炑八韓烤 (瓊華中心)

營業中

休息中

炑八燒烤，旺角店，都算幾出名既韓燒店🇰🇷裝修完全係新派韓燒店咁，闊落舒服，有做放題餐當然唔好錯過😌匠心燒肉放題都已經好多選擇，仲有好多韓食揀先食韓國菜式，前菜都好多款，海帶同蘿蔔都幾好味，大醬湯香濃，飲落幾舒服，甜辣味炸雞，大大舊雞肉都好嫩滑😎迷你烤牛肉蓋飯，牛肉烤得幾好味，配珍珠米食正👍🏻辣炒芝士年糕拉麵，辣辣甜甜幾唔錯，唔太大碗啱晒，水冷麵非常彈牙，夠凍好refreshing🤩燒肉時間🍖韓牛五花必食，油脂好夠，又香又好味，梨汁牛扒緊隨其後，厚身又腍又有牛味，正😋韓牛外群肉厚身，夠肉汁，最啱夾生菜食👍🏻牛舌薄薄地但牛味都好濃，韓國梅花肉薄切，油花好多燒到好香，生菜包之選🐷梨汁雞肉驚喜，嫩滑又有焦香，生蠔都係必點！又鮮又蒜，好味🤤燒肉時配埋朝日有氣果酒ASAHI SOUR，清爽鮮檸同紅石榴，唔甜但好爽，果味易入口🍻任食韓燒就係爽，食材、韓食又高質，做⼀晚食肉獸👻

好耐無食過韓燒,另一半就帶我嚟瓊華呢間炑八🔥~以前最怕啲韓燒店勁大油煙味,但呢度幾乾淨,又唔會成場都係煙👍~先嚟叫咗個醬油蝦🦐~啲生蝦用醬油醃咗好鮮甜,配埋紫菜白飯就最啱🍚~嚟燒肉當然唔少得叫返啲肉類,呢個特級牛肋骨勁大份🐮!佢將成大塊肉切薄咗,鋪出嚟長到可以圍爐一圈😍~牛肉味好香,點點醬汁已經好好味~另一樣我鍾意食嘅係厚切五花腩🐷~啲肥肉燒到出晒油,所以食落口就唔會覺得太油膩~我鍾意點少少鹽🧂,再包生菜食🥬~另外仲有個韓式豬皮🐖~又係燒到佢啲油出晒嚟,脆脆地,點埋好香嘅炒芝麻一齊食~佢嘅半隻炸雞真係好夠份量🐔,兩個人食晒真係飽咗7成😂~佢嘅醬汁酸酸地好惹味,而啲炸雞又無俾醬汁整到淋晒~我最期待係呢個夾心棉花糖配朱古力餅🤩!喺個爐上面燒到棉花糖變軟同略帶金黃🍢~然後夾埋朱古力餅一齊食,勁邪惡又好味😋~食韓燒,當然要好似韓劇咁點返個馬格利生米酒🍶~第一次用碗咁樣飲,感覺真係好豪氣😂~除咗點嘅呢啲嘢食,佢仲會送好幾款前菜,例如泡菜,芽菜等等,全部任添🍽~而爐邊有芝士可以點,又有爐邊蛋可以食🍳,全部都可以任食,正👍!

收工約人出黎食飯，想食下韓燒，咁喺旺角瓊華睇睇，見到呢間睇餐牌都 幾吸引，又唔洗等位，就入去食超大條既牛肋骨，仲加多隻大蝦，仲有冬菇、南瓜片同生菜。蝦又大又新鮮，牛肋骨醃得幾入味，有肉香。😋😋韓牛前胸肉肉質幾好，煎到半熟剪細塊，再點啲海鹽，口感一流👍👍韓式豬皮配炒芝麻 ，燒一燒就食得，皮本身帶甜味小心好易燒燶，燒完口感彈牙軟綿，好有骨膠原feel🤣🤣，唔似平時食嗰啲燒肉脆皮面。厚切五花腩，大大條超正 😍😍燒到外面金黃色 好似燒肉皮咁卜卜脆，之後店員特登走埋黎幫手剪開一片片，五花腩肉質肉味濃郁，建議可以包生菜加泡菜、加埋粟米芝士一齊食仲正👍👍海鮮煎蔥餅，好x大塊薄身煎到卜卜脆，有好多蔥，紅椒同海鮮粒，點埋秘製醬汁，好惹味👍👍蒜蓉金針菇好大舊牛油，成盤放上爐燒，牛油溶左，啲味真係香噴噴😍😍推薦👍👍又叫左杯藍天使梳打同薄荷梳打，杯野顏色好靚，藍天使甜甜地好開胃。薄荷梳打有浸淡薄荷味，好岩我餵口。仲有，佢地粟米芝士，爐邊蛋，同埋啲前菜，都係無限任食，食得7788，好快就有人埋黎fill返，唔錯👍👍👍

天寒地凍最啱就係食燒烤，見好耐冇黎炑八，又同朋友黎食。旺角分店係第一次黎，座位一貫闊落舒服。落完單，侍應就先上前菜， 沙律、 生菜同爐邊蛋，除左沙律之外，全部都係可以免費追。爐邊蛋雖然加左泡菜，但只係吊下味唔會辣，另一邊係芝士粟米，兩款都好食，我地encore左兩次。前菜方面，我就最鍾意海帶，清清涼涼食得太多肉食啲海帶冇咁滯。荔枝梳打 & 菠蘿梳打($38) – 梳打夠大杯，荔枝同菠蘿味都好出，入面仲有大大粒荔枝同菠蘿。芝士炸雞($158/半份)  - 炸雞有得揀有骨同無骨，我地揀左無骨方便食。芝士炸雞用鐵鑊上，上枱時仲係熱辣辣，芝士有拉絲，炸雞亦唔會太乾，不過就要盡快食，否則凍左芝士會變硬。原味牛舌($138) – 牛舌雖然唔係厚切，不過食落都幾彈口，燒到七成熟仲keep倒嫩口啱啱好。韓式豬皮配炒芝麻($78) – 燒豬皮係全晚其中一樣最愛，佢本身已經醃得入味，燒完嘅豬皮軟腍得黎帶少少咬口，好好食。特級牛肋骨($288) – 牛肋骨好大份，仲長過我隻前臂，肥瘦適中又冇筋，燒到七成熟，口感嫩腍幾好食。牛肋骨下面仲有大蝦、冬菇、南瓜。厚切五花腩($138) – 五花腩脂肪同肉梅花間竹，目

當日食飯約得好急，又happy Friday,好彩都book到位，19:15入到店坐低，都依然眾有吉枱，個刻就諗會唔會野食麻麻呢…點左一份海鮮與五花肉套餐，追加半份豬手，單點半份醬油蒜頭炸雞和4杯野飲。前菜既泡菜味一般，唔酸唔辣，只帶甜味🤔套餐既肉有整豬、牛、雞，肉味肉質都無好特別，海鮮有蝦、八爪魚，當中八爪魚夠新鮮燒完都好彈牙煎泡菜餅較失色，只食到啖啖麵粉，無泡菜味，而且個汁甜甜地唔係好夾全晚最想食既豬手都很普通，豬皮還好都爽口，但肉質毫不軟糯煙韌。韓燒店但炸雞反而最出色，可以選擇有/無骨，汁醬唔會過濃搶左雞肉既肉香，而且肉質Juicy。數款飲品（有啲無影到）顏值不錯，但飲落太淡無咩味，$48一杯，性價比差。總括，食品飲品一般，但有數位員工服務態度值得一讚，良好態度多次協助加配菜，有禮送客。

靠海的釜山是韓國第二大城市，盛產海鮮，留港的日子也可以味覺出遊，同時品嚐韓牛燒肉和釜山海產。餐廳面積寬敞，抽風系統做到足，不會燒到煙霧瀰漫。今次就點了期間限定的釜山海之旅行套餐 $698，份量足夠2人享用。吃韓國菜，當然少不了一碟碟韓式前菜，令人胃口大開，除了麻醬沙律之外，小碟前菜可以隨意添加。麻醬沙律新鮮爽脆，健康又開胃。套餐份量超澎湃，肯定可滿足各食肉獸。烤爐外圍特別設計的凹槽，總有芝士粟米與爐邊蛋常伴烤肉左右。放上泡菜粒後，緩緩倒入蛋漿慢烤，爐邊蛋入口特別柔軟嫩滑。另一邊則是邪惡的拉絲芝士粟米，與爐邊蛋一樣可以無限添加。燒肉拼盤包括韓牛前胸肉、霜降牛小排、蔥蒜牛五花、和牛肩肉、牛舌、韓國辣椒和大啡菇。韓牛前胸肉色澤嫩紅，脂肪分佈較多，滿口瀰漫著牛脂香氣。霜降牛小排油花細緻，肉質鬆軟，肉味濃郁有層次。拌以清爽可口的生菜，可以中和肉食的膩感。套餐還包括了釜山直送的兩大海鮮 - 八爪魚和鰻魚，原隻八爪魚超巨型，霸氣盡現。將八爪魚觸鬚燒至金黃，口感爽彈富有膠質，加上經過特製韓式辣汁醃製，辣勁十足。釜山鰻魚肉質結實不軟爛，帶有魚油甘香。凡惠顧釜山海鮮套餐，還可追加半隻傳統韓國豬手 $115

新年套餐有兩款，今次就食好少少，試吓658嘅HANWOO HERE套餐！套餐份量十分之多，兩個人食一定夠飽。▫️前菜、爐邊蛋同埋芝士粟米都係無限添加。▫️個擺盤好得意，牛肉放嘅位置係同部位匹配㗎。▫️大蔥牛脷 - 牛脷十分好味，連埋啲蔥一齊食，絕對冇膻味。正呀！▫️韓牛前胸肉 - 呢個位置口感比較實在，牛味比較重，唔錯。▫️醬油霜降牛小排 - 牛之中最鍾意食呢個，油花比較多，加上肉質比較軟身，鮮嫩又多汁。正呀！▫️厚切黑毛和牛 - 油脂都幾多，食落一啲都唔會韌，唔錯！▫️墨魚 - 都幾厚切，可能我哋燒得唔好，有啲韌，比較難嚼。▫️鰻魚 - 都幾大條，燒起上嚟有啲難度，有皮嗰邊比較容易焦。肉質彈牙，如果有鰻魚汁就一流啦。▫️韓式豬手 - 鍾意食呢個，有少少肥，食落口感一流又有骨膠原，用生菜包住蒜片、大醬食，一流！

自從無左晚市堂食食就好耐無食燒肉啦，今日突發其想去左炑八到食呢個新年CHEER UP!2021 套餐。我地兩個人簡左$488果個套餐，其中包括有特級牛肋骨、雞爽肉、秘製韓豬五花、貝身肉、大紅蝦、梅花肉同大八爪魚。套餐仲有半份韓式豬手，十分超值！前菜、爐邊蛋同芝士粟米都無無限任吃，中意芝士既我Encore左兩次🙊韓式豬手🐷豬手配有生菜同青瓜等配菜，夾住一齊食就無咁肥膩，豬手味道好濃，放落爐到燒一陣豬皮仲好脆好好味。特級牛肋骨🐮又長又厚既牛肋骨，有Waiter過黎幫手燒，剪開出黎有成十大塊，肉質鮮嫩、帶有油脂，口感岩岩好。大紅蝦🦐將3面快快燒完一圈，入口肉質彈牙，味道好鮮甜。貝身肉🐮第一次食貝身肉，原來係最接近腰脊既稀有部位，肉含有怡到好處既油脂，入口鮮甜豐富。秘製韓豬五花🐷五花腩勁大舊脂肪連住，皮彈肉爽，炸耐少少仲有脆卜卜既肥肉，好味。梅花肉🐷好大塊既豬扒，有好濃既豬肉味，肉質均勻分布，食落都唔會韌。雞爽肉🐥雞身上最爽脆既部位，食落香口又滋味。大八爪魚🐙超大隻八爪魚，加左醬汁味道更上一層樓。柚子梳打🍹 $48有柚子肉，份量同味道成正比，解渴。

天氣凍最啱食韓燒架喇 相對長嘅時間啱晒可以同朋友慢慢吹水～尤其在外食飯 食有骨嘅位置會尤其論盡 呢個Cheer Up! 2021嘅套餐幾符合到我鍾意方便又啖啖肉嘅要求～套餐包括咗特級牛肋骨、雞爽肉、韓式秘製醬油豬五花、貝身肉、大紅蝦、伊比利亞豬梅花肉、大八爪魚🐙入座嘅時候，店舖更貼心提供「口水肩」以免油濺喺客人嘅衣物上。店員亦會主動問客人是否需要口罩套。為客人介紹有咩食物可以無限任FILL～韓燒通煲爐邊都有芝士唔出奇，但係佢仲有個泡菜蛋非常好食！唔會太膩之餘，夾埋酸瓜，絕對令人胃口極佳！難怪不斷聽到有客人話要REFILL佢哋前菜嘅泡菜都好值得一讚！甜辣恰到好處令人食到停唔到口。去到最後好飽都仲REFILL 咗 每道餸菜都總會配上好多蔬菜，既可以令飲食更平衡，又可以清一清前一道菜嘅味道，令客人品嘗得更徹底。跟套餐贈送嘅豬手建議再燒一燒，加埋側邊唔起眼嘅蒜頭青椒，再用生菜包住嚟食會更刺激味蕾呢！大八爪魚要耐心燒耐啲～但又唔可以放得太耐～咁先可以感受到佢嘅柔軟同彈性可以先燒雞爽肉正常發揮～因為快熟又唔會失手～梅花肉勝在肉汁多，香味好吸引！至於韓式秘製醬油五花肉，本身非常惹味，千萬唔好再加其他

由於夜晚食泰國嘢，所以晏晝自己一個人去食韓國燒烤冇得去郊野公園燒嘢食，去食烤肉都唔錯，由於一個人食飯食乜都得又方便，而且一個人食燒烤都可以食得好開心，又唔使幫人燒，自私食好嘢首選其實之前黎過好多次，今次先至第一次寫食評，我覺得一人燒烤午餐其實係好抵食，而且歺聽冇限時，食得自在唔使好趕。佢本身爐邊蛋已經有，一個人食吾洗加芝士，因為我既經驗食到最後都飽到食吾落！講返啲牛先，佢午歺的牛基本上已經有醬汁，所以調味料可以吾用，但生菜同生蒜我覺得要配佢個韓式醬包埋啲牛食先至好食，仲要夾住泡菜，無敵正！ ❗️❗️重要可以吾洗加錢可以食完再攞❗️❗️❗️佢仲有下午茶歺，真心平，細食既人其實都幾OK架，不過我真係想食燒肉就無叫了

王者牛肋骨😍（$226）依個王者牛肋骨足足有25cm咁長，仲長過個爐！而且店員十分細心地將牛肋骨剪開小件，方便食用，肉質嫩滑，十分有口感，甜甜的，真係好好味！-霜降牛小排👍🏻（半份）（$98）霜降牛小排，油脂分佈好平均，十分Juicy❤️必食😋-牛胸肉😌（半份）（$70）依個牛胸肉食落都不錯，包埋生菜食，味道更加夾😃-韓式LA骨牛扒☺️（半份）（$78） 用了自家醬汁醃製，十分惹味，肉味濃郁😆-甜辣無骨炸雞😎（半隻）（$68）甜辣炸雞食落偏甜，食落唔太辣，啖啖肉真係好正，肉質嫩滑，份量都幾多😚-柚子檸檬梳打🍹（$36），藍天使梳打🍹（$36）依2杯梳打飲品都不錯，配埋燒肉都好夾，好Fresh😆-PS 可以任添前菜，包括有泡菜😆，蘿蔔，芽菜，生菜仲可以無限添加爐邊蛋和芝士😁而柚子沙律都十分開胃😎-

朋友話今日來個韓式午餐。沿住彌敦道往太子方向行，一路都係商業大廈，冇諗過會有間韓式餐廳係商業大廈嘅地牢。一落到去就好似去到另一個世界咁，可能中午時間仲未好多客人，環境都好寧靜。餐廳嘅裝修都好簡潔乾淨，每張枱都有燒烤爐。今次一行4人，就梗係乜都試吓啦。一坐低店員就俾咗幾點前菜俾我哋食，泡菜真係好好食，甜甜地又唔太辣，最重要係啲前菜係任食嘅。韓燒我哋叫咗黑毛豬餐同埋特級蒜蔥五花餐。我又叫咗人蔘雞湯同埋牛骨煲一齊share食。韓燒啲肉都幾靚，味道唔錯哦。個牛骨煲同人蔘湯都幾好味，料好足，如果五個人嚟，其實係4個餐都夠食!

星期日午餐冇食燒烤，叫左韓式午餐炑八前菜任refill 應該好多人知， 午餐都係任refill, 同晚餐都一樣。前菜韓式午餐都好多選擇今日叫左蛋包飯雞扒幾淋， 蛋包飯啲飯係前蕃茄飯平時最鍾意叫呢個 只係42蚊性價比好高另一個午餐就叫左牛肉韓式粉絲用鐵板上， keep 到熱， 同埋自己撈， 可以有啲炒既感覺。啲粉絲真係韓國粗少少個啲粉絲， 煙韌啲。跟餐加8蚊有特飲。叫左杯藍天使， 真係藍色既，味道冇乜特別另外一杯， 青檸梳打。