浪人日本料理 (已結業)

最近工作忙，一放假就想對自己好d，我話想食日本野，老公二話不說就去睇下邊間食日本野好，就搵到呢間高質日本菜原本想黎食個豐富少少既lunch， 但book枱時，職員話啱啱有新推出既Brunch，聽落都幾吸引我地book左12點，準時去到係第一枱客人座位闊落，我地兩個人都可以坐四人枱，侍應馬上幫我地倒茶brunch 其實係semi buffet黎，包主菜，甜品，飲品，其餘就任食眼前就係u型bar枱，擺放左魚生刺身炸物等，真係好多野食，bar枱中央有幾位師傅坐陣我地首先叫飲品，除左一般汽水橙汁後外，估唔到都有養生飲品，例如黑糖薑茶我都要左杯薑茶，老公要橙汁橙汁雖然無乜特別，不過都幾解渴而黑糖薑茶做得好好，見到顏色深啡，應該落足料，未飲已經聞到超濃既辣薑味，杯中亦有唔少薑碎，甜度亦無我想像中既黑糖咁甜，總結係好好飲我地跟住就可以出去拎野食刺身款式雖然唔算好多，有三文魚，立魚，帆立貝，甜蝦，但每款味道鮮甜無雪味帆立貝係原粒上，整粒帆立貝放入口，令我感覺興奮及份外奢侈油甘魚刺身，放上三文魚籽點綴，雖然加左醬汁，但依然食到油甘魚既鮮味炸物類，有薯角，雜菜蛋餅，日式炸雞，我地試左炸雞同蛋餅炸雞脆得黎雞

成日去M88食野時都見到呢間日本浪人日本料理既招牌，一路都無機會試，今晚終於決定去食下。去到餐廳時只系6點幾，好似得一枱客。Menu唔算多選擇，不過無所謂，通常第一次試日本餐廳我都系會試刺身，我覺得作為一間日本餐廳，刺身系絕對唔可以差！Menu上除左散叫既刺身同壽司之外，仲有幾款唔同價錢既刺身拼盤(HK$288，HK$488，HK$888)。我唔知揀邊樣，跟住waiter話另外有一個刺身拼盤(HK$688)系全部飛機貨，大約有20件。因為Menu上既拼盤唔系全部飛機貨，所以我決定叫呢個，不過完全唔知有d乜，要等廚師發板。Sake覺得呢度既sake價錢好似比較貴，markup有d高，可能因為系中環。所以叫左支平平地既八海山，300ml HK$328。刺身拼盤睇個樣普普通通咋wor，有日本海膽，吞拿魚，拖羅，池魚薄切，日本池魚王，平貝，牡丹蝦，劍魚，三文魚。即刻試下個日本海膽先，鮮甜，好味wor！平貝都好爽好味。其他既都ok，不過就無話好特別lor，吞拿魚我就不嬲唔鐘意食，所以... 另外就系我嫌d拖羅唔夠肥。炸梅子紫蘇飯糰配鏗魚茶漬湯同平時既炸飯糰唔同，有埋個湯一齊，幾得意。飯糰炸得幾好

表弟愛於街外用膳，經常出入中、上、西環區，故家庭聚會中，大家都總會講飲講食 。早一個週末飲茶時，唔多識睇中文o既佢就推介中環一家叫「Ronin」o既日本餐廳，眼見OpenRice上三間「Ronin」中只有一間喺中環，所以就大擔斷定佢所指o既就係新開o既「浪人日本料理」，週四立即約會honey去食魚生。（後尾先知表弟個人地圖中，上環等同中環 ，亦即小肥會錯意！）剛於月初正式啓業o既「浪人」位於中環蘭桂坊口一幢大廈六樓，交通好方便，不過樓上樓下都有日本餐廳，似乎浪人極愛挑戰喎 。店子升降機門前一角有個鮮花噴水池陣 ，唔知係咪睇過風水呢？！接待處旁有個高櫈候座處。餐店並無花巧o既裝潢，除咗架上可見有清酒玻璃瓶及零星小擺設之外，中央就只有一個鮮黃色o既四方形大壽司吧。散座全為合拼式o既四方木枱櫈，隔得都幾開吓，簡潔鮮明，感覺都幾開揚闊落舒適。當開始人多o既時候，細心有禮o既哥哥仔自動拉下食客身後o既布簾 ，增加私人度o既同時，亦成功減低室內雜聲，有意思。據悉，食店開業未到兩星期，晚市餐牌其實仍在製作中，除咗未翻譯成英文之外，刺身壽司類都未有印落臨時餐牌上，不過經理姐姐話必定會盡量滿足