古今二 (荃灣千色匯I)

營業中

休息中

餐廳出名gimmick 壽司卷物，賣相靚之餘，餡料足。午市餐牌選擇豐富，而且環境座位寬敞，坐得舒服。卷物盛，包括4款卷物，每款有4件。別有用心地將火山卷放中間，其餘3款圍住火山映襯。中間火山卷物，面頭放上爆多蟹柳絲，配搭蛋黃醬，入口啖啖肉，口感豐富。費城卷中間夾住軟芝士塊，配搭吞拿魚，估唔到幾夾，而且芝士味好突出。鰻魚牛油果卷，牛油果滑口，清新，鰻魚厚肉。日式咖哩蛋包飯，咖喱味濃郁，稠密。旋風蛋鋪係白飯上，顏色鮮艷令食慾大增。自家製炸雞大件香脆，肉結實，配咖喱汁食更惹味。龍卷風沙律非常大份，好足料。面頭有大量蟹柳絲，底部沙律菜新鮮，另外仲有中華沙律。一定要好好拌勻，因為配料多，加上有醬汁。單食都已經好有飽足感。宮崎黃金炸豆腐，好有驚喜，豆腐炸完後仍然嫩滑，唔會散開。而且外層炸粉夠薄，淋上大阪燒醬汁，好似食緊大阪燒既感覺，但係係健康版配豆腐。炸後都唔會覺得油膩。整體，非常豐盛既午餐，卷物餡料多，而且其他食物既份量都大，所以飽肚兼美味。多人食就可以揀多d特色款卷物，賣相更靚。

之前已經過這間店很多次，我一次都見門口好多人等候，而門口外的餐牌食物介紹，相當吸引，真係好想去試一試。今天放假，一個人立刻去試食，今天選擇食lunch，我點選了一個卷物盛，共有四種卷物，其中一個是三選一（金龍卷，煙花，火山），而另外三種是指定的（鰻魚牛油果卷，加州卷，費城卷），真係樣樣都咁好味，相信金龍卷和火山，都是他們的招牌卷物，今次選擇了金龍卷，相信金龍意思是天婦羅炸蝦🍤，天婦羅炸蝦很脆，超級好味，而另外指定的三款卷物都唔差，我一定會約埋朋友再去食

荃灣真係食勻咁濟 今次來到千色匯上面諗住睇下有咩食 有兩間大家推薦嘅日本野 分別係古今二同埋一生懸麵 見前者多D人排隊所以我地就覺得應該幾好食😹🍣卷物盛煙花（辣味三文魚 辣味吞拿魚 脆片）費城卷（三文魚 芝士 牛油果）加州卷鰻魚牛油果卷💰88呢隻卷物盛可以三揀一樣 我就揀左煙花 其他三樣都係標配 而每種味道都有四件 整體來講每舊卷物望落尺寸都偏細 而且就咁睇唔算太新鮮😿吞拿魚蓉料幾多 冇咩辣味 搭配三文魚可以話係口感最豐富嘅一種 鰻魚卷都唔算大 牛油果存在感唔大 不過算清新三文魚就睇樣都覺得唔新鮮 一般 加州卷都係一般質素 同想像中嘅質素會有偏差🥵🥘日式咖喱蛋包飯·燒雞排💰72諗住蛋包飯應該點都唔出出錯 點知呢個蛋包飯賣相好睇 其實真係一般 蛋算不上滑嫩 係一舊舊 而咖哩好大路係超市咖哩嘅味道 雞排望落煎得還可以 但係實際懷疑廚師有冇調過味😹雞肉淡而無味 入面肉都係粉嫩 因為無味嘅關係所以會覺得皮好油膩 蛋包飯愛好者建議唔好試⚠️芝士年糕💰+18唔知係咪出廠貨關係 兩隻色都唔同 希望唔好係複炸過嘅啦😹細細舊其實無所謂 不過皮唔係酥脆而係似曲奇皮嘅厚度 都係鍾意正常嘅薄皮扁身芝士年糕唔知點

壽司卷又稱為卷物，係其中一種基本嘅壽司款式，不過依家佢不斷進化😆😆越來越多花款同埋配搭，無論視覺定係味覺都好吸引😍古今二真係 🈶️好多款卷物，而且佢哋個名都好特別。我哋今次就一次過試咗5⃣️款咁多😙前菜沙律🥗龍捲風沙律份量真係好大，喺沙律菜上放左一座蟹柳山😱網燒牛舌厚度啱啱好，所以燒完唔會過熟，爽口🈶️口感。卷物盛一份就已經🈶️4⃣️款卷物，最啱有選擇困難症嘅我，唔使左揀又揀🤣鰻魚牛油果卷加上鰻魚燒汁好惹‼️加州卷包裹住好大舊蟹柳‼️費城卷三文魚加上芝士口感好滑‼️金龍卷包住嘅炸蝦仲係好脆。忘不了你就咁睇個名真係估唔到佢係乜嘢，其實佢係芝士、炸牛肉加芒果🥭卷。壽司飯包裹住炸牛肉同芝士，再喺上個舖上芒果同wasabi沙律醬，令賣相非常吸引。三文魚頭湯鍋 份量又係好大，奶白色嘅魚湯入邊有好大件嘅三文魚頭、雜菜同埋豆腐。三文魚嘅肉仲係好嫩滑，湯頭亦都有好香濃嘅魚味。