經好一般(如果以4星酒店計，可以話算係差)，而最大問題係服務方面。我地係8點15分入座，用餐時間係兩小時，但當大約9點15分左右，片皮鴨呢樣作為賣點既菜式已經冇晒，當時亦有問過會唔會再有，答案係"no"。另外當時carving counter係冇人serving，我係企左嚮counter幾分鐘先有waiter見到，再去通知廚房，又再過左起碼5分鐘先有廚師施施然咁過黎serve我，我足足企左差唔多10分鐘，呢d係4星酒店餐廳既service?!而當時間去到大約9點45分，餐廳經理問我地如果唔添食物佢地會開始收檔，而呢一問就搞到我地著晒火，因為係佢問之前10分鐘其實佢地已經收緊檔，咁你都收緊檔仲問我地做乜呢??!!最後，整體而言，由食物質素到服務都唔似係一間4星酒店既餐廳，當中食物安排問題非常大，我地食第二輪既就好似係食緊第一輪賣唔晒既餸尾，有剩就有得食，冇剩就睇下下次有冇得食?唔通我地冇俾錢?!分二輪入座點解食物只得一輪? 所有賣點食物冇一樣有賣點，牛扒有根、片皮鴨想食都冇得食，龍蝦麵包蟹長腳蟹真係水煮完全冇味，鵝掌鮑魚應該求其一間酒樓都好食過佢。服務方面我等果10分鐘應該都冇乜酒店或者自助餐廳可以俾到咁"好"既體驗俾我，真係多謝晒呀!
繼續閱讀
约朋友聚聚，歎只星期六及日的花漾下午茶，由1點到5點，可以座足4個鐘， 舒舒服服傾過飽 ，食物補充算夠快，有風乾火腿哈蜜瓜,凍肉拼盤,凍蝦沙律杯,春卷,香草磨菇,法式洋蔥撻,火腿沙律小牛角包,两款冷麵,生果,各款小蛋糕有十多樣種類,有即場制珍珠奶茶班㦸及窩夫,茶、咖啡自取。
繼續閱讀