有囍 (已結業)

近日潮濕又經常落雨，最好食返d香辣菜式，醒一醒胃。今晚同朋友去哩間食晚飯，主要係食星馬泰菜式，店舖內裝修簡潔，坐得得好寬敞。我哋揀嘢食時，侍應主動推介，本推介胡椒蟹，可惜朋友不愛食蟹，最後點咗胡椒大頭蝦。有囍水果茶 水果茶偏甜，連果肉一邊食一邊飲，正好清爽一下。柚子沙律 柚子肉汁飽滿，甜甜酸酸又帶有蝦子微香冬陰蝦湯 蝦頭有小小蝦膏，好有鮮味。冬陰功湯唔算大辣，非常醒胃。胡椒大頭蝦 蝦肉蝦膏鮮美，配上香辣胡椒汁十分惹味。不忘要食埋香葉及洋䓤，配合胡椒汁伴飯一流。平時通菜多數都係馬拉盞、椒絲炒，泰式鹹脆肉通菜，通菜吸收咗鹹肉嘅肉汁，係個唔錯嘅選擇。蕉葉燒海鱸，蕉葉及各香菜混合燒烤，魚肉香滑清新，愛吃香菜嘅我，每夾都配魚肉一齊食，有點點油膩盡消嘅感覺。完滿嘅一餐點能缺少甜品，南瓜露口感細滑，南瓜香味清潤。好好享受一餐清夾、清新、清潤嘅晚餐

母親節到啦！阿仔提早為我慶祝，特別揀選了一間位於太子既餐廳吃晚餐。在那裹除了新加坡美食，還有泰國美食;單看菜式都已經很吸引。 最特別是胡椒蟹、雞煲翅和麥皮蝦等等。 大家可選小炒或火鍋，湯底還有新加坡肉骨茶供應。二人套餐E($498）椰皇翅(2盅)單叫一個椰皇翅都要$138一位，現在套餐即可以一人一個認真化算。魚翅爽口彈牙，淡淡嘅椰香湯，味道非常配搭，真係用咗成個椰皇去燉！柚子沙律 份量十足，柚子鮮甜不覺苦;沙律食落酸酸甜甜 辣辣地，好惹味！ 是開胃的一個頭盤。泰式生蝦(四隻 )生蝦大隻肥美，肉質黏口，新鮮好味道，必食。炭燒紐西蘭羊架配薯角羊架燒得啱啱好肉質嫩滑，而且啲薯角係即叫即炸，拎出嚟嘅時候好熱好脆，很好食。泰式豬肉蝦醬炒飯每口飯都充滿蝦醬香，但不會太咸，味道好香，配上芒果絲和青檸汁一齊食，原來好好味。是日甜品(兩位)南瓜露好香椰奶味，又滑又綿;冰凉的感覺能中和味蕾一下，是唔錯的飯後甜品。青檸梳打凍柑桔蜜

豬先生豬小姐「有囍」呀！ 千其唔好誤會 係今晚食「有囍」baby blue招牌十分搶眼 位置方便易搵 正正係花園街對面餐廳應該新開無耐 環境乾淨寬敞 比人舒服和諧嘅感覺仲有幾隻怪獸仔出現係牆身 餐墊 好可愛今晚餓到一個點 嘜都想叫嘜都想食添炸蝦餅新鮮炸起熱辣辣 圓碌碌大大粒 係吸睛嘅金黃色一咬熱到出哂煙 蝦膠彈牙有嚼口 外層脆身但不油膩 出色！回味！馬拉盞通菜尚算惹味 蝦乾蝦米夠哂多 少少辣味加咸香 岩哂送飯喎 但堅係油泰式蝦炒金邊粉係豬小姐食星馬泰菜必點嘅 係酸甜開胃嘅澱粉質呀顏色較為淡色 令我有啲錯愕 坊間一般嘅都係橙甘甘好多蝦苗仔嘅面頭鋪滿哂好多草青味濃嘅生芽菜錯重點了哈哈)調味都係比較清 酸和甜度都不夠 加左青檸汁都係爭啲但係蝦球卻很有彈性好爽口 整體尼講調味可以重手多啲冬陰公海鮮湯私心大推第一價錢超值 第二足料 睇落碗細細 材料竟有青口 蜆 蝦 海斑 蟹棒 草菇 蕃茄仔 好「dum」本！第三調味正宗 酸 辣 香 樣樣齊 仲帶出淡淡嘅香料味道及椰香 掂！星加坡海南雞半隻 雞肉們整整齊齊排列 佢地好滑溜 皮同肉嘅比例適中 唔會一味肥肥咬落啖啖肉爽歪歪最鐘意點薑蓉加甜酸醬基本上半隻

之前冬天係呢度打過邊爐, 食物水準唔錯; 及後知道原來呢度都仲有提供星馬泰菜, 咁就要試下啦!裝飾夠現代化, 同星馬泰無半點聯想, 枱同枱之間唔算太迫, 坐得都幾舒服! 由於時間尚早, 人客未到, 及後就坐滿大半場!餐牌設有二人套餐, 亦有散叫, 由海鮮, 肉類, 小食, 湯, 飯, 甜品及飲品一應俱全, 價錢都走大眾化路線!今次點了呢個二人套餐(B) ($398), 份量款式都相當吸引打頭陣係青木瓜沙律 - 作為頭盤好岩數, 青木瓜絲嘅酸味夠晒醒胃, 配埋辣辣醬汁就再醒神D, 口感爽口啟動埋胃口! 跟住係原煲肉骨茶送上, 打開蓋D煙出晒黎, 聞到藥材香味, 見到有幾條排骨, 附上醬油及油炸鬼, 都幾正宗!熱度夠晒, 最怕D湯唔夠熱, 飲落順喉, 藥材味唔會太濃; 排骨煲完肉質都唔嚡, 成條食晒無浪費!星加坡海南鷄 (例牌), 份量足夠二人食, 部位有肶位及鷄翼, 附上甜醬油, 辣鷄醬及薑蓉, 套餐包白/油飯!鷄皮下脂肪唔算多, 唔食皮嘅都好容易撕走, 肉質幾嫩滑, 分別試左3款醬汁都同鷄肉係夾嘅^^炒通菜 - 通菜食落無渣, 惹味醬汁配埋蝦干辣椒一齊炒, 送飯無難度!新加坡咖喱魚頭煲