樂天皇朝 (利舞臺廣場) (已搬遷) 新店位置

🤤紅油鮮蝦豬肉炒手拌面 $75拌面質感唔錯，粗幼適中，麵質唔會過軟。可惜醬汁太油，最後拌麵都係食唔完。四隻紅油抄手都大大粒，鮮蝦炒手入邊見到有真嘅蝦粒，味道幾鮮甜。豬肉炒手都幾紮實，食得出豬肉嘅香味。🤤招牌原味小籠包 $72/6pc原本對連鎖店嘅小籠包唔會太大期望，但小籠包係呢間上海餐館嘅主打，我哋都試吓，結果好驚喜！拎起嘅時候完全唔驚皮會爛，同時都feel到啲醬汁喺入邊浪下浪下。咬開爆汁，而且皮好薄，入邊嘅餡料都唔少，太推！🤤蘿蔔絲酥餅 $48/3pc本身自己唔係好鍾意食蘿蔔，但係見到好多人推薦呢個蘿蔔酥餅，都嗌咗嚟試吓。酥皮好脆一啲都唔油膩，但係又好易咬開，好高質！咬開見到一條條嘅蘿蔔絲已經打咗做一半蘿蔔蓉嘅狀態，微甜，好好食！🤤上海生煎包 $48/3pc生煎包都唔錯，雖然皮有少少厚，但係入邊嘅餡料一啲都唔乾，有好多豬肉汁流出黎！熱辣辣好好食，大大個性價比都OK！平時食嘅話單價有啲高，下午茶時段去餐廳會有五折或者六折優惠，推薦可以把握呢個時間去試吓！📍樂天皇朝 (利舞臺廣場) (銅鑼灣)銅鑼灣波斯富街99號利舞臺廣場6樓好食指數💗💗💗💗性價比指數💗💗💗💗💕回頭指數💗💗💗💗💕推薦指數

餐廳：樂天皇朝地點：銅鑼灣利舞臺廣場菜式：來自新加坡中菜館，主打粵菜及滬菜餐牌：小籠包，南北點心，涼菜，經典熱炒，人氣川菜，主食，拉麵，拌麵，湯，甜品，飲品。茶位每位$12，只係普通茶水。小食 $15 另加一一坐低就放低小食，係麻辣雞脚。味道非常麻辣，都係暖暖地上枱，分量都唔少，呢個價錢算抵。原味小籠包 $78 另加一原味小籠包一客六隻，皮唔算太薄，我覺得少少厚，不過就唔會容易穿，入面好多湯汁，肉都可以。呢個價錢可以。鵝肝小籠包 $142 另加一鵝肝小籠包一客六隻，果然食到鵝肝味，不過價錢實在貴太多，絕對唔值得，食原味就得。醋醬海蜇頭 $90 另加一呢個小食價錢算貴，好彩分量唔少。海蜇頭偏大片，口感可以，下底墊有青瓜。瑤柱芙蓉賽螃蟹 $98 另加一瑤柱芙蓉賽螃蟹酒味好濃，螃蟹唔多覺，主要係蛋白。蒜蓉清炒菠菜 $78 另加一蒜蓉清炒菠菜味道唔錯，唔會太油膩，面頭有少少炸蒜添口感。鮮蝦雲吞豬骨湯 $82 另加一鮮蝦雲吞一客六隻，皮較爲厚，蝦肉都可以。個豬骨湯就非常好，加有葱花味道唔錯。不過價錢太貴。上海炒年糕 $93 另加一上海炒年糕分量公道，年糕口感及格，配料有足夠白菜同大白菜加少少肉絲

🥢上海生煎包非常軟熟嘅麵包外層而且充滿彈性，底部煎得香脆，生煎包入面充滿熱辣辣的肉汁，又軟又脆嘅口感，大啖咬仲會爆汁！🥢三絲春卷即叫即炸，層層鬆脆，餡料多，炸完唔油膩！🥢蟹粉餡餅豬肉餡加入蟹粉，咬開有蟹肉鮮味。🥢原味小籠包小籠包湯汁清晰，唔油膩！一定要加入薑醋，增加口感！🥢木樨肉炒拉麵以星加坡煮法，加入煙燻元素，拉麵彈牙，配料多，非常有鑊氣。🥢宮廷驢打滾凍食糯米依然香軟，卷入紅豆餡料，唔會太甜。

宮廷式設計，望落好似有啲暗，但其實每張枱光源充足，影相都幾靚茶位 $10/位入坐後，店員即奉上一壺普洱茶及小食小食 $15栗子花生，清甜栗子丶軟糯嘅長型花生，未開餐，已經好快清咗大半碟原味小籠包 $72皮薄，數過最少有二十摺，湯汁鮮味肉絲年糕豬骨湯 $88足料，肉絲丶蔬菜佔咗半碗，豬骨湯好濃，年糕片夠薄身，食完唔會覺得滯蘿蔔絲酥餅 $48酥餅酥脆又夠鬆化，香軟蘿蔔絲宮廷驢打滾 $48糯米卷超軟糯，食到有微微椰汁味，，入面係紅豆蓉，灑上花生碎，又幾好味喎！

🔸上海風味醬鴨 作為上海經典涼菜，而且製作繁複，真係要一試。醬鴨沒有厚厚嘅鴨脂肪層，鴨皮係亮澤嘅醬油色，食落少少醬油甜味，鴨肉一絲絲，肉質有彈性，入味，一啲都無鴨臊味。🔹上海生煎包包面非常軟熟，底脆皮香，咬開肉鮮軟嫩，香而不膩，仲有啖啖肉汁，即叫即煎，非常推介。🔸蘿蔔絲酥餅又係考功夫嘅小食，即叫即炸，外皮酥香，咬落層層脆口，蘿蔔入一絲絲，內餡香甜多汁。🔹原味小籠包 一定要食小籠包，皮薄餡靚、肉汁豐富，新鮮即製，一啖一個，鮮味又滿足。夾起唔會流汁，小籠包湯汁配上香醋，爽甜製薑，非常有口感。🔸上海炒飯醬油炒飯，配有上海秘製豬手粒粒及蝦仁，炒飯嚟講，沒有很乾爽的感覺，但醬油味豐富，飯身軟熟香糯，很有風味的主食。

今日心血來潮，下午去左樂天皇朝😊對上一次已經係幾年前！！今次叫左好多野食原味小籠包特色小籠包醬鴨紅油抄手牛肉麵👍👍👍蟹粉炒飯整體，環境，食物，服務都好好👍👍👍小籠包汁多d 就更好下次會再試！！

一直想試樂天皇朝既小籠包好耐，聽好多朋友食過都話正李白醉雞 ＄85首先嚟個冷盤醉雞，雞皮相當爽脆肉質唔算特別嫩，但喜歡佢調較既味道，好清香既花雕酒味原味小籠包 $62本來想試佢哋最出名嘅八色小籠包，咁你幾點返嚟啊唔係隻隻都想食於是就試咗原味果然無後悔，原汁原，不單止皮薄餡靚，裏面多汁到不得了，豬肉餡料比例好，肉味鮮即使咁樣夾起都唔會穿，皮薄有韌性松子桂花 $238先講價錢係香港來講已經好抵食，分量唔細，魚身炸得相當酥脆，淋上醬汁後都依然香脆醬汁酸甜適口，濃稠度當好掛在魚身上，令每一啖都食到美味精粹肉樨肉炒拉麵 ＄82拉麵炒得乾身爽口，味道亦調較得妞好，好惹味桂花酒釀丸子 $36桂花味清甜，配上煙韌既丸子係絕配

幾年前其實黎過同朋友一人一籠八色小籠包，今次只係志在帶屋企人黎見識下，感覺銅鑼灣比旺角分店更加有氣派，好岩同媽媽食氹佢開心。醋醬海蜇頭 ($68)海蜇頭大塊厚肉唔會切得太碎，黑醋味道溫和唔嗆喉，底下仲有青瓜片，十分開胃。上海風味醬鴨 ($48)作為前菜都冇咩期望，點知意外地高質！ 醬鴨超入味，鴨皮煙煙韌韌，肉質有彈性又有煙燻味，連骨都入埋味想吞埋，忍唔住叫多左碟。特色皇朝小籠包 (八色) ($108)七彩繽紛既小籠包十分吸睛，包括原味、川味、蒜香、芝士、人參、蟹粉、鵝肝同黑松露味。 首先要讚熱度好夠，真係新鮮整起就拎出黎，馬上夾起小籠包，輕輕咬開就吸到大量清甜鮮美既滾燙湯汁。 肉餡口感都幾順滑有肉鮮味，小籠包皮厚薄適中，略嫌彈性不足，好幾次夾起既一瞬間就穿左，只能望湯汁輕嘆。當年嚐鮮後覺得新鮮感大於味道，原味反而最岩口味，今次亦冇改變印象。 蒜香同蟹粉味小籠包只帶輕微香味，整體同原味分別唔大，有種到喉唔到肺既感覺，如果大幅度加重調味，令口味更突出就更好。原味小籠包 ($62) 6粒完全滿足到我想食正宗小籠包既心癮，皮薄餡靚，飲完湯汁後點埋黑醋，一次過食哂成籠都唔會膩。蒜蓉炒菠菜 ($6

好耐之前已經喺YAHOO團購咗好幾張COUPON一直未用~中秋節之後放假 約咗家人食飯 咁就醒起可以去食樂天皇朝啦 坐得舒服又啱老人家口味!大約兩三個星期前已經打電話BOOK咗枱 亦都講咗會用COUPON.去到前一日拎返張COUPON出黎 見到話公眾假期唔用得喎! 咁即刻打去問多次啦~唔知係咪經理聽電話 就好好人話可以破例比我地用! 好野~可以去食飯了話哂都假期 人流都唔少. 不過BOOK咗枱 去到唔洗再等即時入得! 小籠包 原味 10PCS $98以前已經食過8味 不過都係原味最正 哈 皮薄 湯又好飲 夠熱~蘿蔔絲蘇餅 3PCS $42有時飲茶啲蘿蔔絲蘇餅會唔夠熱 不過呢到就熱到出煙 爭啲辣親咀.蒜茸炒菠菜 $65 不過不失 一定要叫菜食~賽螃蟹 $85 呢個就唔夠熱啦 同埋味道唔係好夠不過細路仔鍾意食 所以都要叫既上海炒飯 $82 稍為咸咗少少....宮廷驢打滾 3PCS $42 雖然要啲都唔平但係鍾意食紅豆糯米糍既人都一定要試下 呢個口感再正啲 再配埋黃豆粉鍾意食甜野既女仔真係可以一個人食一碟~同屋企人/朋友聚會想食中餐既好地方~

食過咁多間 最高質素既平民上海菜👍三人行諗住係銅鑼灣 灣仔區食中秋節飯再行行利東街 呢間樂天特別方便係time square 隔離既Lee gardens 最岩購物完既sis 中秋節前既星期日特別多人 打算預先book 位發現原來3人或以上就可以book ga🤔🤔😲但我地遲左即日打去就要等walk in la本身想7點食但6點過到去 入面坐位已經全full😭😭記得一次食過 呢間樂天入面餐廳環境幾不錯 入面多人到full booking吾可以排walk in結果只好坐出面落單紙：環境冇咁好 但食物質素依舊高 初嘗🥕絲好好食 外面夠酥化之氣內類充滿🥕絲 同一般酒樓食好吾同 最出名必食當然係小籠包 高質既小籠包籠入面會配用布黎放底 好細心既設計就吾會令食客 係夾小籠湯包時貼底漏曬湯汁 假如你一滴都冇曬到湯 呢個小籠包係好出色🤗😋juicy 且皮簿👏一向中意食炒年糕 呢到既雪菜炒年糕更係必叫 冇左醬油味既濃郁 但有淡淡雪菜味 好正炒拉面就一般啦 叫既時候都吾大期望 但都比想像中好🤭三人食左333.3好祗食啦 又好食既上海菜😛想食得舒服環境好既記住三人以上就可以訂定台啦

今日同幾個朋友來左銅鑼灣行街、甘啱見到有哩間樂天，見距小籠包好吸引，所以就入左去食啦，我地等位等左一陣就有得入去啦，環境勁正，中間有個荷花池，仲有少少噴水效果，我地坐低二話不說一定會試小籠包啦，但一打開餐配都比距其他小食吸引左。本人推介蘿蔔絲酥餅，炸饅頭，酒壤丸子（清清酒味，甜甜的，好易入口）水煮魚（無論賣相味道都好好），紅油抄手，（皮滑肉嫩）拉麵（個年底好有質感，個蛋好食）當然少不了緊係小籠包，個人比較喜歡原味，入面滿滿湯，咬一小口試試唔熱就一口放入口，好滿足。

今日同屋企人試左銅鑼灣分店，7點到達，平日唔多人，一入到去店員都即刻奉上熱茶，叫左5樣野， 特燈黎試小籠包， 叫左10隻試 正呀好多汁， 原味已經好好食 ，不過下次決定要試埋其他款！ 另外既生煎包都煎得唔多 不過唔多汁。 炒飯就正常味道， 可試可不試。試左個東坡肉 我就覺得佢唔夠唸， 如果整耐d應該仲好食呀！ 整體唔錯，環境都幾舒服！應該會再黎

利舞臺是老香港嘅地標，今天雖則已重建成新派商場，半圓形的入口, 總令人帶點懷舊回憶。今天重遊舊地，戲院已不復再，迴轉電梯兩旁都是大型的連鎖商店，接着的就是一系列銀座式的食店樂天皇朝位處商場6樓，佔地非常大，除了店內，位於店外的商埸空間亦設雅座，等候區座位亦相當舒適，真係盡顯皇朝風範店內氣氛古典幽雅，一條水池河道，詩情畫意，銅製水壺韻味十足，擺位更加一絲不苟，單是入座，看見這個埸面已很讃蘿蔔絲酥餅⭐️⭐️⭐️⭐️⭐️新鮮即做，入囗你會感覺到一浪接一浪的斷層，酥餅皮香，再來是清甜多汁的蘿蔔絲，正好滋潤一下吃過酥皮的乾涸，難怪這是店舖熱爆的點心。重慶紅油鮮蝦抄手⭐️⭐️⭐️⭐️⭐️菜牌上有幾種抄手可供選擇，特意選擇鮮蝦，係想挑戰蝦的新鮮度，果然大大隻蝦仁，爽口彈牙，配微辣汁料，非常醒胃。京醬肉絲配薄餅⭐️⭐️⭐️⭐️啖啖肉絲輭綿腍滑，絕不痴牙，京都醬料厚厚的包裹著肉絲，配合薄餅會不自覺地吃多了，結果是薄餅吃光了，肉絲還多著呢🤪蟹粉炒飯⭐️⭐️⭐️⭐️炒飯底有濃香嘅雞蛋味，口感不是粒粒爽口的，而是軟綿綿的哪種，以重量級蟹粉作汁料，當濃味的蟹粉遇上簡單的蛋炒飯，確是天衣無縫。原味小籠包⭐️⭐️⭐️⭐️⭐️千呼萬喚嘅小籠包終於出埸，吃這個也真

之前朋友生日特別想試「樂天皇朝」的小籠包，於是某天晚上一行六人浩浩蕩蕩出發前往銅鑼灣的分店。「樂天皇朝」的店舖面積頗大，燈光昏暗，一反傳統中式餐廳明亮光鮮的感覺。除了使用中國式屏風間隔外，「樂天皇朝」在這個寸金尺土的地區中，竟然在店裡設置了蓮花池，池邊更有仿製龍袍掛飾，能看出是想營造出豪華氣派的氛圍。（然而，在店裡的燈光搭配下，其實這件「龍袍」莫名的有點恐怖。）幸運地，當晚我們被安排坐在蓮花池旁邊的卡位，座位寬闊坐的非常舒適。來「樂天皇朝」的目的就是為了小籠包，所以少不免點了兩籠小龍包試試。原味小籠包一籠六顆精緻的小籠包，上菜的時候蒸籠還是冒著煙。小籠包皮薄，裡面包著滾燙的湯汁，夾起確實水準不錯。蟹粉小籠包和原味小籠包差別不大，蟹粉味道不太突出，吃過兩款小籠包後，其實感覺「樂天皇朝」的小籠包水準不錯，但這個價錢來說其實會有更多選擇，也不至於這麼多人吹捧。上海炒飯炒飯粒粒分明，炒的夠乾身，味道略重鹹，記憶點不高。雪菜鹹肉炒年糕煙韌的年糕因為加入了雪菜和鹹肉，配白飯食用一流，單吃會過鹹。肉碎四季豆同樣過鹹，只能配飯吃上海風味醬鴨醬鴨印象點不高，肉質有點柴，骨頭比肉比例多，而且同樣偏鹹蟹粉炒