新記雞粥 (筲箕灣道)

營業中

休息中

難得有Friend call去打場波🏀，玩完點都要一齊食埋飯先放佢番屋企，於是去番我地兩個既飯堂「新記雞粥」，貪佢就腳之餘又CP值高誠意推介「蜆介鯪魚球」，出色過坊間既中菜館，金黃色既脆皮，咬落熱辣辣好彈牙，完全無泥味，記得要蘸埋蜆蚧醬，好正咸鮮味呀😋😋😋黎得「新記」點會唔叫「貴妃雞粥」呀？即叫即滾，粥底綿夠熱，又有雞肉甜味，食到有輕輕用酒加少許藥材醃過，唔係普通白切雞，煮得唔過火之餘保持肉質嫩滑😙.食粥梗要配埋「豉油皇炒麵」，一上枱就出晒煙😮勁多配料：洋蔥、銀芽同埋蔥，麵條炒得好乾爽唔油膩，好有鑊氣👍🏻「酥炸魷魚鬚」好食到俾我friend掃左大半碟，我明白丫～因為完全係細個去茶樓食到既風味，粉唔多又唔太油，外脆內嫩，最怕食到又硬又靭呢，依道新鮮炸起完全無問題我friend必點「XO醬炒蘿蔔糕」，蘿蔔糕煎香左再加XO醬去炒，仲有好多XO醬料鋪面，鍾意佢可以一件一啖，少少辣，香口惹味加埋「叉燒腸粉」，腸粉薄身柔軟，包住叉燒粒，食落腸粉皮滑身同有少少煙靭感，酒樓既厚皮腸粉無得比啦😌「新記」既選擇以至味道都岩晒我地胃口，又樣樣大碟，我地兩個男人可以清晒碟🙈，不過就飽到行唔郁，睇黎頭先打波消耗

今日黎到筲箕灣食雞粥，不論係堂食定外賣都好多人等緊，店員做到冇停手，完全冇時間去招呼客人，企左一陣先有人帶位其實都幾抵食，一份早餐有粥再配一個小食，可以揀腸粉、炸兩、蘿蔔糕等等，份量唔少，仲跟一杯熱飲，冬天食真係幾保暖－－－－－－1. 生滾貴妃雞粥 $53叫左碗招牌貴妃雞粥，非常大碗，雞件亦有好多，雞胸肉都好嫩好滑，而粥底充滿雞既鮮味，幾甜同有油香，粥質感稠身綿滑，的確不錯叉燒腸粉腸粉食到一半先到，唔係好熱，皮有點厚，叉燒切得比較碎，所以口感一般2. 生滾碎牛粥 $37同雞粥比，碎牛粥有點被比下去，因為用料唔多，肉軟腍但冇咩牛味，粥夠綿炸兩好耐冇食炸兩，所以都有點期待，但黎到發現唔脆口，有少少失望，皮冇腸粉咁厚，不過可以再整好一點3. 酥炸魷魚鬚 $55見到係推介就叫一份黎試，真係好得👍🏻新鮮炸起，皮幾薄同埋保持到彈牙口感，條條都幾大條，都係必點之一

好耐都無同呀媽出街食過飯喇，不過見疫情開始緩和，佢又肯出去，於是我哋就坐船去咗筲箕灣嗰邊行下，同食午飯。呀媽口中就話乜都啱食，實際都係鍾意食港式粥麵多啲🤣，咁「新記雞粥」就最適合不過。餐廳好多街坊幫襯，可能又搭正下午茶時段，我哋都等咗兩張枱先入得。環境同茶餐廳無咩分別，坐得有少少逼，不過都可接受😉。餐牌成本書咁厚，食物選擇多到一個點，你以為佢得粥食？非也非也。呢度有齊粥粉麵飯、晚飯小菜同涼拌小食等等，花多眼亂🙈。一場嚟到，我哋就梗係要試佢嘅名物：貴妃雞粥($52)🐔，基本上枱枱都有叫。呀媽本身十五十六、又想試埋黃鱔粥，好在生滾煲仔粥係可以追加配料㗎！我哋額外加咗$12要黃鱔，咁就唔駛煩啦～。粥底煲到好綿好入味，最估唔到係啲雞件嘅肉煲完都仲能夠保持嫩滑，雞味亦唔會無哂。至於追加嘅🐟黃鱔味道都幾好，唔腥，口感爽脆。不過粥量唔算特別多，本身以為煲仔上會好大窩嘛。脆皮乳鴿($65)，炸乳鴿好正，就算唔點淮鹽食都好夠味👍。乳鴿好好肉，皮夠脆，唯一美中不足嘅地方就係因為喺街食，食得無咁方便、唔好意思用手食。酥炸魷魚鬚($55)，🦑魷魚鬚勁高質，條條都好大條，加上肉質一啲都唔韌，呀媽都讚好。外皮酥脆

A爸細個住元朗，所以我細細個就跟佢喺元朗四圍遊走，曾經仲幫襯過新記雞粥。由細細個到依家，新記雞粥呢個名，喺腦海中都消失咗，直到今日去筲箕灣買餸，見到一間茶餐廳，夠光猛又企理，加上疫情期間，坐得鬆動嘅餐廳真係好重要，再望吓個名，原來新記雞粥由元朗開到去筲箕灣喇。蜆蚧鯪魚球即叫即炸嘅鯪魚球，熱辣辣！大大粒夠晒彈牙，而且入面完全無細骨，啖啖肉。當然要加上蜆蚧汁，更加惹味。生滾貴妃雞粥作為招牌嘅貴妃雞粥，粥完美索晒雞嘅精華，充滿雞嘅油香。而雞肉好滑，鹹香味十足，個人鍾意加上少少糊椒粉，更加好味。叉燒腸粉食粥又點少得腸粉呢，今日就叫咗個叉燒腸粉，腸粉好滑，而入面嘅叉燒好足料，唔錯。干炒肉片河炒到乾身，夠鑊氣，而河粉仲keep到好滑，加上辣醬就更加滋味啦。魚香茄子煲除咗粥品同炒粉麵飯，呢到連小菜都有，我哋就叫咗魚香茄子煲，鹹香味十足，熱辣辣，份量又多，配白飯一流。（記住Like同Share畀朋友）

中午放飯，見到這間新開的粥店，天氣開始轉涼，食粥都唔錯。跟同事兩個人一人點了一個粥另加些小食。除了散叫還有午市套餐。皮蛋牛肉粥這裏的粥款式甚多，平時碎牛見得多，這裏竟然有滑牛，牛肉肉質軟腍，粥底很綿滑，粥底清甜無味精。皮蛋是有松花的，味道濃郁甘香。貴妃雞粥雞粥有淡淡的雞油黃色，粥底鮮甜有雞油香味，雞肉腍滑，份量頗多。炸大腸炸得很香脆，腸內油脂不多，外脆內軟且沒有騷味，而且份量頗多。蒜泥汁脆皮豆腐有十件，外面炸得香脆，但豆腐比較結實，不夠嫩滑，而且蒜味汁不夠濃郁，比較清淡。雞中翼炸得香脆，裏面不會太乾，但是店內比較普通的食物。叉燒腸粉腸粉外層粉漿不厚且滑，叉燒份量十足，而且不油膩及鞋口。整體味道不錯，價錢大眾化，份量十足，午市人比較多，所以有點濟迫。