日悅極尚日式放題 (已結業)

今次第一次食呢間放題店，特別嘅地方就係環境寬敞，而且都幾貼心，例如有專畀小朋友玩嘅區域。餐廳位於尖東麼地道，位於二樓，平日嚟到，啱啱有位。刺身 (⭐⭐⭐⭐💢)刺身嘅款式都唔少。我哋點咗三文魚、甜蝦、泰式生蝦、帶子等等。刺身體積肥大，食落鮮甜新鮮，係放題嘅重點。薄切牛肉 (⭐⭐⭐⭐⭐)薄切牛肉由於薄身，所以食落非常有咬感，一啲都唔煙韌，幾乎入口即溶，而且份量都唔少。芝麻雞翼 (⭐⭐⭐⭐⭐)另一款推介就係芝麻雞翼，肉質都幾鮮美，有啲汁流出嚟，再加埋芝麻，一共都食咗幾多件。壽司 (⭐⭐⭐⭐⭐)推介鵝肝帶子壽司，鵝肝細細粒，不過帶子就好大件，一啖咬落後真係好正。另外仲有海膽軍艦，雖然我麻麻地海膽，但朋友話好正。雪糕甜品 (⭐⭐⭐⭐⭐)呢間嘢啲雪糕甜品款式非常多。甜品有馬豆糕、焦糖布丁、大菜糕、木糠蛋糕等。雪糕仲正，有名牌子，分別有雲呢拿、朱古力、士多啤梨同埋咖啡味。飲品款式都好多，除咗普通罐裝或者樽裝嘢飲之外，仲有酒精飲品。另外好餐廳仲有一個室溫飲料區，非常貼心。埋單三百蚊之內，同普通放題店差唔多價錢，但係寬敞同豐富食物，幾滿足。~~~~~~~~~~~~~~~~~~~~~~~~ 日悅極尚日式放

兩年無食過日式放題，終於等到機會啦🎉今次選擇左呢間價錢比較貴少少既放題價錢平日自選時間$278 加一，2.5小時食物方面比較少選擇：刺身、壽司、卷物、一品料理、燒物、炸物飲品非常多，有酒飲又唔使加錢，唔錯：啤酒，清酒，梅酒，汽水，果茶，熱飲之類先講講刺身質素先，始終係食放題重點整得黎講中上，刺身切得厚身，師傅刀功唔錯，也解凍得好好最驚喜係帶子，大大粒好鮮甜三文魚都好滑身又有鮮味，推薦其他食物黎講，火炙壽司同天婦羅一般，有d失望，反而炸蠔同帆立貝比較好，值得一試出而甜品區都係一般，都係食雪糕比較回本有MOVENPICK 同Haagen-Dazs, 幾重本唔少人都拿完一次又一次，呢個位幾欣賞最值得一讚係呢度服務ok

由5月開始就講：「快啲過11/6。」點解呢? 因為這日有重大的project要處理，所以5月時已book定今日與一班好拍檔大食一餐，以此獎勵自己。終於完成了……結果好不好都不想太諗，只想與好拍檔鬆一鬆。餐店開放式的門口，感覺好寬敞。正門口設有一塊色彩繽紛的美食祭巨型推廣板，好搶眼。內裏環境光猛，裝潢滿有和風色彩，最吸引我是那條有質感的魚兒，很美!地方寬敞闊落，中間是自助區，而前後均設有大大座的飲品凍櫃，取食物飲品都很方便。內裏設有多行座位，一排排梳化座配二至六人枱，另外還間了一區，適合大夥兒相聚，地方大，令人坐得很舒適。晚巿放題限時2小時30分鐘，分三個時段，我地揀了自選時段18:00-20:30 ($278+10%)。原來4人同行會加送優惠咭和活魚薄切一份，可惜我們只有3人，噢!******************************每次都必先揀飲品作好準備，凍櫃有不同的韓式飲品、汽水、紙包飲品等等，而自助區就有咖啡、朱古力、清酒、梅酒、果茶、花茶、山楂烏梅汁、蜂蜜雪梨、玄米茶、煎茶等等，還有熱湯和糖水，包括蟹肉昆布清湯、味噌湯、銀杏腐竹豬肚煲西施骨湯、圓肉紅棗杞子茶、海帶綠豆沙

某星期六突然想吃日式放題，想起尖沙咀有一間想試很久了，一於去大吃一頓。日悅極尚日式放題位於尖東半島中心二樓，地方寬敞，還設有兒童遊戲室。星期六晚上成人收費每位288元，限時150分鐘，不用吃得太急。飲品的選擇很多，雪櫃裡有常見的樽裝和罐裝飲品，其他選擇有常溫的紙包飲品、果茶、花茶、日式茶包、咖啡機的咖啡、奶茶和朱古力，以及熱水壺裡的西洋菜蜜和菊花薑蜜等，有選擇困難的朋友應該會覺得頭痛。除了寫紙仔點食物之外，日悅還設有自助區，提供沙律、水果和甜品等，其中有中式老火湯，窩夫喝了半碗蓮藕蠔豉雞腳煲西施骨，味道很好。第一輪刺身來了，北海道帶子、象拔蚌、紋甲魷魚、赤蝦、北寄貝、八爪魚、赤貝、油甘魚、三文魚和劍魚腩全部都很新鮮，而且切得厚身大件絕不吝嗇，象拔蚌比其他放題店大兩倍呢。點了四款軍艦壽司，分別是海膽、香蔥吞拿魚茸、蟹肉蟹膏和芥辣八爪魚，上桌時柴菜還是脆的，海膽夠新鮮，一點也不腥，要安歌！第二輪刺身沒有馬虎，依然乾冰點綴，油甘魚、三文魚和劍魚腩都很肥美，帶子鮮甜，魷魚厚厚地黏黏地，吃得十分滿足。吃過刺身和壽司，輪到熱食。芝士蟹粉焗帆立貝的蟹粉味不太突出，帆立貝不會太細隻。燒香草羊鞍的調味做

週日相約朋友一家係尖東食飯。聽朋友介紹有一間親子餐廳，大人有得食，小朋友又有得玩，一箭雙鵰。內部擺設充滿日本風轉個彎就有兒童遊樂室，有韆鞦、滑梯、翹翹板。可以俾小朋友係度放放電。呢度有放題同定食可以揀。我哋揀左定食，價錢相宜👍🏼👍🏼👍🏼前菜係刺身同埋沙律，味道尚可。牛肉壽喜燒，味道不俗，如果唔夠飽 仲可以添飯。啱曬d化骨龍。喜出望外的是呢個鰻魚飯，以呢個價錢出邊食都對鰻魚不抱太高期望，但呢度的質素可以比美一般居酒屋，講緊價錢係2倍以上。牛仔骨燒得幾惹味，但略嫌韌。最後送上一刻紫薯甜品，炸粉較多，所以都剩低左。總體來說，有得玩有得食的貼地親子餐廳唔多。這間可說是價廉物美，值得推介。

今曰同屋企人去左尖沙咀行街shopping，到左夜晚唔知食乜，一人一個意見，諗諗吓不如食放題，之前食過旺角間日悅極尚放題都覺得好唔錯，今次就近試尖沙咀。首先一入眼中間位置放滿晒野食，有新鮮海鮮，沙律吧，涼盤，甜品，湯水，2邊是座位，方便客人係中間攞野食，位置都好闊落，傾計都方便。食放題最緊要總類要多，樣樣野都要新鮮，我地叫左刺身，好新鮮，好鮮甜，同埋厚度適中，食多2轉刺身就值回本啦。熟野食方面都唔執輸，我地叫左好多炸野食，又唔會炸到干身，d嘢食都好入味，雖然唔可可以樣樣試，但試過都好味道。驚喜環節竟然店員通知大家排隊攞乳豬，師傅即場切，個皮都好脆，又香口，我地攞左2份嚟食。最後當然要食至愛的movenpick雪糕做為今餐的結束，好少放題有呢個雪糕，今晚真係驚喜連連，讚！

之前系旺角食過日悅極尚日式放題，種類又多食物又新鮮，見到尖沙咀有分店就再次去食，尖沙咀呢間店大旺角好多，座位又舒適，空間又大，食物種類又多，中間台上有些涼拌，小食，冷盆，甜品等。又有Movenpick和哈根大師雪糕🍦任食刺身種類好多有三文魚，甜蝦，希靈魚，榮螺，帶子，赤貝等。刺身全部好新鮮又冇雪藏味。花螺超級好味已encore好多次。清酒煮蜆蜆又大大隻又正，我地又不停encore湯又正。天婦羅蕃薯仔又好味，蝦🦐又正。壽司飯又軟熟。燒菠蘿又夠甜又多汁。Movenpick和哈根大師雪糕任食。

黃埔和尖沙咀是我往時流連的地方。每隔數月，這裡總有多多少少的轉變。回到故地走走，物非人非，教人感慨。我們無意中看到這間店，小小的店牌在白天毫不起眼，卻在漆黑中吸引了我們目光。走到餐廳門口，才知餐廳原來是這麼空曠，是我到過最大的餐廳。在寸金尺土的香港，又在滯滿遊客的尖沙咀，這裡是難得的舒適，更難得的是價錢沒有因這寬大的空間而變得高昂。首先看到的是刺身、冷盤和甜品，還未點正餐，我便急不及待到琳瑯滿目的食物區拿各式各樣的食物。迷你木糠布甸，雖與焦糖布甸只有兩字相隔，但這個布甸較像忌廉。我素來喜愛加入飲品的忌廉， 但作為甜品，還是焦糖布甸好吃。木糠量多，喜愛木糠的可一試。迷你焦糖布甸，在這迷你份量下，焦糖的比例顯得較多，適合我這個喜愛大量焦糖的人。這個布甸很軟滑，是眾多甜品中最好吃的。迷你蘋果牛乳杯是另一個好吃的甜品。蘋果的酸甜帶走過甜的味道，在較少甜的牛乳下突出其酸甜，令整道甜品頓時變得清新，是少見而做得好吃的甜品。尚有其它甜品，只說幾個我較喜歡的，其它的留待大家試。冷盤也有不少選擇，吃過大量甜品後，已吃不下這些。但要吃這個—胡麻豆腐，冰滑而開胃，便把這當成開胃菜。是次主要吃壽司，沙律非我選

位於半島中心2樓的日式放題，環境很寬鬆完全沒壓迫感！其實這裡還很適合一家大細來的，因為餐廳設有小朋友的玩樂空間！所以即使帶著小朋友去也不怕他們太悶而扭計喔！壽喜和刺身類的落單紙至少有5張～連熟食的選擇也不少，而且還有鹽燒牛舌（我的最愛）·除了下單的壽司和熟食外，還有沙律、甜品和前菜像是芝麻八爪魚、螺肉和墨魚仔等等⋯仙氣十足的自點刺身併盤我特別喜燒鮮蝦和帶子，好新鮮啊！簡直正到要一叫再叫6位以上還贈送活魚薄切一份喔魚生切到超薄片，入口即溶～鹽燒牛舌可以說是我所吃過所有放題店中燒得最好味的牛舌上圖：蒜片牛柳粒，多汁肉嫩下圖：薄牛片，牛肉味濃燒物類超級推介 — 芝麻雞翼，既香口又惹味限量供應也要不容錯過喔！職員會在限定時間用搖鈴來通知有限量食品推出今晚剛好是我喜歡的松葉蟹腳茶碗蒸和燒肉茶碗蒸的蒸蛋超～嫩～滑～*** 每人只可以拎一碟 ***甜品類也很窩心，有中式綠豆沙和西式蛋糕當然少了雪糕～而且還是MOVENPICK和Haagen Dazs 不過照顧得最全面的絕對是酒吧分別提供了清酒、梅酒等等⋯當然必須要年滿18歲才可以飲啦！

下午去完釣蝦，因為主要都是釣，只吃了幾隻蝦，所以已經很餓了！六時半前入座的價錢是比較優惠的，$258一位，任飲任食，連酒都是任飲的！*刺身刺身幾乎都試勻了，得出了一個結論：三文魚、油甘魚、帶子、甜蝦和大赤蝦都是比較新鮮的；三文魚質素比想像中好；油甘魚很濃魚脂味；帶子、甜蝦和大赤蝦都很鮮甜。松葉蟹腳都不錯，但煩在要拆殼。*鹽燒牛舌牛舌趁熱食，爽口！*芝士年糕+芝麻雞翼炸物我只食芝士年糕+芝麻雞翼。芝士年糕外脆內軟，而且很流心；芝麻雞翼炸得很透，吃完很有罪惡感，很多油。*和牛薄燒加了炸蒜炒，味道帶少少甜，是日本風的口味。*芝士鰻魚卷鰻魚燒得乾了一點，不太像鰻魚。*牛油果軟殼蟹一口SIZE的卷物，牛油果和軟殼蟹都是最佳配搭。*三文魚腩三文魚腩很濃油脂味。*鵝肝帶子帶子雖然細細粒，但都好鮮同爽口；配上少少油香的鵝肝，這個配搭不錯。*左口魚左口魚火炙過，入口即溶，大力推薦！*蝦蟹粥因為食得太多生冷的食物，有點寒，所以吃一小碗粥暖暖胃；粥煲得很軟綿，而且有海鮮的鮮甜。*甜品有其他一口的甜品，中式西式都有；但我還是吃回本貨哈根大師。

日.悅極尚日式放題以放題質素來說只算中規中舉，但以周末假期等黃金時段$298加一可以任食Haagen-Daz和Movenpick雪糕和任飲Ｈoegaarden啤酒，性價比仍算高。年三十晚中菜館例牌漲價，所以就跟家人來到日.悅食團年飯。＊＊＊＊＊＊＊＊＊＊＊＊日.悅店面非常寬敞，比不少放題食店容納更多食客，基本上walk-in都有位。日.悅的晚市放題限時2.5小時，不同時段收費各異，價錢由$258/人至$298/人不等，四人同行還可以享一人半價優惠和奉送活魚薄切一條付。雪櫃內有各式汽水、果汁、涼茶，連Lotte忌廉溝鮮奶和Hoegaarden都有。貼心位是另外提供沒有雪藏的飲料，啱晒開始著重保養的女士。咖啡機內亦備有多款不同咖啡。而最令我意外是有清酒、梅酒和水果茶任飲，因為比較少夜題食店有清酒梅酒任飲的。中湯和味噌湯都有。蓮子杏仁茶和黑糖蓮子紅棗茶夠滋補，啱晒冬天飲。食物方面，其實點菜紙本身已經有多款刺身、壽司、手卷、炸物、燒物和一品料理，至於涼伴小菜、沙律、海鮮、甜品和雪糕就可以在自助區拿取。雪糕是Haagen-Daz和Movenpick，當然要留肚食返幾杯。忌廉溝鮮奶除了最常見淺藍色

傳統幾間放題都已經食過, 今次就試試這間新放題。 個人覺得餐廳位置有點偏離鬧市, 附近都很少人流, 很寧靜。 餐廳環境很令人驚喜, 因為面積好大好寬敞, 所有通道都很寬闊, 有別於傳統放題店的格局, 這兒即使是二人檯也不會擠迫, 檯與檯間距離都好合適, 私隱度不錯! 食放題如此舒適實屬難得餐廳設自助區, 甜品, 前菜和飲品雪糕都可以自取。 甜品有曲奇, 紅豆糕, 芝麻糕, 馬荳糕和西式蛋糕, 款式不少, 除了紅豆糕和曲奇外, 其他味道都麻麻。前菜有芝麻八爪魚, 螺肉, 墨魚仔和泡菜等, 還有湯品, 整體味道一般, 建議主攻點菜紙的食物。刺身有三文魚, 希靈魚, 帶子, 八爪魚和北寄貝等, 質素不俗, 特別是三文魚, 厚切又新鮮, 味道很鮮! 而且每次柯打都能保持穩定質素, 不會有皮北寄貝很爽很鮮, 帶子亦同樣新鮮, 不過就略嫌不夠鮮甜。 但整體而言, 刺身有一定水準!壽司卷物款式很多, 基本的花之戀, 三文魚, 鰻魚, 帶子, 火脊蟹棒, 炸蝦卷, 牛油果軟殼蟹卷和海膽等基本款式都有, 而仿間的創作壽司, 這兒幾乎沒有, 雖少了噱頭, 但卻多了一份穩定水準。它的壽司飯絕不馬虎, 無論飯