影片
更多
2021-01-24
2760 瀏覽
呢日去咗荔枝角搵朋友食晏，我哋想坐得舒服啲，所以佢帶咗我去億利工業中心嘅地舖「Pizza Piazza」。門面好似幾OK👌，就入去幫襯。餐廳環境唔錯，座位幾整齊，亦唔迫夾，牆身掛上唔少畫作裝飾🖼。午餐時間幾滿座，不過兩點後就輕鬆入得。店員指示我哋坐喺角落嘅位置，餐枱較大。午餐嘅選擇好多🍽，包括沙律、扒類、意粉、意大利飯以及手工薄餅等，價錢介乎$78至$138不等，要另收加一服務費。餐廳名叫Pizza Piazza，所以我就決定食Pizza啦！午餐包湯、主食同飲品。落單無耐，店員就為我哋送上餐湯。是日餐湯係南瓜湯🎃，味道剛好，唔鹹唔淡。煙三文魚瑞可達($138)，🍕佢係其中一款手工即焗薄餅，餅底微脆，9吋大一個人食夠哂飽。食物名稱嘅瑞可達係指芝士Ricotta Cheese🧀，佢比較少見用於薄餅。煙三文魚有六片，每塊餅各有一片，非常平均。其他配料仲有洋蔥絲、三色椒絲、酸豆(Caper)同羅勒葉🌿。龍蝦意大利飯($128)，🍚飯粒分明，有口感。個飯紅紅哋色，估計係茄汁，但意想唔到個汁原來都幾辣、又幾甘🌶。飯有唔少爽口嘅小龍蝦，亦令到個飯無咁單調。飲品方面，我揀咗熱檸茶，估唔到係連茶壺上🫖，
呢日去咗荔枝角搵朋友食晏，我哋想坐得舒服啲，所以佢帶咗我去億利工業中心嘅地舖「Pizza Piazza」。門面好似幾OK👌，就入去幫襯。
餐廳環境唔錯，座位幾整齊，亦唔迫夾，牆身掛上唔少畫作裝飾🖼。午餐時間幾滿座，不過兩點後就輕鬆入得。店員指示我哋坐喺角落嘅位置，餐枱較大。
午餐嘅選擇好多🍽，包括沙律、扒類、意粉、意大利飯以及手工薄餅等，價錢介乎$78至$138不等，要另收加一服務費。餐廳名叫Pizza Piazza，所以我就決定食Pizza啦！
午餐包湯、主食同飲品。落單無耐，店員就為我哋送上餐湯。是日餐湯係南瓜湯🎃，味道剛好，唔鹹唔淡。
煙三文魚瑞可達($138)，🍕佢係其中一款手工即焗薄餅，餅底微脆，9吋大一個人食夠哂飽。食物名稱嘅瑞可達係指芝士Ricotta Cheese🧀，佢比較少見用於薄餅。煙三文魚有六片，每塊餅各有一片，非常平均。其他配料仲有洋蔥絲、三色椒絲、酸豆(Caper)同羅勒葉🌿。
龍蝦意大利飯($128)，🍚飯粒分明，有口感。個飯紅紅哋色，估計係茄汁，但意想唔到個汁原來都幾辣、又幾甘🌶。飯有唔少爽口嘅小龍蝦，亦令到個飯無咁單調。
飲品方面，我揀咗熱檸茶，估唔到係連茶壺上🫖，所以可以斟到好多杯。不過檸檬份量就唔夠飲哂成壺🍋。朋友就要咗熱朱古力🍫，同樣唔使加錢。
總括嚟講，雖然呢餐唔係食咗好多嘢，不過一出門口就已經覺得飽。今次冇食到雞翼同甜品，睇下有冇機會再食先😬。
張貼
