養心殿台式養生鍋 (已結業)

今晚又同朋友去食台式養生鍋，其實我都隔左一段時間無食啦!第一次黎到佐敦呢間分店，餐廳座位都算多，跟其他分店一樣裝修都富有中國特色!我們6點半左右去到的時候未算很多人，8點已經座無虛席!而朋友今次係第一次食，所以就由她決定食咩湯底!因為我們二人下午都算食得飽，所以沒有點很多的火鍋配料已經覺得很飽了!Like他們的facebook及打卡便會送你無酒精飲品一杯。酸菜白肉及美人鍋($188)，價錢是計較高價錢的一個，差不多每次食台式火鍋都會點算酸菜白肉鍋，因為除了好醒胃，也是因為我特別喜歡食酸菜!這個鍋除了有酸菜及白肉，還有寬粉，寬粉跟紅薯粉差不多，只是像透明的河粉。寬粉吸收了湯底的精華，食起上黎煙煙韌韌，特別開胃。酸菜白肉鍋還會免費追加多一份酸菜白肉俾你，令你個湯可以keep住酸酸地!美人鍋除了有半隻烏雞外，還有不少補品在內，如淮山、紅棗、桃膠等。這次鍋入面還有大量桃膠，食落都覺得皮膚滑左!美人鍋湯底非常清甜，令人不斷添飲!餃子拼盤($118)，共有6款餃子，每款有2粒，當中鮮蝦雲吞及韭菜餃的味道不錯!前者鮮蝦好彈牙，後者韭菜味很出!梅菜豬肉丸(半份)($36)，食落感覺好似食緊梅菜蒸肉餅咁

每次去台灣都一樣會食無老鍋,台式火鍋真係於別不同,重點係湯底選擇多,有D仲要好養生!前排朋友話無人陪佢打邊爐,反正我又好耐無食台式火鍋,一於試下呢間睇下佢還原度高唔高先！首先佢個裝潢的確幾精緻，古色古香，佢最好係座位寬闊，兩人座位闊到可以作4個,檯底仲有個籃畀你放袋,都幾貼心酸菜白肉鍋　$128本身我都想叫鴛鴦鍋,但因為病病地,所以唔敢亂食野,見到酸菜白肉鍋裡面仲有寬面條(寬條面?),覺得幾抵就叫左呢個湯底,原來佢仲會免費追加酸菜白肉,淨係個湯底都已經好多野食,不過我想講佢D酸菜真係好厲害,落少少已經有好強烈酸菜味,咁都好嘅,D野食食落無咁油膩嘛極上雪花肥牛 $188打邊爐一定要牛肉~雪花肥牛係我最愛嘅牛肉,所以我地就叫左一碟,佢咁樣卷埋方便大家夾落去淥,後尾我先發現原來每卷係有2塊XDD 咁都幾好wor,唔使食完一塊等咁耐,雪花肥牛牛味好濃郁而且入口好快就溶於口中,脂肪唔算多,點少少醬汁食已經好好味~開頭以為佢好細碟,但食極都仲有,好厲害!千層凍豆腐 $48因為係凍豆腐,所以比較耐淥,放落去由佢浮沉一段時間,等佢索夠汁先撈上黎食,呢個時候舊豆腐依然好有咬口唔會散開!佢豆味都幾突出,不

好朋友生日食飯，愛食台式火鍋的她，今晚當然由她決定，先來美人鍋湯底，養顏又補身。湯底好足料，有全隻烏雞，杞子火腿和好多桃膠。桃膠話有豐富膠原蛋白，唔知真唔真。但湯一滾齊齊飲碗靚湯，桃膠口感似食雪耳爽爽地，既然話係養顏，當然食多幾次。隻烏雞好滑，好友話滾多陣變湯渣，鍾意食就立刻食。生日飯話要食好些，所以每人叫了一隻蟶子皇，好大隻⋯肉厚又甜，好新鮮呀火鍋當然唔少得靚牛肉，還點了千層凍豆腐。牛肉雪花又多又均勻，未食睇見就知係靚牛肉啦！而凍豆腐勁索汁，平時食痳辣火鍋就最入味。今次放補湯都唔錯，個湯底越滾就越甜，我足足飲了四碗湯，飽晒

人人都話要養生，我今日又要，嘻嘻... 前牌去旺角分店食過一次，真係好好味，由於太掛住喇，今日再嚟。佐敦分店地方都幾好大，我鐘意店內的設計，店員又好人又快手。上次試過美人鍋已經覺得好滋補湯又好味道，今次要試埋其他款式。寧神養心鍋：川弓白芷天麻魚頭，聽講這種配搭係好適合經常頭痛的我，湯底好重藥材的味道，又不苦澀，仲有烏雞一齊煲，D肉可以食埋，真係極佳。食火鍋又點少得叫多幾款美食呢，店舖推介的我當然要點啦！手切肥牛：好新鮮，牛肉味好重又好滑。手工丸拼盤：每款味道都有特色，但我自己始終最愛墨魚丸，鮮味又彈牙。另外，梅菜肉丸都好正，好似食緊梅菜肉餅。海鮮拼盤：蝦同帶子勁新鮮，仲好鮮甜，尤其係隻蝦還在跳，新鮮得過份，真係好少見。千層凍豆腐：滋味湯底又點少得吸湯高手，吸滿湯的豆腐味道好夾，真係未諗到有什麽能取代。