班蘭葉印尼餐廳

營業中

休息中

放工約咗朋友去銅鑼灣行街食飯，意外發現呢間印尼小店餐廳門口係好似士多咁嘅印尼舖頭，買住各式各樣嘅印尼地道小食，加上餐廳入邊都好似好多人幫襯，所以同朋友決定入去一試店內裝飾，充滿印尼風味望完個Menu 覺得其實性價比都幾高,主菜平均都係70-80，又唔使加油，喺銅鑼灣來講算幾唔錯門口見到千層糕好得意，係雜錦口味，仲要淨係$25一盒，所以決定要買嚟食口感好煙韌，有芒果黑芝麻同埋斑斕味，同朋友兩份share就啱晒巴東四大天王飯，件雞其實好大件同幾滑，個人好鍾意佢嘅巴東牛腩，好大件同埋好入味香辣小魚都幾好味，不過唔太食得辣嘅朋友可能就要講返少少啦如果唔係就好似我咁一邊食一邊覺得好辣炸蝦卷，性價比都好高，係即叫即炸，一共有五條，仲要有埋特色泰式甜酸醬，食落口都係啖啖肉幾好味碎芝士炸雞，炸雞都係即叫即炸，上到枱仲熱辣辣，可以熱溶部份底部嘅芝士，如果可以除咗嘅狀態上到嚟就更好就會變咗好似炸雞配熱熔芝士咁，會更加match！最後係呢個鹹魷魚椰漿飯，超級充滿印尼風味，個人好鍾意個椰漿飯，魷魚嚟講就會偏向辣啲，唔太食得辣嘅朋友就要注意，魷魚都好香，攞嚟送飯啱晒成間舖頭都係超級地道嘅印尼風，喺香港可以食到咁

呢間開咗短短4年，已經有唔少本地人、外國人同印尼人嚟食，水準睇嚟已是招徠佢地除咗有白飯，仲有黃薑飯、椰漿飯同班蘭飯𠻹三色豆就怕啫，三色飯好搶手㗎其實唔使配餸，齋食飯都已經好惹味燒雞我地就另外食，燒得非常香口點啲醬汁更加可口，仲有啲辣辣地㗎香港有四大天王，印尼又點會冇呢？有請吉多吉多、巴東牛肉、班蘭雞肉同蕃茄沙甸魚，粉絲分分鐘多過鏡仔㗎吉多吉多係配咗類似花生沙律醬嘅雜菜，好過癮。巴東牛肉嫩到不得了，果然係天王級數胃民點都要加小食，必叫當然係沙嗲啦！雞肉沙嗲非常滑溜，醃料超香原來印尼都有燒鱔，皮脆肉嫩，不容小覷，點埋沙嗲醬真係肉仙肉死大胃為咗解辣，嗌咗好幫手青瓜冰，好多瓜肉同柑桔，嚼住解辣真不錯胃民就點都想飲珍多冰，裡面啲班蘭條又真係唔惹小嘅店面都有啲印尼小食同糕點買，胃民又按捺不住走咗出去加料，選擇咁多確實好難不為所動嘅

印尼串燒就食得多，印尼菜就真係未試過，今次就有朋友相陪一嘗印尼美食；店舖面積唔算大，但目測可以坐到20-30人，今晚都幾滿座，大約個半鐘頭內已翻枱兩次，其中都有唔少同鄉客人幫襯，相信呢度出品算係幾地道～白鱔沙嗲 (三串) $98印尼沙嗲串燒果然係正，有驚喜！好香炭燒味，白鱔肉質結實彈牙，咬一啖，啲魚油慢慢滲出來，好好味！值得一試！一定要趁熱食！印尼四大天王 $78*轉班蘭飯 +$15見到多人食呢道四大天王，所以就跟風試吓喇～ 本身係跟普通白飯，加$15可轉班蘭飯或椰漿飯(伴魚仔，少辣)，任君選擇；印尼四大天王有白切雞丶巴東牛肉丶沙甸魚丶加多加多沙律。一碟可試哂4款印尼美食，抵！印尼語Gado Gado 代表雜錦嘅意思，係形容材料很豐富，而呢度係有椰菜絲、紅蘿蔔條、芽菜加上花生醬嘅沙律。原條魚花膠湯粉皮 $78原條炸魚上枱係有D吸睛嘅，size同隻碟一樣大，炸到好靚仔，脆卜卜，好香口。花膠湯底係似中式打邊爐嘅花膠雞湯味道，味濃稠密有膠質，湯內有一塊花膠，而粉皮好薄身，微微米香，口感滑嘟嘟，同花膠湯好夾！牛油果沙冰 $48比想像中大杯！有少少朱古力漿調味，淡淡牛油果味，夏天飲，透心涼😌芒果

去唔到旅行就成日想食啲唔同國家嘅菜式，今日去到銅鑼灣shopping之後，同男朋友搵食，我哋好鍾意試唔同國家嘅菜。尤其是印尼，印度菜，見到呢間斑蘭葉印尼餐廳，就一於試一試啦！入座之後，印尼員工超級親切好人，同我哋講解有啲咩好食。我哋叫咗三樣嘢，叫咗一個印尼四大天王飯，馬拉盞炒通菜同埋沙嗲串燒。上咗飲品之後，第一個嚟嘅就係印尼四大天王飯。因為我哋好想一次過可以試晒四個味道，就叫咗呢一款飯。佢四個天王包括：蔬菜，沙甸魚，巴東牛肉，海南雞。每樣都各有特色。而我最鍾意就係巴東牛肉，佢嘅辣味好夠好香，而且牛肉又夠林。海南雞亦都好滑好嫩，賣相亦好好。炒通菜亦都好夠味，好熱辣辣。份量亦都好多啊。呢一間嘅串燒比平時嘅有啲唔同，佢嘅串燒表面都塗咗滿滿嘅醬汁。甜甜地好好食。外皮都好夠香脆！沙嗲醬亦都好濃郁。印尼舖頭仲喺門口放咗好多唔同嘅小食！我哋仲買咗少少返屋企試吓添！下次一定會再嚟試，試吓其他唔同嘅款式😋

銅鑼灣糖街很多東南亞小店這間食肆本身門面也賣一些印尼小食及香料店內亦不少外傭等在港外地人光顧相信料理有一定的當地水準印尼四大天王 - $78+$15轉班蘭飯有巴東牛肉、雞全翼、沙甸魚和雜菜四種不同的煮法，各配上不同的印尼醬汁可以一次過品嚐所有香料及著名的當地菜式很喜歡印尼香料獨特的醬料與調味，味道芬芳濃郁燒雞花膠湯粉皮 - $88湯底味道香濃鮮滑，粉皮很會吸收精華花膠很爽口滑身，加上配料味道更豐富配很大隻的燒雞腿雞皮搽上厚厚的蜜糖，炸得很爽脆肉質嫩滑又多肉汁店內還有手套供應，非常方便牛肉沙嗲(三串) - $58牛肉插得滿滿的味道還很濃郁、鮮嫩多汁、不油膩配沙嗲醬，非常惹味椰子沙冰 - $38淡淡椰香，解暑一流鴛鴦芒果汁 - $28芒果味酸酸甜甜，顏色好美麗

《食左當去左系列》繼續沒有旅行既日子，最大娛樂就係不斷搵各國既風味菜，今次選擇人流好多既班蘭印尼餐廳，最近仲有抗疫menu, 好味又抵食!menu有好多選擇，心大心細，淨係飯已經有4款（班蘭飯/黃薑飯/椰香飯/白飯），配菜由牛肉、雞、蝦、炸魚等既配搭，於是做唔到決定既2個人就叫左咩都有d既飯印尼四大天王 （$78+$15轉左班蘭飯），首先班蘭飯味好出，面頭再鋪上炸蒜，配菜係有咖喱雞，沙甸魚，沙嗲雜菜，巴東牛肉，每一款都好岩送飯，每一款都好入味!薑黃雜錦尖搭飯（$68） ~呢碟飯一樣都有4款配菜，有款類似辣豆腐干，花生魚干仔，炸雞，巴東牛肉，每款都好惹味，巴東牛肉夠淋身，炸雞亦好juicy，份量好多好滿足碎壓黃豆餅（$38）~ 一共有4件，黃豆餅係印尼既一款傳統小食，好重黃豆味而有豐富蛋白質，呢度係以炸既形式，每一啖都有實實在在豆味，亦都好飽肚~雪芳班蘭蛋糕 （$15）~蛋糕鬆軟潤滑，有陣陣蛋香，每件都幾大，2個人share都可以，味道同質素可能勝過Singapore 機場既專門店!飲品選擇左珍多冰（$28）+ 凍印尼即磨咖啡（$28）~珍多冰椰奶香，夠足料，每啖都啜到綠色條條~而即磨咖

假日人群湧湧的糖街真的未必走進去，但當中都有美食存在，今日朋友就帶我黎一同享受下這 - 班蘭印尼美食。進門前便見到門口正售賣印尼小食：炸雜菜餅、黑糯米飯團、綠白糕等...店內設計、佈置都極具印尼特色，像真的來到印尼一樣。看到餐牌就知道我來了印尼餐廳：多春魚雜菜飯、印尼四大天王、啦斯啦媽班蘭飯等...珍多冰/黑糯米特飲珍多冰椰汁味重，但甜度剛剛好，粉條軟滑清涼；黑糯米口感煙煙韌韌，椰漿香甜，確是消暑良伴。印尼四大天王 - $78四大天王當中包括了：嫩滑的班蘭雞、軟淋的巴東牛肉、惹味的沙甸魚及沙嗲上的沙律，一款美食便可嚐到4款不同的滋味，認真難得。軟淋的巴東牛肉嫩滑的班蘭雞惹味的沙甸魚牛肉/羊肉沙爹串燒串燒燒至微焦，香氣撲鼻；吃起來，肉質嫩滑，肉汁豐富，配搭埋秘制辣醬，更顯惹味。

有無人同我一樣鍾意睇「有碗話碗」睇佢介紹既印尼菜好吸引 就揾埋朋友一齊嚟食之前行經糖街 都會見到好多工人姐姐會黎呢到買下糕點 感覺上都幾正宗▪️印尼四大天王 $78 一個飯滿足你四個願望！有齊雞 巴東牛肉 沙甸魚 雜菜 完全唔怕唔夠餸撈飯！作為食肉獸既我 竟然最鍾意佢嘅雜菜 雜菜爽口 拌匀面頭既花生醬 甜甜地真係好好食雞肉有啲似海南雞 好滑嫩 巴東牛肉軟腍入味 沙甸魚既骨完全食左都唔覺 配上紅椒都唔錯⁣⁣⁣⁣⁣⁣⁣▪️燒雞班蘭尖塔飯 $98燒雞香口入味 肉質完全唔柴 單吃就已經唔錯 沾上特製醬汁 甜甜地仲好食綠色既尖塔飯打卡一流 入口淡淡既班蘭香 飯較為乾身 粒粒分明 飯量完全唔惹少 一定食得飽！⁣⁣⁣⁣⁣⁣⁣▪️牛肉沙嗲 $56食印尼野又點可以唔食串燒 牛肉唔會過熟過乾 唔洗點醬都已經夠味 略嫌有啲位會有少少筋⁣⁣⁣⁣⁣⁣⁣▪️班蘭沙冰 $42入口班蘭味比想像中濃郁 清清地好解渴 甜度偏高 好適合螞蟻人▪️牛油果沙冰 $48牛油果沙冰大杯足料 入口順滑無冰粒 牛油果味突出 甜度恰到好處整體而言 食物質素唔錯 價格合理 想食印尼菜嘅時候 呢間都係唔錯嘅選擇⁣

係銅鑼灣睇戲前想食個快飯，見對面成條街都係印尼餐廳，就揀咗一間試吓啦。我地揀咗最多人幫襯個間。時間大約6:30pm 度但我哋坐低無奈已經全部坐滿。叫咗個香茅椰糖薑蜜和珍多冰。兩個都幾好，重可以叫佢地加多小小椰奶俾我個珍多冰。印尼四大天王。有巴東牛肉，印尼花生醬沙律，魚，雞，等等。個花生醬沙律好香花生味，又有一粒粒既花生口感，正👍🏻串燒拼盤。有牛，雞，魚同羊。個魚串燒好好味，我諗應該係銀雪魚。虎蝦花膠湯粉皮。有10個讚👍🏻👍🏻👍🏻$98 就有。個湯好足料亦有好多花膠！花膠有至小半隻手掌咁大👍🏻👍🏻👍🏻無得頂呀。最後再叫咗個芝士炸雞，已經食到我哋好飽好滿足🤤🤤🤤🤤🤤

銅鑼灣嘅食店多不勝數，種類更加係諗到嘅都有，今日就試咗餐印尼菜，平時呢啲鋪頭我就唔會選擇入去，今次係有人介紹就試吓啦，估唔到又係唔錯嘅經驗喎！鋪頭唔係好大，只有七張四人枱，都有啲東南亞特色嘅裝修，同時又貼中國傳統揮春，所以都幾fusion.招呼我嘅係一個識講中文嘅印尼姐姐，感覺好Nice，但喺鋪頭都見到另一個香港人似係老闆。菜牌有齊中文和印尼文，選擇都幾多，因為好少食印尼菜所以都好多嘢想試，最後叫咗個「印尼四大天王」（$78）、「石栗馬拉盞炒通菜」（ $78 ）、「白鱔沙嗲（三串）」（ $98 ）同一杯「碟豆花特飲」（ $28 ）。四大天王原來係牛肉、雞、沙甸魚和雜菜，雜菜有蘿蔔絲、芽菜、椰菜絲、豆角等等撈左醬汁有好輕微嘅辣，牛肉就似串燒嗰啲沙嗲牛，係牛腩嚟嘅都幾腍，雞係似海南雞，沙甸魚就係平時嘅罐頭沙甸魚囉，加咗兩塊番茄咁，味道都OK，感覺相當地道，一食就諗起我去柬埔寨、泰國短宣嘅日子。馬拉盞炒通菜好惹味，唔會辣，仲有好多好似炸蝦乾咁樣嘅嘢，食落趣卜卜，整碟好好味。串燒沙嗲白鱔係第一次食，因為餐牌上寫着必食推介，所以就決定一試，一上枱已經聞到好香，每一串都

香港四大天王唔洗多講都知，印尼四大天王又有冇人知？😎今次我就見識到喇，原來有班蘭雞、巴東牛肉、蕃茄辣油沙甸魚及加多加多沙律。無論用料同味道都別樹一格。至於班蘭雞尖塔飯，有座山造型嘅班蘭飯好吸引，兩碟嘅雞都好嫩滑。羊肉沙嗲三串好野味，少少辣而羶味唔重。烤柚子雞翼嘅柚子味幾重，好味道。班蘭沙冰嘅班蘭味好出，班蘭愛好者不能錯過。牛油果沙冰都一樣好入味，椰汁冰好香濃。終於見識到印尼菜嘅美味，呢餐食得好飽好滿足！🥰值得一提係顏色主要由綠/黃/啡組成，好有印尼色彩。🧑‍🎨呢間可能系香港最好食嘅印尼餐廳，食物地道，價錢亦親民。👍 ..埋單：印尼四大天王$78班蘭雞尖塔飯$68羊肉沙嗲三串$58烤柚子雞翼$48班蘭沙冰$42牛油果沙冰$48椰汁冰$38