川滿居 (京都廣場)

營業中

休息中

又想吃川菜，但同時又想吃到京菜，來銅鑼灣吃川滿居就最適合不過了！餐廳主打四川菜和京川菜，提供各式各樣的菜式，可以一次過滿足多個想吃中菜的願望！餐廳設計亦充滿了滿滿的中式風情，環境別緻～片皮鴨(半隻)💰HK$168片皮鴨每一片都切得很薄，鴨皮亦非常之酥脆，配搭青瓜絲、京蔥、醬汁和麼麼皮一起吃，正好這些配料的清爽口感平衡了鴨肉的油膩感，整體層次感更加豐富～黃金蝦球💰HK$128黃金蝦球外層炸至金黃酥脆，內裡的蝦肉保持爽口彈牙，每一口都充滿了鹹蛋黃的香味和蝦球的鮮味，香氣四溢～口水雞💰HK$66辣度叫了小辣，味道剛剛好！雞件嫩滑多汁，再配上惹味的口水汁，令人垂涎欲滴～蕃茄炒蛋💰HK$66帶有自然酸甜味的蕃茄與雞蛋的鮮味互相融合，使整體的味道更清新更開胃，同時炒蛋亦保持了嫩滑的口感，真是一款簡單而經典的菜色～白飯(碗)💰HK$15吃了這麼多惹味的菜式，當然要配一碗白飯～桃之夭夭💰HK$36名字非常特別，味道有點像是蜜桃味的梳打水，表面還有一片檸檬做點綴，最底層還有爆爆珠，使整杯飲品的口感更加多元化～總括來說，餐廳食物質素高，而且種類多元化，價錢亦非常之合理，真是一間性價比很高的餐廳👍🏻

高質正宗的四川菜，位於銅鑼灣，地段方便，好適合約埋朋友一齊食飯。🌟招牌金湯酸菜魚一上碟就見到超大一盤😍金黃色的湯底，魚湯鮮味，味道酸爽開胃，仲有藤椒既酥麻，重點係成個湯底不會太油！無骨魚片好大塊、好厚身，魚肉食得出幾新鮮，爽脆同嫩滑～配搭晶瑩通透的薯粉，味道酸辣鮮明，層次豐富！🌟口水雞賣相好正宗，雞肉的份量幾多，而且睇得出係雞髀位，冇咩骨，一啖全部都係肉😍❤️口水雞的肉質好新鮮又嫩滑，雞皮都好爽，口水汁都好濃厚！酸，辣，麻的配合得非常好！👍🌟孜然肉片（配六張麼麼皮）肉質厚實，配搭薄餅好適合！孜然的味道很濃郁，十分惹味！香氣四溢，鹹鮮香辣俱全，真係令人食上癮，胃口大增！

星期二下班後和老公到銅鑼灣川滿居吃晚餐。秘制拍青瓜所有菜式都可以選辣度、油度、鹹度之類的，都選了小辣少油，青瓜辣度很舒服，挺爽脆。口水雞雞肉很嫩滑，一塊接著一塊，慾罷不能，作為冷盤很不錯。涼拌花甲花甲很新鮮，洗得很乾淨，沒有沙，吃得很爽。金湯酸菜魚魚肉非常嫩滑，份量很足夠，還有薯粉、萵筍、菇類等，非常多料，越吃越辣，在香港也吃得到美味的酸菜魚。孜然羊肉配有六張麼麼皮，像片皮鴨的吃法，只是鴨變成羊肉和沒有醬料，羊肉帶微微羶味，很惹味。飲品叫了金桔檸檬茶和桃之夭夭，兩杯都是少甜，後者是蜜桃梳打加一些啫喱珠珠。

朋友又想食香鍋所以又黎到京都廣場呢邊搵食。上次試過5/F既麻辣風雲，呢次試埋6/F既川滿居😋。6點幾去到無咩人，有房坐環境唔錯，店員好貼心一坐底又俾消毒紙巾又問使唔使叫野飲先🤣。🔅招牌香鍋 ($224)香鍋揀左豬頸肉、墨魚餅、田雞、鵪鶉蛋同娃娃菜。大大鍋一拎黎已經聞到超級香😳！揀左微辣醬香，真係最近食過最香既香鍋😍，辣度都啱唔太食得辣既朋友。極推薦豬頸肉！好爽口，份量仲要幾多😂。田雞同娃娃菜都唔錯，夠晒入味🤤。🔅孜然肉片(配6張麼麼皮) ($98)孜然味好香！肉片好滑唔鞋口，加左好多洋蔥炒好香😋。要讚麼麼皮每塊都有張紙隔開唔會痴住晒👍🏻。🔅口水雞 ($66)雞好滑👍🏻，醬都幾香，花生仲脆😝。🔅白飯 ($15)🔅凍檸茶 ($18)🔅百香果檸檬茶 ($36)💬呢間既環境同店員服務真係唔錯👍🏻，qr code自己落單夠方便，仲可以極customize揀多油少油、多鹹少鹹、走麻、etc .🥺。

香港人愈來愈愛吃酸菜魚，所以美食林立的銅鑼灣也愈來愈多京川滬餐廳。這間位於京都廣場，又鄰近地鐵站出口，價錢比起同類型的餐廳更為便宜，且口味同樣地道水準。金湯酸菜魚 - $188金黃的湯色非常誘人，一片片光滑肥碩的魚肉連著魚皮，完全沒有魚刺，肉質柔軟細膩，迎面撲來就是酸酸的魚香味，還有很多酸菜酸爽可口，又有乾辣椒提升麻辣感，配料還有些菇類、萵荀及晶瑩剔透的薯粉。孜然牛肉 - $98即叫即炒的牛肉散發著濃郁的孜然香，帶少少微辣的刺激感，洋蔥炒香甜柔軟，配六塊麼麼皮正好用來包裹著。口水雞 - $66一件件口水雞，油亮柔軟的雞皮好滑溜，雪白的雞肉嫩口又濕潤，有少少炒香的白芝麻和花生碎，底部的口水汁有著紅油、炒香的辣椒渣及辣椒籽，富麻香芬芳，好有惹味。無糖可樂 - $15凍檸茶 - $18吃辣一定要配凍飲解辣，夠冰凍。

第一次來川滿居，我是酸菜魚迷，食盡大大小小的酸菜魚，心中當然有一個排行榜，吃過川滿居的金湯酸菜魚才知標準的準則😆金湯酸菜魚（大辣）是川滿居的招牌必點菜，一鍋有滿滿的魚片，魚片的分量絕對多過其他配料，連皮既魚片彈牙爽口，肉質非常幼滑，沒有細骨，可以放心食，配料亦有有多款不同的雜菌，萵筍，酸菜，令酸菜魚味道更豐富，鍋底下有很多薯粉添，簡直大滿足！葱椒小肥牛（中辣）好香既孜然味, 而且牛肉份量多, 再配埋京葱, 洋蔥🧅，有獲氣，惹味十足！口水雞 （中辣) 食川菜又點會少得口水雞呢. 肉質嫩滑，不像其他地方多數俾雞胸肉，雞皮肥瘦適中，又辣又過癮👍🏻細心位係店員非常親切，能夠顧及每台客人嘅需要，亦細心為客人推介菜單，這點加分！

銅鑼灣站📍川滿居-雖然琴日火燒後欄，但酸菜魚係難以抗拒☺️女朋友至愛啊嘛，今次小辣ok🌶😹金湯酸菜魚（$188）呢個酸菜魚大大碟，d魚係暫時我食過最滑嘅酸菜魚😱嫩滑又唔易散，唔會太薄，又冇骨，魚片係加洲鱸魚🐟湯底有層次，唔會死鹹同酸，今次叫小辣，恰到好處。本身仲配有薯粉、萵筍、菇類等等，唔洗加碗飯都得！不過一開始唔知有薯粉底，都叫左一個飯share，吸埋d湯汁真係好送飯😍😋孜然牛肉配嬤嬤皮（$88）一上台已經聞到陣陣孜然味～牛肉爽滑，配埋嬤嬤皮都幾好食！牛肉份量多，6張嬤嬤皮都包唔晒😋口水雞（$58）口水雞有驚喜，佢個口水汁好夠香椒味，帶少少酸，好開胃，今次都係叫小辣，d辣汁落到喉嚨先開始黎料🔥雞肉少少凍，肉同皮都嫩滑✌🏻酸梅湯（$18）食咁多辣野飲返杯酸梅湯好正😆酸甜解膩，大大杯😜環境方面，店舖已經佈置左新年裝飾，配埋本身嘅裝修都幾川味～今次坐卡位，如果間距再闊少少就岩晒我呢個標準肥仔身型🤣🤟🏻

見到社文平台廣告新開鋪，有套餐同訂座優惠，特登去試下，順便滿足下辣癮！同朋友叫左個套餐，三款魚主菜三選一（酸菜魚/水煮魚/烤魚），份量算大份，魚唔算好滑，有小量骨，配料都多，夠酸夠香。小菜選一（簡左干炒四季豆），炒得好香，清碟！前菜選一（簡左口水雞），雞剛剛夠熟，肉質同皮都滑，唔會好肥，醬汁味道還好。食完唔夠整多個自選招牌香鍋，自選5個餸（牛肉、魷魚、牛肚、萵筍、四季豆），牛肉好香孜然粉味，醃得好入味，魷魚一般，牛肚唔夠淋，萵筍同四季豆炒得夠香。整體環境舒服、員工熱心招待，每樣餸都會問你要咩辣度，老闆娘話下次叫我地試下片皮鴨，有機會再去。OpenRice 訂座食滿$300減$20，入座記得同職員講聲。