再興燒臘飯店

營業中

休息中

🇭🇰再興燒臘飯店·又係一間有表達支持既小黃店💛呢間簡直就係男人既浪漫 我地個日去食 我好似係唯二既女客人 大家食飯都唔講野 超安靜😂😂不過D燒味哥哥講野個tone勁好笑 我地係咁偷聽😂😂·叉燒飯 $36 (雙拼同價)佢係真係超大碟 如果女仔食唔曬記住嗌少飯阿🥰佢D叉燒係口感比較扎實個種 不過個調味做得好好 幾好味 尤其係個外皮既部分🤤🤤個燒肉我自己就覺得鹹左少少 不過個皮做得好脆 係一碟好樸實既燒味飯😋大家去到記住要薑蓉 佢個薑蓉撈飯超好味 我自己好鍾意keke·#rbyeat#rby港式#rby小黃店#rby灣仔·📍灣仔軒尼詩道265-267號地下C座

環境2分：正常燒臘舖格局，坐木圓櫈，要搭枱，迫迫地。 衛生2分：筷子醬油乜都自助，衛生都係正常燒臘舖。 服務3分：地方唔算大嘅燒臘店，睇到唔夠十張中size 圓枱，最多應該容納唔到六十個人，但係伙記人數包括廚房，樓面，收銀加埋最少有12個人，伙記客人比例真係非常高。一坐低伙記已經極力推介店內最貴嘅燒味飯，當然冇上當，跟住嗌咗個出名嘅叉燒飯加例湯算啦！唔使20秒所有嘢都嚟齊，超級快手！ 味道4分：叉燒飯份量唔算多，一個女仔食完頂多啱啱好夠飽。叉燒唔太肥，又夠鬆，都幾夠汁，比一般好，但又未算最好，不過啲醬油任用先最正。例湯多菜，算係咁。 抵食5分：32蚊有碟叉燒飯食，另加6蚊仲有埋例湯飲，40蚊有找，質素又唔差，真係好抵。

灣仔 - 一個新舊交集的地方，你說要貴得離地又有，你說要平民得貼地又有，在乎你想要什麼。我 - 只是一個平民，當然選回一些貼地的東西，但是貼地不是代表水準低得貼地，它也可有水準位於高地的美食，只在乎你懂不懂選。今次午餐，就在這老牌燒臘檔食個快飯。叫一碟例牌叉燒飯($30)，識食一定要叫“燶邊肥叉”。肉質鬆軟，油脂夠多，加上燶邊的焦香，30蚊根本是世界級。再加個例湯($6)，這是個多麽溫馨的午餐

提到燒味，邊間最好？喂，咁講就各有各出色，不同店家有不同拿手菜架喎。那麼……叉燒？說到叉燒，你又會想起哪家心水名店？由細到大都鍾情於叉燒，不管其他燒味有多香口多惹味，還是唯它獨尊。以前我家樓下有間街坊燒臘店，小學放半晝，通常外賣拿回家吃。跟老闆和師傅們好熟絡，畢竟一星期至少食一次，所之大家有傾有講。有時提到考試滿分還是有什麼什麼獎的，師傅就會多切半條叉燒加餸。可是幾年前，老闆打算告老還鄉，而店子，也關了。其後想重拾那種人情味，固然不能，就連那叉燒的味道，亦未見有任何一家店可以做到。友人們十分推薦的一家燒臘飯店，位於灣仔往銅鑼灣方向，說近不近，說遠就當然非也。就因為有一剎那好想好想食，所以就來了，也拉了友人過來。就算是突然之間兩三點約友人出來食個燒味下午飯，店內都人頭湧湧。不過唔驚，咁先有啲街坊味，啱哂氣氛！這次來的目的，不外乎為了他們家馳名的叉燒。沒有搞試食，不需怎宣傳，靠口碑去吸引客源，踏踏實實做好自己。不少食客都會自發食再興出品，好評亦如潮，基本上一問叉燒就總有幾個人提這家。你估個個要收錢，要r試食先會俾好評既咩？鹵水牛腱　$30愛吃牛肉、牛舌、牛雜……牛腱當然也是其中的一道。只是

前兩日,做完Treatment,打算行去坐車返屋企時又有少少肚餓, 一個人,,又落雨,都係簡簡單單就算!結果又去左再興食燒味飯,貪佢近車站嘛呢度單併同雙併都係 $27,不過太夜,只剩返叉燒,排骨那些,嗚嗚!!我最愛的油雞已經賣光光了!因為選擇不多,所以我好快就決定到,叫左叉燒飯($27)我就最鐘意肥叉燒,我覺得任何瘦叉都是好難食!反正,食燒味就係唔健康啦!哈哈!呢度,一坐底落單後一分鐘內飯就到,即叫即做,速度之快令人吃驚~仲可以指定要燶邊,肥瘦咁我同叔叔講要肥叉,佢話"盡量啦..."30秒後飯到,叉燒是厚切半肥瘦 (肥叉應該賣晒啦)想要薑蓉又賣晒 (咁我都明白又真係太夜,叔叔態度好好)至於飯就硬左少少,不過覺得勉強OK啦,但食完覺得好滿足,$27都屬於抵食o既,如果有肥叉油雞薑蓉就更加好啦!

灣仔餐廳平均清費不低，這日就跟友人來頓廉價的午飯吧！茶餐廳縱使裝潢簡樸，但卻是最滿香港味道的地方。下午三四時依舊人流湧湧，堂吃外賣一樣多，師傅馬必須不停蹄地斬肉。主售鹵味燒肉，也有一點粉麵的，不想吃飯大可改作粉麵。牛展 $12/跟飯價 $30/原價叫飯的可加12元獲數件牛展，若原價應會獲更多，雖然牛展鹵汁偏淡，不過相當軟腍，不韌不柴。叉燒飯 $27單雙拼及碗碟均同價，叉燒偏瘦，肉質鬆軟不乾，肉香中帶微蜜甜，焦位更是最愛，入口充滿炭烤香味。不過白飯較腍，醬油味也偏淡，但醬油拌飯這種簡單粗暴的吃法卻讓人回味三分。 *推薦* * * * *再興燒臘飯店 Joy Hing Roasted Meat灣仔軒尼詩道265-267號地下C座 | ☎ 2519 6639星期日及公眾假期休息、星期一至六 10:00-22:00

晚上來到再興，不論門外還是場內，人流依然是多。門外，掛滿了各式的燒臘滷味，有待師傅進行斬切，場內，貼滿了各項的名稱價目，有待客人叫來點選。坐下，叫了一碗叉燒飯，廿七元的價錢，不貴。面上的叉燒，鋪得很亂，賣相不太美觀，只是叉燒飯，從來是用來吃的，不是用來看的。說的是肥叉，但這叉燒不肥，或者，今日的肥叉燒，只是以前的半肥瘦而已。但這碗不肥也不貴的叉燒飯，實是碗美味的叉燒飯。外層呈現出玫瑰的色澤，少處也烤至焦黑，入口下帶點脆身，肉質可十分嫩滑。重要的還是味道，既吃了出蜜味，亦帶出了肉味，起碼我仍然知道，自己正在進食著一件肉塊。白飯很熱的，煮得十分鬆軟，是很好的米飯，桌上亦備有各式醬料，方便給客人添加，加了少許醬色落入飯中，可更加美味，有如於白紙之上，畫上了墨寶一般。六、七塊錢的例湯，是蓮藕羅漢果煲豨骨，不算很好的湯，但亦能喝出火候出來。另外加了十二元，叫了一客燻蹄，肉質尚算爽口，只是鮮味普通，也帶點乾，更沒有海哲相伴，普普通通的出品，但此時此刻，確實很想吃燻蹄，所以我，還是喜歡這燻蹄。最初老闆忘了拿出蒜醋出來，最後還是補回了，粗中有細，笑得很豪邁，給人很老實的感覺，我也喜歡。當晚的叉燒實在不

在灣仔斷斷續續工作已多年了，其中一間舊式老店很想去咬，但苦冇機會，終於有一日來到了 "再興燒臘飯店"。午飯時也有很人去排隊或外賣。不過人流很多，也去的得很快，不到5分鐘，我便可入去了。入到去叫半肥瘦叉燒飯，同事咬齋，咬油菜齋瀨。吾知係斬味燒的人很忙。碟飯來到，沒有給我半肥瘦叉燒，算啦！不過味道都不錯，只是有小小硬，味道有小小甜，但他們有著一份懷舊味和人情味，這些味道都不是用筆墨來形容，咬的時候很溫暖窩心，同事說他的齋瀨也不錯，但油菜卻凍了。我又叫了個鮑汁鳳爪，呢個就真失敗，完全冇味，鮑汁冇鮑汁的貼口及味道，鳳爪味道又一般。咬了一件便不想咬下去。不過佢D燒味汁，真係用左舊式煮法，有玫瑰酒的香味。成支放左你面前，你可多汁小汁都是可自己發揮。我自己便喜歡小汁，怕太咸了。又可吃到原本味道。不過我聽到其他同事講，除左叉燒外，其他都麻麻。不要緊啦！叉燒到現在，很難找到好吃價錢又平，起碼現在能找到啦，不過在又點呢................，可能又消失在地產市場中了。

八月下旬‧晴不知何解，總想讓這忙碌的一周以一碗簡單的叉燒飯開始，就來了再興。不是說笑，近年真的越來越覺得這裡的叉燒好吃：鬆化不過腍，有肉香也不過甜，真好吃。好像我已說過，有時山珍海錯，也不及一碗好吃的叉燒飯。有食友告訴我這裡的叉燒在最近某投票大賽中排包尾，是真的嗎？雖然都幾難以令人置信，不過，吃叉燒也真的是幾個人化的事。甜的腍的肥的瘦的都有人喜歡。

要數人氣高企、流量又高的食店, 除了澳洲牛奶公司外, 相信再興也是緊隨其後的一家。叉燒飯 ($25) 是這裡堂食必點的「例牌」, 不過記住記住記住記住向店員要求「肥叉」, 因為如果沒有這樣做的話, 很大機會你會接到一些骨瘦如柴、幾乎「零脂肪」的叉燒。事實這裡的「肥叉」其實就等於「半肥瘦」, 甜度適中, 味道鬆化。以這個價位來說, 是沒有任何挑剔的理由。

一個人在灣仔遊蕩，餓了，卻發現身上得番三十蚊唔夠，吃老麥，倒不如去幫襯再興食個叉燒飯。晚上八點，再興門口聚集了不少人，大多都是斬料外賣的，穿過人龍直入內堂，找個空位「搭檯」，再跟阿姐講句「叉燒飯」就行，貪其方便快捷。在這裡，談服務實在有點不切實際，但阿叔阿姐做野手腳極快，絕無呼呼喝喝的態度，店紅，人不驕，是生意長做生有的要訣。叉燒飯 ($22) 轉頭送上，吃前先倒些醬油，叉燒是半肥瘦的位置，肉腍香口，而且帶點蜜汁甜，仍能保持往日的水準，但飯底就差些少，比較濕比較糊，足夠飽肚就是了，以此價錢來說，總比幫襯大家樂、美心這些連鎖店的燒味飯好！

18/8/09(二)吃過何洪記，逛了一會兒街，就來到這裏吃晚飯。外賣這裏的燒味多次，還是第一次堂食，當然要搭檯，生意非常好。叉燒飯($22) ：一碗和一碟是同價的，怕吃不完，就叫了一碗。叉燒不像平日外賣一片片，大部份一粒粒似的，賣相失色，都頗鬆軟的。飯不沾上很多醬油，不錯。燒鴨飯($22) ：一碟燒鴨飯，份量十足，燒鴨既香肉也不少，挽回一些分數。西洋菜湯($6) ：看見別人的例湯不錯，只需加六元就有一大碗，夠味又不油，值得一讚。期間不斷有客人外賣，亦不乏外籍客，店方也是應付自如，厲害。整體而言，一個笑臉少不得。

既然臨別秋波, 咁當然冇咩可能唔黎呢間食店回味一番啦! 於是早幾日放飯時間就急急腳黎呢度食碟飯啦!入到去依然係人山人海, 未坐定要柯打野食係呢度嘅一個特色, 於是師傅就柯打左至愛嘅叉燒飯喇; 一坐定就已經有得食, 服未?講下個叉燒, 叉燒就燒得好香, 味道唔會過甜, 加上半肥瘦適中, 肉身夠鬆夠腍, 再配埋呢度嘅秘制豉油, 送飯真係一流, 好好味呀!總括黎講叉燒依然維持一貫高水準, 廿二蚊一碟, 又平又抵食, 冇得頂! 師傅將會離開呢個環頭, 所以都幾肯定唔會再有機會黎, 但呢度嘅叉燒真叫師傅一試難忘, 回味無窮; 希望往後真有機會專誠再黎啦; 笑臉一定要比啦!