家後2.0

營業中

休息中

期待咗呢間嘅蛋糕好耐！今日終於約到frd食😙🫶🏻！🌟煎餃雙拼 - 洋蔥豬肉拼麻辣豬肉（是日新款）無論係洋蔥豬肉定係麻辣豬肉，咬落都係爆汁！！外皮煎得超香脆，令人食唔停口啊🥰🌟灼餃雙拼 - 菠菜豬肉拼雲耳椰菜豬肉 今日灼餃跟嘅湯係冬瓜薏米湯，完全唔係飲完會口渴嘅味精湯，超有媽媽的味道！灼餃方面外皮超滑又薄身，同埋超多餡！好中意個菠菜豬肉，咬落好有口感～同豬肉嘅比例match得好好😙🌟豆漿豆漿重豆味唔太甜，都幾好飲🫶🏻🌟原味芝士蛋糕 呢個芝士蛋糕性價比真係好高🙏🏽🥺！$30！仲要堂食有得食！巴斯克做到外焦內軟，食落軟綿重芝士味，又唔會過份流心，唔怪之得咁快賣晒！

約左餃子控朋友特登黎深水埗試家後，揀新舖試諗住環境好啲🤣，事實都係唔錯，乾淨夠光猛～6點幾黎到都坐滿大半😮，同埋好彩order定蛋糕，叫得黎已經差唔多無🤫餃子有灼/煎揀，仲有飯同小食，飲品有日系少少既茶，選擇豐富😚🔅原味芝士蛋糕 ($30)巴斯克蛋糕係呢間名物😂，果然名不虛傳😍，口感好滑，芝士味🧀香得黎食落唔會好膩💕🔅開心果芝士蛋糕 ($35)見到綠色以為開心果味唔會好濃，估唔到食落勁香！好濃開心果味😍，中間仲有少少流心，大推💯🔅煎餃套餐 ($44+ 雙拼$2)同朋友都叫左雙拼餃，每隻口味各4粒～🥟餃子包得唔算好結實好大粒，油左啲啲，不過皮唔算厚，煎得香脆得黎唔𠝹口☺️🔸是日新款餃麻辣白菜餃幾好味！少少麻，唔會好辣，但辣得黎幾香🌶️🔸小籠包豬肉餃見咁特別所以叫左，超級爆汁😍，食嗰時要小心啲😆🔸雲耳椰菜豬肉餃有雲耳同椰菜食落口感爽脆🔸韭菜豬肉餃韭菜朋友話一般～🔅日本Sangaria烏龍茶500ml(深) ($10)💬餃子ok，未到特別驚喜，但巴斯克真係好食😂，不過建議早少少黎～食完7點幾已經排長龍🙈

想食巴斯克芝士蛋糕，但係又想食餃子，點算好呢?! 唔洗咁苦惱啦！位於深水埗嘅呢間家後2.0 就係一間可以食到巴斯克芝士蛋糕嘅餃子店，一次過滿足晒兩個願望！餐廳嘅裝修係走文青Cafe 風格，令人有種慢活悠閑嘅感覺～手工餃子套餐(灼)💰HK$72朋友簡咗灼菠菜豬肉餃拼灼韭菜豬肉餃，食灼餃子就係可以品嚐到餃子嘅原汁原味，韭菜豬肉餃味道經典！而主食就有日式昆布湯烏冬，湯底清甜，烏冬煙韌Q彈！另外仲有菠菜小菜、冬瓜老火湯同埋烏龍茶，加咗主食嘅套餐真係好抵啊～手工餃子套餐(煎)💰HK$46呢個餐就簡咗煎菠菜豬肉餃子拼煎雲耳椰菜豬肉餃！第一次食菠菜豬肉餃子，估唔到菠菜同豬肉嘅味道係咁夾，咁多餃子之中，個人最鍾意嘅款！😜而雲耳椰菜豬肉餃就口感多咗一種爽脆，層次感再豐富啲！煎餃粒粒都煎到外層好香脆，內裡充滿肉汁，仲有爆汁效果，令人好有驚喜～麻辣雞中翼💰HK$30炆到好入味，雞中翼一咬落去就好容易甩到骨出來，麻麻辣辣好惹味～凍 枝裝豆漿💰HK$12味道唔會太甜，而且豆味濃郁～原味芝士蛋糕💰HK$30充滿濃厚嘅芝士香味，中間仲有少少流心效果，好優秀😋～

已經save左呢個家後好耐, 去到佢開左分店終於去試啦!✌🏻滿心歡喜咁去到, 平日夜晚都等左超過半個鐘先入到去, 店員叫排隊但又無隊可跟... 我地嗌左一份 煎餃-韭菜豬肉餃🥟, 湯餃-菠菜豬肉餃🥟, 熱豆漿🥛同一份原味芝士蛋糕🍰~ 等左25分鐘先開始有野食黎單睇睇食物味道係的確好味, 煎餃係值得一試, 好香脆足料, 跟湯餃既湯都有鮮味🥟👍🏻個人更鍾意菠菜豬肉餃既餡料!原味芝士蛋糕🍰不錯, 但未去到大家係咁吹棒咁好食, 不過呢個價錢整體黎講性價比都算高. 比較失望既係餐廳安排都幾混亂😢 排隊已經唔清晰, 大家都唔知堂食定外賣排緊. 店員話得3個人做唔黎, 好多客同外賣員又出又入咁問進度, 令本身唔大既餐廳更迫...上菜都算耐, 我地無催過就等差唔多半個鐘🤧🥢總結: 單睇食物既高性價比 我係會再去食, 但安排未搞好之前都未必會再試了, 希望快d請到人幫手🤣

依間想試好耐，但總店成日好多人排，今日經過2.0見無乜人就試下啦。但發現真係名過其實。叫咗灼餃八隻，味道可以，但問題係細隻、餡料少。平日八隻我都夠飽，今日食完要再叫小食。而且分湯上，啲餃再浸湯都係唔夠熱。小食叫咗沙薑雞翼，大隻，但淋得濟，似煮咗好耐。芝士蛋糕味道正常，未到要專登嚟食佢，而且又係太細舊。啲枱亦唔太好坐，本身店員叫我坐四人枱，枱太矮凳太高。後來有其他食客，我搬咗去bar枱，張櫈同枱都唔多穩陣，而且近門口都好熱下。店員唔夠，成日想搵人時都發現樓面無人。

好食嘅餐廳係咪都要摸下門釘先食到🥲 我哋都去咗2次先捉到家後2間鋪嘅休息時間，大家可以check咗邊日休息先去😌 家後之前都介紹過，最深刻就係有芝士蛋糕食嘅餃子店！前排開咗家後2.0，裝修走cafe路線，入面都真係有蛋糕同咖啡提供🤣 不過主食都係餃子！家後嘅餃子算係中至細size，餃子皮厚薄適中，我哋2個人食咗3份8隻嘅餃子再加2件芝士蛋糕🤭•🥢 手工餃子(灼)(雙拼) $38+2📸 雲耳椰菜豬肉餃📸 麻辣大白菜豬肉餃 (是日新款)印象中今次餃子嘅款式多咗，除咗傳統蔬菜豬肉餃，見老闆都研發緊新口味，我哋去嘅時候咁啱整咗麻辣大白菜豬肉餃，我哋都貪新鮮叫咗🙈 麻辣餃都幾有新意，麻比辣更出，麻係似涼拌小食嘅麻，不過整體都覺得可以再麻啲同辣啲😋因為個麻辣味係食第一隻嘅時候先比較衝擊，但再食第2隻好似就無乜辣🤣 老闆中途都有問我哋覺得夠唔夠味，應該會再調較一下食譜先正式加入常駐餐牌😛 而雲耳椰菜豬肉餃就普通啲，唔算好有記憶點，餡料有啲啲薑味，加埋菜甫同醋會好食啲😛灼餃跟一碗老火湯，是日老火湯係螺頭野生菌湯，個湯好好飲，係屋企煲嘅感覺😍雖然湯同餃子分開上枱，仲我都鍾意將餃子輕輕放落湯再食，咁餃子表