冰雪公主 (已結業)

在享和街一眾車房/獸醫診所及米線店中看到這位冰雪公主時,不禁又重覆一次:在附近工作時總沒有那麼多有興趣的店開業!冰雪公主位處好彩酒家旁,在整條不算很長的享和街中,無論店面或路線也跟其他店舖不一樣,公主選了這個只有停車場景觀的位置落腳,這位公主也頗為勇敢。    按開電動門之後,少女店員一句"歡迎"便開始一親公主芳澤的體驗,少女雖可人只是自己卻被蛋糕櫃吸引視線,多款蛋糕中又以最完整(新鮮?!)的玫瑰雜莓最漂亮,朵朵深淺粉紅色的忌廉玫瑰很有少女風,可惜卻沒有隨餐優惠哩。採用先付款後送餐的快餐流程,客人坐下後小男生店員主動送來一杯冰水,可惜用上塑膠杯稍欠得體,換上玻璃杯不是更環保也更好看嗎?飲品及食物先後以托盤送上,放上桌上很有快餐feel,還是我自己把公主錯誤地定位為餐廳呢??凍蜂蜜檸檬茶($40),點菜後看到店員即時拿出黃色品牌茶包泡茶,我將會喝到一杯新鮮泡好的紅茶了!剛剛才泡好的紅茶有著淡淡的熟識味道,加冰後將紅茶略為沖淡更合檸檬茶的要求,輕柔蜂蜜甜味完全符合現今少甜的飲食潮流,所用檸檬片也新鮮清香,只是每片檸檬皆厚切在杯子裡較為難篤了。這杯自行製作也可以的檸檬茶取價有點進取,個人覺得

例牌星期日出黎荃灣飲早茶，今日更適逢中秋節，飲完茶後幾姐妹去行街街。行完勁多人既吉之島&荃灣廣場後，見到有呢間冰雪公主，腦海立即響起let it go~let it go~~~行近睇原來係韓式甜品，就食返個下午茶先！店員同我地講呢度係俾錢買野後會俾個牌你，職員會送上野食，同euro gogo一樣。先點左一杯橙汁，好大的一杯，聞到好香既橙味，更有少許橙皮增添其香味。飲得出係鮮榨既，溝左少量水(唔係糖水)，所以淡左d，但起碼夠健康。卡邦尼意粉，意粉汁十分香濃，更有少許洋蔥粒增添其香味。最欣賞的是意粉煮得剛剛好，入口軟硬適中，實在like爆。蜜糖牛油多士外觀普通，最上有兩球雲尼拿雪糕球。多士焗到十分香脆，中間夾住的年糕既柔軟又煙韌，口感一流！食落去又有香甜的蜂蜜味，實在美味。另外將雪糕放在多士上面一齊食，味道更香甜，又可感受到冷熱交溶的體驗，實在新奇。最欣賞係佢地有數款遊戲可供玩樂，食下玩下傾下計，又一個悠閒的下午，實在開心！P.S. 阿豬好讚賞佢地既洗手間，乾淨又整潔，希望可以保持到！

中秋節翌日，又有一日假放。見今日天氣幾好就同我朋友出街行吓， 點知個朋友唔得閑想去畫畫咁我哋就去咗全灣一間嘅眾workshop畫畫啦。畫完畫之後都天黑喇，朋友就食埋飯先返屋企啦。呢間餐廳係我哋畫畫嘅地方附近，因為我哋都知道依一間野有熱食再加甜品。為咗食完個晚餐唔使再行來行去就可以食甜品就揀咗呢間餐廳食。環境都舒服全部都以沙發為主，又放左啲玩具比客人玩，地方好整潔，而且裝修環境佈置精緻。主菜我哋大叫左一個卡邦尼意粉，意粉汁好濃味又吾會話太膩，而且好creamy。意粉口感非常煙韌，職員亦有配上一樽的芝士粉給我們，但味道已經很足夠。而且煙肉都幾多下，又唔會話太肥膩。上菜時候擺設甚為精美。另外我叫咗一個藍莓汁最後一個用餐結尾就是甜品，爆谷雪糕，我叫這甜品做爆谷山，雪糕好上面鋪滿炮谷。雖然啲爆谷係雪糕上面，但爆谷都好脆卜卜，味道甜甜地，雪糕好名凍，都吾會太甜。脆卜卜既爆谷配上軟綿綿嘅雪糕，都好配合。創意度極高，又睇得又好食。