倫哥尚品火鍋私房菜 (已結業)

考完試，同班fd去慶祝，我聽朋友介紹倫哥好正，所以都想試下好耐。認真，有啲失望。雞煲個雞煲係唔錯嘅，任選辣度，我哋揀咗唔辣。啲雞幾滑幾好味，係好入味個隻，絕對屬於雞煲界嘅中上之選。值得一提嘅係，依度嘅雞煲唔會用嚟打邊爐，打邊爐個煲會分開上，依點係非常之值得一讚。喺食完雞煲後，中間有唔同嘅小食，例如鮑魚，雲耳，牛肚絲，燉湯等等，絕無冷場。然之後就係刺身啦。刺身唔可以話係最高級嗰隻，但係唔差。有好多種類，帶子同埋蝦都幾好味。到打邊爐啦，已到開始有啲失色。個海鮮拼盤望落去係好靚，但食落去味道好似爭咁啲，可能因為之前已經飽飽地唔係咁肚餓。但個生蠔幾好味。牛肉都係望落去幾靚，但食落去冇乜太特別。總結：每人$356，員工手腳幾快，食物多樣化，唯恐打邊爐各方面失色左。

最記得好幾年嗰陣時初初開張，食呢一間倫哥火鍋店，真是非常之難訂枱嘅。要多個月前訂！但係經過幾年嘅時間，而家已經多咗好多間新分店啊，相比起當年已經容易啲訂枱！今晚去到呢一間，同以前嘅食物份量都差唔多，冇乜點變。但係呢一間分店呢，嗰個清潔到啊⋯⋯就略為欠奉，尤其是洗手間好嚇人。大廳的地板「癡癡粒粒」很邋遢！相信人手不足，員工忙過不停！食物整體新鮮，而部分火鍋物不是全部任食，但飲品無限任飲丶唯一同朋友食生日蛋糕時🎂最令人驚喜😱全場播晒生日歌！😅

成日都會聽人講倫哥倫哥，所以今次就同屋企人黎食呢間咁多人講嘅倫哥私房菜喇。一個價錢可以任食雞煲，之後再轉打邊爐，聽落好似好普通啦，不過事實係佢會不斷上菜，係唔會食得晒。一開始就會拎左個四人份嘅刺身，有三文魚、帶子、大蝦、北極貝同埋另一種魚（唔知叫咩魚）樣樣都好新鮮好鮮甜，特別係嗰一款唔知咩魚，鮮甜魚味重但唔醒，覺得超級好食。不過刺身冇得任食，開開你個胃口得你食慾大增先。之後就揀雞煲辣度,有大中小辣揀。我地一開始叫左個小辣試下先。雞煲係要每隔2分鐘搞下佢,一其搞4次8分鐘到就會食得。職員間唔中會過黎幫手搞下。一鍋4人食，其實都好大，好多肉，雞肉都算嫩滑，唔會話好多都係骨冇肉，不過個人覺得小辣味道唔多濃，比較淡味。其實食完呢個雞煲已經飽左一半，想轉打邊爐，不過因為轉左打邊爐就唔可以再叫雞煲，所以我地再叫多個中辣雞煲，叫佢唔好比咁多唔想浪費，不過到上煲時一開都係咁大煲，不過今次中辣就夠香夠濃，比小辣好食好多喇。 有每次個蟹煲都會跟一碟魷魚、豬皮、蘿蔔同埋牛柏葉，等你食到一半嘅時候加埋入去煮，呢幾種食材加埋雞汁嘅味道真係好好味。其實想番叫呢碟小食，但係唔好意思問。😅食雞煲中途佢都有再上食物，有

倫哥的私房菜一直想試，上次因為朋友臨時改地點，錯過了。這次老公到來指明想食雞煲，當然要好好安排。倫哥採取電話預約訂座，早一星期預定，原本想去元朗分店但已滿座，只好轉到尖沙咀新分店。前菜一：有涼伴木耳及豆角，微辣挺惹味前菜二：刺身拼盤 有帶子，三文魚，甜蝦同鱲魚，新鮮好味前菜三：罐頭鮑仔，一般前菜四：粉絲清蒸象拔蚌仔，象拔蚌仔無沙新鮮，清蒸火喉適中唔怕韌主菜：倫哥雞煲，要配合三次焗煮開蓋炒，約10分鐘先食得。雞肉嫩滑入味，香辣口味麻辣唔重，味精唔算多吃完都唔會係咁飲水，惹味好吃食到咁上下，可放入後加配料魷魚及牛栢葉，以吸收雞煲汁後食，但味道一般因爲時間唔夠，其實入唔到味食完雞煲就轉火鍋，湯底選擇有艇家蟹鍋/波士頓龍蝦鍋（每鍋需另加$30）/鮮茄薯仔湯/芫茜皮蛋湯雞煲味濃，所以我們點選清淡的鮮茄薯仔湯底火鍋料有：海鮮盤（象拔蚌仔、海蝦、龍躉片、脆鯇魚、魷魚、刀貝、鑽石蜆）牛頸脊 五花豬肉 ，點滾都唔怕韌同鞋口1.倫嫂打雙滑- 蝦滑彈牙，墨魚滑嫩滑鮮味2.阿媽雲吞水餃 - 一般3.低鹽少油響鈴及魚皮- 鮮炸出品，香脆可口唔油膩4.田園有機蔬菜 -一般5. 魚蛋 魚丸- 一般6. 甜品 - 燕