莆田 (PopCorn 2)

營業中

休息中

今次同friend去咗呢間話係新加坡50佳嘅莆田，平日見佢晚市幾貴，但係下午茶（兩點半開始食）都係大概$48(點心套餐) 或 $58(小聚套餐) 一位，免茶芥加一，當食lunch嘅話係呢區價錢可以接受，所以就試咗佢啦～朋友叫咗$58(小聚套餐)，有滷水自製豆腐，水晶豬蹄凍，興化炒米粉（推介）同清心雪耳糖水。滷水自製豆腐，味道正常嘅滷水豆腐，索晒啲滷水汁好香。水晶豬蹄凍，有啲似鎮江肴肉，豬蹄凍晶瑩剔透，放落口好軟滑，不過比較多豬皮，減肥人士注意吓喇清心雪耳糖水，幾香甜，仲有粒去咗核嘅小紅棗~興化炒米粉，全場最好食，好多配料例如蜆仔，蝦仁，花生仁，米粉好似絲咁幼，仲幼過平時食嘅銀絲米粉，又炒得唔油，有小小鹹香味，亦都係好夠份量。我叫咗$48(點心套餐)，有莆田糯米丸，古法蕃薯包，包菜飯同清心雪耳糖水。莆田糯米丸其實即係擂沙湯丸，甜而不膩。古法蕃薯包，外皮煙煙韌韌，裏面有啲蕃薯餡，覺得蕃薯包皮好食過唐記包點，兩個點心都令人食得好滿足。包菜飯其實即係有用到捲心菜同小小蝦乾臘味炒嘅飯，唔算好多配料，但係用豉油炒得好惹味，啲菜又夠fresh中和到炒飯嘅油膩感，而且份量夠多。埋單免加一茶芥，不過就有

今年，家人選擇在午餐時段做冬，最後決定試試這家得奬的新加坡餐廳。繁忙時間，職員在入座前，已經表示用餐時間是90分鐘。就座後，大家選了二套二人午市套餐，包開胃菜，菊花茶，水，服務費。看來很化算。無奈午市客人較多，職員很忙碌。多次招手，持續廿分鐘，也没有職員來下單。下單都被拖累，又何以在90分鐘內完成午餐呢？我的母語廣東話：落單都DUM曬D時間啦！上得菜唻，仲邊可能係個半鐘內食曬呀！　套餐奉送的開胃菜先上：乾身紫菜，雲耳！　　滷水嫩豆腐 　醬汁不太鹹，淡味的滷水。但炸過的嫩豆腐，外表似豆卜多尐囉！蝦苗伴頭水紫菜  一份小食，跟開胃菜的雲耳份量相若，其實無需動用如此大的碟子。濕身紫菜的酸味，不似陳醋／烏醋，酸味反而似阿蔘果。傳統肉扁湯　　肉扁＝雲吞，雲吞細細粒，容易食。雲吞的湯底亦很鮮甜。大白菜燉軟豆腐  母親大人喜歡這個清淡小食。百秒黃花魚　黃花魚少骨，魚肉又滑，母親大人至愛。軟煎黃花魚　　黃花魚半煎炸後，加上啡色的勾芡！　不過煎炸後的魚肉肉質較結實，没有百秒黃花魚的細碎。閩香洋燒棒　　二條豬肋骨，下方以淮山墊底。豬肋骨肉質鬆軟，一篤即散，無需太多手力，即可起出豬肋骨。芋香棒　　香口炸物，

第一次去莆田，Popcorn 果一間食晚飯，因為米芝連的排頭，有點期望，結果係名不虛傳👍，沒有失望。一坐下來，即送上龍眼肉，每人一少碗，小朋友最喜歡❤️上菜速度屬世界級，好似即叫即上咁，同步齊驅。第一碟最快出現係上湯時疏，菜有啲疏少，皮蛋就多多，味道👌接著招牌菜興化米粉，米粉很幼，料又多，炒得很香口。有米粉也有飯，來個馳名的包菜飯，一定要熱食，菜連飯一同食，很爽口。不能凍食，否則很濕。另一亮點，九轉小腸，唔鍾意的都話好食，因為沒一般腸既內臓味。同時用🔥㷫著，食落冇咁油。再來傳統海蠟煎，非常大碟，都要即上即食，點辣醬更香囗。酥炒芋芯都不俗，皮很甜，已經很飽，原來不能跟上一碟一齊點。肚子難同時消化。莆田荔枝肉，一大塊荔枝肉伴著，跟其他菜比較，有點平凡了。最後來一碗豆腐湯，清甜，很足料，豆腐沉晒底。價錢唔算便宜，但可接受，食咁多嘢，一千留下。

假日突然想同老公食中餐，但又唔想飲茶，就去咗莆田。餐廳提供各式假日餐，全包，包括茗茶、小食及加一。我哋就叫咗二人B餐。有個熱鍋暖住d荀，非常精緻，又入味，夠晒熱藥膳味都幾重，但我鍾意飲完好溫暖，隻蝦都好新鮮。表皮好脆，其實食完都唔知係咩，但加上佢個特製醬汁，好味道！原個木桶上，好有氣勢，飯有口感。唯一餸比較少，不過整體好味。大家可以不妨試吓佢個秘製辣椒醬，同出面日常嘅辣椒醬有所不同，入口越食越辣，好正

成日食上海菜、廣東菜和泰國菜，想食其他亞洲菜，又唔想去個個商場食一樣的連鎖店餐廳，Putien係一個好選擇。而且餐廳環境裝修D唔錯，Menu有好多特色菜，前菜都好好味，今次試唔晒D菜，下次會再黎試其他的。呢個九轉粉腸係招牌菜，用個熱爐同上，好高大尚的感覺。食落幾得意，同我的 perception 有D出入，以為深色係濃味，原來都幾清淡。香酥鴨真心覺得好食，芋頭和鴨肉分比平均，炸得金黃香脆，不太油脷。菜包飯都幾好食，有D肉碎混合，好快食晒。滷麵都係招牌，湯底濃郁，配粗麵食，正!花鵰酒蒸蟶子，味道清淡而氛香，食材新鮮，酒味香醇。甜品試下個米粿，好chewy, 加左甜甜地嘅dressing, 配茶吃很清雅。雖然呢個蕃薯餅炸油了，但係入面個餡都幾好食，可以試下。