風車

營業中

休息中

同fd係大圍覓食，見到呢間西餐廳，環境唔錯！入到去坐得舒服，唔會同隔離位好近！我地個日平日去，可以坐好耐，好岩同friend黎吹水食飯！我地最後嗌左風車早餐同日式照燒雞肉脆豬包，連埋沙律、餐湯同埋飲品，幾抵食🤤頭盤：沙律、南瓜湯沙律夠新鮮，特別係青瓜好爽口！沙律醬汁酸甜適中，夠開胃，加埋唔同蔬菜嘅組合幾夾，又有豐富嘅口感！好鐘意一開始食啲fresh嘅沙律一令個口帶住清新嘅口感去試其他野食～南瓜湯夠濃郁，南瓜嘅自然甜味足夠！湯嘅質地順滑，一入口即化👍🏻風車早餐🍽️呢個All day breakfast有牛角包、黑松露炒蛋、腸仔、三文魚、煙肉同沙律菜。我比較鐘意嘅係個牛角包，外脆內軟，入面仲有蘋果蓉，同牛角包幾夾，有驚喜🤤黑松露炒蛋都唔錯，炒得岩岩好，夠滑！最後係三文魚鮮嫩，令到成個All day 有更豐富嘅口感！日式照燒雞肉脆豬包🍔雞肉燒得恰到好處，肉質嫩滑多汁。加埋脆豬包嘅酥脆嘅口感，配合埋肉餡同照燒醬令到入口更加有層次！薯條都炸得夠香脆🤤荔枝梳打🍹呢杯梳打夠清新、解渴，而且開胃！荔枝嘅香甜同梳打嘅氣泡係prefect match👍🏻

星期六嘅下晝，陪屋企人去大圍睇牙醫，順便就喺附近睇吓有乜嘢好食，無意中就係距離大圍火車站大概三條街距離左右，見到呢一間西餐廳，見到餐牌都好似幾抵食， $60-$70就有一個lunch set，包晒前菜主菜同埋飲品，一於決定試吓啦！幾欣賞佢嘅就係，餐牌上邊有素食嘅選擇，可以切合唔同人嘅需要。我哋分別要咗一個卡邦尼意粉，同埋一個素菜千層麵，前菜就一個要沙律，一個要咗是日嘅餐湯，而今日就係南瓜湯。南瓜湯應該都落咗好多忌廉或者牛奶去煮，所以都幾香滑㗎，以呢個價錢來講，已經好OK。卡邦尼泊爾意粉就正常水準，份量都唔細，煙肉嘅份量都唔少。而素菜千層麵嘅份量就比較大，中間就冇平時食開嘅肉碎，主要由番茄醬同埋翠玉瓜做餡料，另外仲配有炸薯角個同埋蔬菜沙律，對素食者來講都係一個幾唔錯嘅選擇嚟㗎。飲品方便，就要左一杯熱嘅水果茶，另一杯就加錢要咗杯爆谷味咖啡，水果茶正正常常，咖啡就反而幾令人surprise，爆谷味同埋焦糖嘅甜味都幾重，冇諗過呢度都可以飲到呢一種味道嘅咖啡。餐廳細細地，座位唔算太多，但都算坐得闊落，如果去開大圍的話，都可以嚟呢度試吓嘅。

離大圍站遠少少既地方有一堆以'積'字開頭既街道，個堆內街入面都有好多唔同地方既美食。今日就行遠少少到大圍既邊邊，試左一間叫風車既西餐小店。沿積存街行到尾就會見到間餐廳，裝修同周圍既舖頭好唔同，好易就搵到。我地係午餐時段去食既，所以會包湯包飲品。我地就叫左凍檸水（不用加錢）同荔枝梳打（加$12)荔枝梳打：味道唔甜，仲有粒原粒好大既荔枝，所以飲落好有荔枝味南瓜湯：佢個南瓜湯完完全全係用南瓜打出黎，飲到啖啖南瓜蓉，絕對唔係溝水既👍不過如果creamy d就完美啦煙肉芝牛漢堡 （$76）：個包加左牛油去煎，攞到出黎軟綿綿熱辣辣，好香好好食。塊牛肉都唔錯，不過我略嫌淡左少少。不過有幾塊煙肉夾埋一齊又啱啱好喎煙三文魚包（$76）：煙三文魚唔會好鹹，而且好足料，係有d意外既😂 提一提，個薯角好好食！總結黎講，我呢餐食得好飽，以呢個價錢黎講係幾抵食既～～去開大圍又想食西餐既朋友可以考慮下

之前住在大圍舊樓，附近有唔少嘅食店，常常和家人在炎熱夏天落樓晚餐，免得煮到熱又成屋都熱氣。今次重遊大圍，依條街仍有十年前嘅唔少舊店，但新野都好多下。今試試下依間有唔少好評嘅餐廳先。依日我地去完郊遊，又熱又累。大約六點來到店休息一下及食晚餐。呢度個天花掛咗一盞大吊燈，好靚好華麗。以下係主要我地考慮嘅食品之餐牌：店員介紹後我地二人點左依幾款野食：呢個配搭唔錯，多士好脆，上面嘅蕃茄好清新，加上芝士味道好夾。通常喺度西餐廳我都會點凱撒沙律，比較有保證。今次上面嘅煙三文魚嘅鹹香味好濃，配蔬菜加上沙律醋，係一個好開胃嘅前菜。今次依餐食咗兩款多士，哈哈！依個蝦多士隻蝦好大隻，配上海膽味道都好夾。但可能之前食沙律你得太慢，如果依個蝦多士上菜嘅時候我哋即刻吃可能會更鬆脆！南瓜湯味道OK。如果多番少少牛油及忌廉，可能會更香濃細滑。主菜喇！我地點左石斑魚，總共有兩塊，好大份，肉質都好結實，魚的調味唔係好多，愛，外層都焗得好香脆，配合埋薯泥又或者其他配菜食好夾。今次晚餐令我最滿意嘅就係依份豬扒，好香口，厚肉而肉質好林，好滿足！

最近世界盃開波，想感受熱鬧氣氛就揀左間bar一路食飯一路睇波，因為比較早到，初時冇乜人流，之後就越來越多人入嚟一齊睇我同朋友叫左個二人餐，有齊一般西餐嘅沙律🥗、西湯、兩款主菜、甜品同飲品除左呢個二人餐，其實仲有其他晚餐或單點嘅美食，而且仲有好多款酒俾你揀一開始有兩塊麵包做前菜，雖然細細片，但配上蕃茄蓉同橄欖油，好開胃，而且麵包好脆跟住就到凱撒沙律🥗同南瓜🎃湯，味道正常，份量都算多，個人認為南瓜湯可以再濃味一點主菜出場喇，第一款係波士頓龍蝦意粉，有半隻煮得幾香嘅龍蝦，而且意粉配料包括露筍、洋蔥及蘑菇，味道配搭得唔錯，如果意粉可以加上少少香辣口味，相信會更惹味另一款主菜就係紐西蘭肉眼扒配焦糖菠蘿🍍，塊牛扒好似大過我塊面，食落有牛味，唔會好un，再加上一片焦糖菠蘿，酸酸甜甜好醒胃，可以減低食肉類嘅肥膩感覺，而且仲配上一堆薯角同雜菜，可以話係均衡飲食，食完夠晒滿足飲品我點左杯熱桃茶，我喜歡佢唔會太甜朋友就加錢叫左杯Peach Cosmo, 佢話味道似紅莓加酒最後就到甜品，雖然兩款甜品都細細舊，但可以一次過試到忌廉泡芙同朱古力蛋糕，朱古力味道濃郁，為今餐劃上美味嘅句號餐廳嘅服務幾好，員工有禮貌，