Lady M

營業中

休息中

話說今日早放工出完尖沙咀，諗住搭船去中環IFC Apple 整電話，但full booking，難得一場黎到又冇理由空手而回咁慘既！而LADY M就係正Apple隔離，唔係唔幫襯呀嘛！雖然當時就算堂食都有位，不過自己一個人就廢是咁慘自己一個人食啦所以我外賣拎走。其實我只係買左一件千層蛋糕，都比左個大紙袋比我裝住人地唔知以為我買晒成個返去咁我拎到返屋企即刻開黎食，放蛋糕個紙盒旁仲有一少包乾冰，以防蛋糕會溶。不過其實到我食時 d cream都已經有少少溶，果然都係堂食係最好味！

本身我對甜品和蛋糕都唔太喜好，不過諗住給另一半一個小驚喜，於是放工後特意來到此店買外賣回家和另一半嘆下。點知6點鬆D來到，只剩下一件栗子蛋糕和幾件千層蛋糕，心諗有無咁誇張呀。咁就唯有栗子蛋糕和千層蛋糕每樣一件吧。包裝內已附有小包乾冰，所以搭車回家個幾鐘都無問題。回到家，即刻打開先，包裝盒好精緻一個小蛋糕盒可裝兩件切餅，旁邊的小空格內附有乾冰千層蛋糕果然係招牌蛋糕， 芝士味重，一層層的蛋糕，每餐都沾滿芝士，唔太甜，亦唔太"漏", 味道恰到好處。栗子蛋糕我本身唔鐘意食栗子蛋糕，因無得揀之下先買。不過食過呢件栗子蛋糕，我忽然覺得栗子蛋糕好好食。栗子味好濃， 蛋糕好軟熟，cream不太甜，實在好好味，下次一定會再買。