韓半島 (已結業)

韓半島位於尖沙咀H8一樓，開業不久，openrice評分竟然暫時冇喊，全部三十五個好評! 在充滿信心之下一試，果然冇失望~食物名堂非常特別，全部個名同食物真實名字冇關，似形容個食物嘅意境/賣相形態多D~ 🔸三光寺的燃燈節 (年糕＋魚糕串)🔸北漢山看雲海 (米酒湯煮蜆)🔸向著月兒唱羌羌水月㣣 (薯絲煎海鮮餅)三款食物都好好味~ 個人最喜歡既係個年糕＋魚糕串~ 年糕以粒粒丸子狀，個汁唔算辣，魚糕串亦好好食~ 不過餐廳較嘈，同埋有90分鐘限時，所以唔算係一個傾計好地方~ 不過可以經openrice網訂位，幾方便~環境氣氛： ★★★☆☆食物質素： ★★★★★服務態度： ★★★★☆

一知道有新的韓國菜, 又點走得出我五指山✋ 環境好寧靜, 裝修亦好別緻😊如果在小每勿島上搭橋=香煎西冷牛扒店員建議煎5成熟就足夠, 因為底板會一直熱住牛扒, 會愈黎愈熟! 3款醬汁分別係芥末蒜蓉、檸檬鹽同埋甜酸醬😋 牛扒煎得好平均, 口感好軟, 都冇煎燶. 旁邊焗過的蒜頭可以配上牛扒同醬汁一齊食, 蒜頭的口感有d似熟薯仔, 一齊食好夾🙋🙋北漢山看雲海=清酒硯湯最頂的配料係薄荷葉, 覺得加落硯湯味道怪怪. 硯湯本身偏咸, 但酒味淡淡帶出硯的鮮味, 硯的數量都意外地多, 大概有30粒🙆仙巖村的秋天=酸甜芝麻湯喬麥麵唔知係咪因為未完全解凍, 有d喬麥麵係痴埋一舊. 湯底似芝麻醬味道, 不過加左d檸檬酸既感覺, 好開胃!

週末既時候同三五知已去位置於尖沙嘴既韓半島，大家都講左好耐想食韓國野而韓半島呢家餐廳就主力食新派韓國菜。店內環境簡潔寬趟，無論係多人聚會或者兩人世界都適合。另一特色之處就係餐廳既菜名非常有創意，大部份菜名都會以韓國地點命名。智異生日出時分 – 呢道菜姐係生拌牛肉配自製甜黑醋及時疏，本人平時係極少食生牛肉他他或類似既菜式，主要都係怕生冷野，但係朋友既極力推薦下終於都試左。生拌牛肉非常新鮮，帶點牛肉既鮮甜味，上面再打隻雞蛋令到牛肉入口更軟滑。伴碟既有新鮮沙律菜淋上自製甜黑醋，食完啖啖肉後再食口沙律菜更可以中和返口感，呢道菜絕對係非常開胃消暑岩晒炎炎夏日。老姑壇繁花盛開 - 呢道菜係墨魚汁炒粉絲配蔬菜、香菇及海鮮。一個幾Fusion既配搭，墨魚汁出奇地夾韓式炒粉絲，食落味道既濃郁而且軟硬適中。配菜係比客人自己拌落去墨魚汁炒粉絲到，分別有羅白絲、蔬菜、香菇、蝦同埋生魷魚。入面我最喜歡個生魷魚，煙煙齦齦好有口感。醬缸臺下雪天 - 呢道菜係特製卡邦尼醬炒雪人年糕配自製聖女果，點解會叫雪人年糕係因為佢地既年糕唔係傳統形式既條狀而係每舊年糕都好似兩粒波波連埋一齊。雪人年糕食落都好煙齦，鐘意軟Q既朋友一

韓風未斷，皆因創意無限，今晚到的韓半島，又有新搞作，食物造型以韓國風景為靈感，確實美侖美奐，視覺味道同享受。H8 這座食廈已經來過多次，相約朋友就是方便，踏出電梯，已經到達，出奇的沒有甚麼裝潢，簡單得有點不講究，與在其 Facebook 上看到的漂亮食品完全不似同出一店，亦非如其他韓店般有色彩繽紛的漫畫佈置。唯一可觀的只有此燈箱，播放著吸引的韓國風景畫。現在光顧更有機會贏取機票。打開餐牌，先見到店主的迎賓介紹，西韓創意料理是主題，食品設計加進藝術元素，而店名Hanbando 包含了天丶地丶人及韓國的意思。餐牌圖文並茂，而且菜式造型真的美麗如畫，菜式皆以風景命名，也許需要多一分想像力才可以聯想得到。今晚，我們就要把風景畫吃進肚子裡，胃納也要去旅遊！北漢山看雲海菜名是一個很有詩意的名字，密麻白點的黑色碟子仿似我們在玩圖形混亂視覺的遊戲！黑底白點的夢幻亦正好配合萬變雲海的意境！那麼我們在那處看雲海呢？連殻海蜆層層疊疊如高山，山頂上的青菜如叢林，山下的蜆湯如大海，這個想必就是北漢山實景的形態，處於山頂看雲海，就是這樣無邊界！這個靚絕的造型，誰不被吸引至相機先食！不拍照的，亦應該欣賞一會才吃，免

曾經有一天經過H8 大廈時，店員都派過一些傳單，從傳單中得知H8大廈中有一間新開的韓國菜叫做「韓半島 Hanbando」，傳單上的相片，都擺設了好美麗賣相的菜式，看來都真是好吸引，今天特來訂枱食晚飯，順便與友人食便飯。 環境都好燈火通明，裝潢簡約又整潔。 餐牌的次序都好分明，圖文並茂列明中、英及韓文，也列明菜式中的食材，真是好清晰容易令客人更易了解，圖中的食物賣相真是好美，賣相好精緻細膩，每件菜式也好似藝術品，也配上美麗的菜式名字，大部份的名字也是來自韓國的地方環境，讓人已有暇想，更是讓人迷醉，仿彿身處韓國之中。 菜式分成有soup，salad ，noodle，rice，main course，pancake，tteok bokki及dessert，食物款式都不少。 先來頭盤點了一客北漢山看雲海($108)，採用了韓國米酒、檸檬及芝麻葉與貝殼蜆一同烹煮，先湯水呈乳白色，先飲一口湯水，已經有陣陣的米酒香，有點辣味又鮮甜，又來一口蜆肉，蜆肉都好飽滿爽口，少許辣，真是好惹味。 接下來是麵類，友人愛食蕎麥冷麵，她選擇了仙巖村的秋天($78)，冰涼的麵條浸在甜酸芝麻湯底中，店員好細心