永合隆飯店

營業中

休息中

永合隆飯店在上世紀60年代開業，至今已有六十年多。褪色的金漆招牌，加上「乳豬燒臘第一家」的字句，令人勾起飯店昔日的光輝歲月。永合隆堅持用炭燒做法，乳豬仍有一定的捧場客。燒豬也備受歡迎，外皮香脆、肉質鬆軟、肉中滲出炭香，相比掛爐燒製，味道方面有較多層次。今天試試叉燒、燒肉飯，叉燒是用梅頭半肥瘦，叉燒邊有少許脆，以及帶點蜜味，好味。燒肉皮不單止脆，咬落更發出聲音，肉質不是硬繃繃，味道有點鹹。可惜，飯沒有飯味，有點失望。

永合隆這個大名已一早聽聞，一直未有機會食到。適逢有親戚入伙，斬了燒肉及叉燒來作客。本身好少食燒肉，因很難得才有機會食到一件靚，無謂浪費quota。因為久仰大名，破例食一次，卜卜脆的豬皮，真是皮脆可口；肉質嫩滑，入口鹹味適中，果然是鎮店之寶。其實單看賣相叉燒勝過燒肉，未食也多了一份好感。色澤光亮、表面帶點燶黑，但肉質保持香腍軟熟，蜜味豐富，我一件接一件的不停口。繼跑馬地永祥後，又是一間我推介的燒味舖。