再興燒臘飯店

營業中

休息中

既然臨別秋波, 咁當然冇咩可能唔黎呢間食店回味一番啦! 於是早幾日放飯時間就急急腳黎呢度食碟飯啦!入到去依然係人山人海, 未坐定要柯打野食係呢度嘅一個特色, 於是師傅就柯打左至愛嘅叉燒飯喇; 一坐定就已經有得食, 服未?講下個叉燒, 叉燒就燒得好香, 味道唔會過甜, 加上半肥瘦適中, 肉身夠鬆夠腍, 再配埋呢度嘅秘制豉油, 送飯真係一流, 好好味呀!總括黎講叉燒依然維持一貫高水準, 廿二蚊一碟, 又平又抵食, 冇得頂! 師傅將會離開呢個環頭, 所以都幾肯定唔會再有機會黎, 但呢度嘅叉燒真叫師傅一試難忘, 回味無窮; 希望往後真有機會專誠再黎啦; 笑臉一定要比啦!