沙田18

營業中

休息中

六月的時候，本來已經想和家人人在這裏慶祝生日，但是訂座已經滿了，在看接下來的一個月都是爆滿的！所以今次在一個月之前已經訂位才訂到今晚的晚餐！這裏最出名的是北京填鴨及叉燒，所以今晚就試試吧！酒店餐廳一貫的坐得舒適，座位寬敞有空間感！不會太擠迫！天花樓底很高，沒有壓迫感！服務也是很細心很周到的！食物敏感和自拍家庭照他們也會照顧到你的需要！果然是凱悅的細心質素！先講北京填鴨，每一個部份的不同食法，他也會解釋得很清楚！例如胸皮點砂糖吃，胸肉和鴨腿肉都是用海鮮醬包的等等。 皮是入口即化的！而肉卻是有適量的油脂而肉汁很多，鮮嫩不會乾！連那片包填鴨的皮也是很薄，很細心地每一層都用牛油紙分開可以睇到做功和服務的細心！接住落嚟當然係要講佢最出名嘅叉燒啦！我哋今晚點了半肥瘦叉燒！入口即化，有適量的脂肪而不會太油膩！叉燒的豉油汁也是鹹甜適中！微溫嘅叉燒，簡直就係人間極品！再點了一個炒五秀素菜， 材料不是我們常見的蔬菜，很特別又很清新！值回票價的！酒店級小籠包做得好應該是基本吧！小籠包的皮是很薄的，內裏的湯也是有很多！但唯一需要改善的是包與包之間放得太貼了！很容易黐住就會弄穿！但是食味也是非常之好的 !最後叫

出名片皮鴨的中菜館，幾乎每枱都會訂。烤鴨即日烤，烤完即片，上枱時仍冒煙🔥鴨分三部分上，先有最脆的胸皮配沙糖就咁食特別香脆而且鴨油香濃。另外亦會片出胸肉同腿肉，傳統片皮鴨式配青瓜大蒜包住食。這裡除咗黃麵醬(味道近似海鮮醬)會提供蒜泥，加了全部包住食又好夾好好味，喜歡蒜的朋友會非常喜歡。鴨皮油脂豐富味道較香，鴨肉味肉就唔太突出。值得一讚是包皮非常薄又煙韌不易穿，很出色！東莞特色菜中生啫白鱔很不錯，白鱔入味山椒微辣加入大量香茅，與別不同好惹味。鹹蛋黃魚皮蝦球是邪惡之最，但真係超好食呢，鹹香十足魚皮極薄極香脆，蝦球新鮮彈牙。全晚最喜愛一定是焗美國珍寶蠔，熱鍋滾滾的上枱，珍寶蠔名不虛傳，超級大隻！超級肥美，好耐冇食過咁肥咁大隻蠔。邊位脆裡面肥美超正，醬汁有乾蔥缽酒超惹味，撈飯一流。

一直都好想試佢個片皮鴨，今次終於就到時間食一次喇~~~一早已經預約枱及片皮鴨，原來平日都幾FULL，差唔多兩星期前BOOK，不過冇限時間交枱，會食得舒服好多。我地今次叫左1食，份量都幾多，不過真係好脆，油香肉滑，兩個人食食下都覺得膩。職員教食鴨皮時只沾白沙糖，令到鴨皮更好味，雖然我平時都只係沾黃麵醬，今次真係新體會。另外鴨肉加大蒜、青瓜、再加上黃麵醬及蒜泥，真係另外一個食法，平時我都沒加蒜泥，我地食到要再添加。不過人數太少，試唔到多款其他食物，會有少少可惜。其中有個小插曲，原來本人已經預訂好的片皮鴨，只需等15分鐘就可以上菜。因為我地都見到需時70分鐘，所以一直沒有催餐廳。就連我地叫的東莞炒米粉都要一個半小時，昨晚的晚餐是會有點小失望，雖然餐廳都坐滿，但就不明為何，連米炒都要等咁耐。最後餐廳送上甜品，五糧液朱古力雪糕，第一啖很大代為賠償，但整餐晚飯也食得太趕了，破壞了少少心情。希望餐廳日後會有改善。因為我跟朋友都很喜歡吃，希望下次會有機會再試。

其實之前都食過好多次，服務每況越下☹️但今次嚟到，全程由一個叫Lam嘅職員為我哋打點一切，我又覺得好滿意喎！兩大一小，分咗兩張枱坐，中間用咗一塊隔板隔住，食嘢就好唔方便㗎喇，不過職員每次都好好，將所有食物分開相應分量放喺兩張枱，等我哋唔駛搬嚟搬去，所以你見相嘅份量係一半嚟㗎😉。斟茶又係，天龍軒都無咁密呀，佢一見我哋邊杯茶飲完就行過嚟幫手斟，真心要比個❤️❤️❤️佢呀！食物方面，我叫咗😋北京填鴨半隻：師傅分開咗三款肉嘅切法，淨皮、皮+肉、淨肉，後兩樣包起嚟其實好食，但無話出面食唔到，但佢塊皮真係好好食，無肥膏，脆到薯片咁，加埋糖食真係食到chop chop聲，我就好推介佢哋嘅鴨皮喇😋☺️黑椒牛肉酥：夠熱！內裏嘅肉好香，黑椒味重，值得試！🙂燒賣：肉同蝦比例大約一比一，唔突出，但唔係唔好食嘅。☺️帶子腸粉：帶子鮮甜同大隻，我個唔食嘢嘅女都食咗兩件😋馬拉糕：個人口味，我係好鍾意，因為佢將馬拉糕分咗幾層，中間加咗啲蛋黃同custard嘅醬落去，食落較甜，但有咬口，層次感重咗！🥶泰式珍珠奶茶雪糕：❎❎❎我好後悔俾我個女揀咗呢個，粒珍珠係好難食好難食好難食！其實佢嘅腐乳芝士蛋糕好好食，如果要叫甜品可以試下，芝士

不止一次聽過朋友盛讚沙田18的片皮鴨和甜點, 今日恰恰有機會, 就和朋友來到這裡一試晚餐, 圓心願也。即日打電話過來訂位也沒有問題, 但只能吃到五點半至七點半的首輪, 晚餐時間稍稍嫌早。只好安慰自己, 片皮鴨這種肥滋滋的美食, 還是這種時間吃, 感覺上比較健康吧?雖然餐廳的名字叫「沙田18」, 但其所在的酒店沙田凱悅酒店其實位處在東鐵大學站旁邊。有意到訪的人士就不要似筆者一般大頭蝦地搞錯了啦。來到餐廳的時候時間尚早, 雖然天氣不佳天色暗沉, 但一列的落地大玻璃還是把大量的天然光引入了餐廳之內, 感覺很是舒服。窗外就是中文大學的建築群散落在山上的景致, 高高低低的特別又漂亮。若是中大舊生, 更可能別有一番感觸呢。醃蘿蔔片與花生朋友未到, 先沏了壺普洱茶, 吃著小菜研究手上的菜單。洋洋灑灑的十數頁, 花樣之多實在叫我眼花繚亂難以取捨。慢慢一頁頁看下去, 不經不覺那碟醃蘿蔔片已經給我吃了大半。個人來說會喜歡更酸鮮開胃的蘿蔔片, 不過此間的出品無渣而清甜, 也是可口。切成長片狀貌甚似荀片, 真是有趣的樣子。麻醬拌新鮮菠菜主食點了不少的肉, 總要叫碟菜平衡一下。只是淥菜嫌悶, 炒菜又不見有新意,

PJ同家人耐唔耐都會去幫襯沙田18，每次都主打北京填鴨，因為其他小菜實屬一般。咁多年來，大大話話食過沙田18嘅北京填鴨10次，印象中只有兩次失準，其餘時間都保持到中上出品，水準算穩定。一有外國朋友或親戚來香港，我都會帶他們來這裡。我最怕肥膩，所以一般我都不吃皮的，唯獨這裡的北京填鴨皮我會食起碼3-4件，撈少少糖食就最正。北京填鴨肉是我的最愛，非常嫰，而且一啲脂肪都無，啱哂怕肥的我。這肉配蒜蓉夾薄餅食就最好，沙田18的薄餅亦有水準，夠軟、夠潤及帶有麵粉香味。So Nice! 不推介大家加$50喝北京填鴨湯，無特色，個人認為浪費金錢。阿P話鍾意食呢度啲麵，是正宗的煮法，麵身有彈性，湯底濃味。還記得數年前，weekend的沙田18一位難求，現在要book位是挺容易的。究竟是香港人貪新忘舊定係競爭大咗？PJ也不禁慨嘆，生意真的難做啊！

沙田18的北京填鴨果然做得很好，跟北京的有九成相似，是我們在本地吃過最好的一次！如果燒焦一點，會更香更吸引～以 $498 這價位，在酒店的中菜廳吃到一鴨三味，實在抵食！難怪經常滿座～這裡的甜品也做得不錯，看得出廚師所花的心思！其餘的菜色（前菜，包點，鍋貼，水餃，炒飯）則一般，略嫌有點貴。服務很好，侍應非常貼心～用恆生白金VISA埋單，有九折優惠～是日午餐折實＄15XX （10位），免了兩架車各三小時停車費。大家不是吃得很飽，但感到十分滿足！短期內會再來幫襯～